TITUS
The Shatberd Codex
Part No. 47
Previous part

Chapter: B_3  
Page of ed.: 140  
Line of ed.: 4  
გ̂. თუალი ზმური


Line of ed.: 5        მესამჱ თუალი -- ზმური, რომელსა-იგი წერილი იყო სახელი ლევისი. რამეთუ
Line of ed.: 6     
ნათესავსა ლევისსა აქუნდა მღდელობაჲ იგი, რომელსა-ცა-იგი ლევიტელ
Line of ed.: 7     
ერქუმოდა, რომელნი-იგი იყვნეს მერარჱსგან და კაათჱსგან და გეთსონჱსგან
Line of ed.: 8     
საკჳრველი ესე ნათესავი დაწერილ იყო ზმურსა მას თუალსა, რამეთუ
Line of ed.: 9     
არს ზმური თუალი მწუანჱ, მბრწყინვალჱ. მრავალთა ნათესავისა მისგანთა
Line of ed.: 10     
აქუნდა მღდელობაჲ იგი, დიდითა შრომითა და სიმჴნითა უძლურ და უსუსურ,
Line of ed.: 11     
განთეთრებულ, მწუანის-ფერ განწონილ, რომელთა შრომის-მოყუარებითა
Line of ed.: 12     
მით განათლებულ ბრწყინვიდა სული მადლთა მათ ღმრთეებისათაჲ. რამეთუ
Line of ed.: 13     
იოვანე-ცა იყო ნათესავისა მისგან ლევისი, მოთმინჱ შრომითა მსგავსად ნათესავისა
Line of ed.: 14     
მის სიმჴნისა და წმიდითა მით ქალწულებითა თჳსითა Ms. page: 72r   თჳსთა მათ
Line of ed.: 15     
გულის-თქუმათა განიშორებდა. სიმჭლითა მწუანის-ფერ-ყო ფერი მისი მრავლითა
Line of ed.: 16     
სიმჴნითა შრომისა მისისაჲთა, რამეთუ სხუა და სხუა ფერ იყო თუალთა
Line of ed.: 17     
მათ ზმურთაჲ, რომელ-იგი მზის აღმოსავალით კერძო იპოვებიან. დიდ მრუმე
Line of ed.: 18     
არს სიმწუანჱ იგი მათი, და რომელ-იგი დასავალით იპოვებიან მისსა, უფროჲს-ღა
Line of ed.: 19     
მომრუმე. Page of sec. ed.: 28  და რომელი-იგი ფისონ მდინარისაგან გამოვალს, იგი
Line of ed.: 20     
ნათლითა მით აღრეულად უჩუენებნ სიმწუანესა თჳსსა. ვითარცა ჭეშმარიტი
Line of ed.: 21     
ზმური, ეგრე-ცა მღდელთ-მოძღურებაჲ იგი თითოვეულად მიხედვითა მით პირსა
Line of ed.: 22     
მათსა უჩუენებდეს საქმეთა და შრომათა სიმჴნითა მათისათა და წესიერებითა
Line of ed.: 23     
აქუნდა სიტყუაჲ მოძღურებისაჲ სწავლითა ერისა მის მიმართ. და თუ
Line of ed.: 24     
დაშავებულ ფერითა მით ჩანედ. მოასწავებედ ფერსა ცოდვათა თჳსთასა და
Line of ed.: 25     
უკეთურებითა მოძღურებისასა. და თუ სპეტაკის ფერად ჩანედ, მოასწავებედ
Line of ed.: 26     
კეთილთა საქმეთა და უმჯობჱსსა და წრფელსა მოძღურებასა. რამეთუ
Line of ed.: 27     
იტყჳს ესრე წინაჲსწარმეტყუელი: "ნუგეშინის-სცემდით, ნუგეშინის-სცემდით
Line of ed.: 28     
ერსა ჩემსა, მღდელნი ეტყოდეთ გულსა იერუსალჱმისასა"*. და მერმე
Line of ed.: 29     
იტყჳს: "აჴედ მაღალსა მახარებელი ეგე სიონისაჲ და აღიმაღლე ჴმაჲ შენი"*
Line of ed.: 30     
და უთხარ ერსა ჩემსა ცოდვაჲ მათი". და სხუაჲ იგი შემდგომითი შემდგომად
Line of ed.: 31     
არა სხჳთ რაჲ ვინ შემძლებელ არს და არცა თჳსითა ძალითა უწყებად ესევითარისა
Line of ed.: 32     
მოძღურებისა. არა თუ ვის-მე ენებოს თუალი იგი პატიოსანი, რომელ
Line of ed.: 33     
არს ესე თავადი უფალი ცხორებისაჲ და მბრწყინვალებითა, ვითარცა სარკისა
Line of ed.: 34     
ნათლითა, განათლებულ პირი თჳსი, და მეცნიერებითა Ms. page: 72v   -- გონებაჲ თჳსი,
Line of ed.: 35     
ჭეშმარიტებითა და წრფელითა სარწმუნოვებითა და ვითარცა იოვანე პირის-პირ
Line of ed.: 36     
ხილვითა იტყჳს: ესე არს კრავი ღმრთისაჲ, რომელმან აჴოცნეს ცოდვანი
Line of ed.: 37     
სოფლისანი, ესე არს ნანდჳლ-ვე თუალი პატიოსანი, რომელ არს შარავანდ
Line of ed.: 38     
და გჳრგჳნ საუფლო სძლისა მის თჳსისა ეკლესიისა. ესე თუალი არს
Line of ed.: 39     
ზმური, რომელი ზედა ბეჭთა მათ მღდელთ-მოძღურისათა განდგმულ იყო. Page of sec. ed.: 29  და
Page of ed.: 141   Line of ed.: 1     
ზედა ზმურსა მას თუალსა დაიწერნეს თუალნი იგი ათორმეტთა მათ ნათესავთა
Line of ed.: 2     
ისრაჱლისათანი. რამეთუ ნანდჳლ-ვე მღდელთ-მოძღუართა მიერ საცნაურ
Line of ed.: 3     
არს თუალი იგი პატიოსანი ქრისტე და მღდელთა აღუღებიეს და აქუს იგი
Line of ed.: 4     
და მიმოდადებითა ყოველთა მიერ ღმრთეებისა მეცნიერებასა. და ამას
Line of ed.: 5     
თუალსა პატიოსანსა ყოველნი ნათესავნი დაიწერებიან და განმართლდებიან
Line of ed.: 6     
წმიდითა მით განათლებითა და შევლენ წმიდასა ეკლესიასა და განუფენენ
Line of ed.: 7     
და მისცემენ თითოვეულად მადლსა, რომელსა მიმადლებულ არს წმიდისა
Line of ed.: 8     
ქალწულებისა მარხვაჲ. რომელი-მე არნ მღჳძარე და მხიარულ, და რომელი-მე
Line of ed.: 9     
-- მოთმინე სიმჴნითა, და რომელნი-მე -- განძლიერებულ და გულისხმის-მყოფელ
Line of ed.: 10     
და რომელნი-მე -- წმიდითა საქალობითა. ამას ყოველსა დასწერს
Line of ed.: 11     
მღდელობაჲ იგი ზედა წმიდასა მას თუალსა პატიოსანსა, რომელ არს
Line of ed.: 12     
განახლებაჲ ზეგარდამო შობითა მით ბანისაჲთა და წმიდითა მით განათლებითა
Line of ed.: 13     
წარადგინებს სასოვებასა კეთილსა ზიარებითა დიდსა მას ზრახვასა
Line of ed.: 14     
ღმრთისასა და ჴორცითა და სისხლითა მით ქრისტჱსითა თანა-მყოფ და
Line of ed.: 15     
შვილ ღმრთის და თანა-მკჳდრ ქრისტჱსა, რომელსა-მას იყავნ Ms. page: 73r   მიწევნაჲ
Line of ed.: 16     
და მხიარულ-ყოფაჲ სასუფეველსა მას ძისა ღმრთისასა.



Next part



This text is part of the TITUS edition of The Shatberd Codex.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.