TITUS
The Shatberd Codex
Part No. 22
Previous part

Chapter: 21  
Page of ed.: 104  
Line of ed.: 10  
თავი კ̂ა

Line of ed.: 11  
და თქუა ოცდამეერთესა თავსა, რამეთუ დაჯერებაჲ აღდგომისა მოსალოდებელ
Line of ed.: 12  
არს განმრავლებითა სახეთაჲთა შემდგომითი შემდგომად უფროჲს
Line of ed.: 13  
თქუმულისა მის წიგნთაჲსა


Line of ed.: 14        არამედ შევიკრძალოთ იგი-ვე სიტყუაჲ, რომელსა შინა ვიყვენით; ნუუკუე
Line of ed.: 15     სურვილითა ვინმე სიტკბოვებისა მის, რომელსა მოველით, დაკლება და ჴუება
Line of ed.: 16     უჩნდეს დაყოვნებაჲ იგი კეთილთაჲ მათ მომავალთაჲ, რომელნი-იგი არიან
Line of ed.: 17     უფროჲს ბუნებათა ცნობისა და ზეშთა სიტყჳსა განგრძობაჲ იგი ჟამთა მოწევნისა
Line of ed.: 18     მისისათაჲ. აწ ნუ სულმოკლე იქმნების იგი მსგავსად ყრმათა მათ,
Line of ed.: 19     რომელთა ვერ მიიღიან მალიად სათხოველი მათი. და რაოდენ ყოველი-ვე Page of sec. ed.: 195 
Line of ed.: 20     განეგების სიბრძნით და მეცნიერებით უეჭუელად, რამეთუ არარაჲ არს გარეშე
Line of ed.: 21     განგებისა და სიბრძნისა. და ნუუკუე იკითხავ, თუ რაჲ არს განგებაჲ
Line of ed.: 22     იგი, რომლითა ვერ მივიწევით მყის საწადელსა მას და მი-მცა-ვიცვალენით
Line of ed.: 23     ცხორებისა ამისგან საჭირველისა? არამედ ცხორებაჲ ესე ჴორციელადი განგრძნდა
Line of ed.: 24     საზომით განსრულებაჲ ყოვლისაჲ, ვიდრემდის გამოიჴსნეს ამის აღჳრისაგან
Line of ed.: 25     და მიიწიის კუალად ცხორებასა მას მოცალებულსა და განსასუენებელსა
Line of ed.: 26     მშჳდობისა და სიხარულისასა. არამედ უკუეთუ კითხვაჲ ესე ჯერ-არს
Line of ed.: 27     გამოცნობად, უკუე იპოვოს სამართალსა თანა ჭეშმარიტსა. ხოლო რაჲ-იგი
Line of ed.: 28     მოგჳვალს გონებასა ჩუენსა, ესე არს. და აწ კუალად მივიდეთ მას-ვე სიტყუასა
Line of ed.: 29     პირველსა: "ვქმნეთ კაცი ხატად და მსგავსად ჩუენდა. და შექმნა ღმერთმან
Line of ed.: 30     კაცი იგი, ხატად ღმრთეებისა შექმნა იგი"*. ხოლო ხატებაჲ იგი ღმრთისაჲ,
Line of ed.: 31     Ms. page: 38r   ხილული ყოველსა შინა ბუნებასა კაცობრივსა, განსრულებულ არს,
Line of ed.: 32     არამედ ადამი ჯერეთ არღა არს, რამეთუ ადამ გამოითარგმანების ქუეყანიერი,
Line of ed.: 33     ვითარ-იგი გუესმა ფარისეველთა მათგან ჰურიათა. და მოციქული, რამეთუ
Line of ed.: 34     წურთილ იყო მოძღურებასა მას ჰურიაებრსა და მიწევნულ სიტყუასა მათსა
Line of ed.: 35     ფრიად, ამისთჳს სახელ-სდვა კაცსა მას და თქუა: პირველი იგი კაცი ქუეყანისაგან
Line of ed.: 36     მიწაჲ. და შექმნა ღმერთმან კაცი იგი ხატად ღმრთეებისა, ბუნებაჲ
Line of ed.: 37     სრულ, შექმნა იგი სიბრძნითა მით, რომელი სძლევს ყოველსა და არა ზოგს
Line of ed.: 38     ყოვლისაგან, არამედ ყოველსა სისრულესა ბუნებისასა წამსა შინა იხილა მან
Line of ed.: 39     "რომლისა ჴელსა შინა მისსა არიან ყოველნი კიდენი ქუეყანისანი, ვითარცა.
Page of ed.: 105   Line of ed.: 1     იტყჳს წინაჲსწარმეტყუელი*. იხილა მან, რომელმან იცის ყოველი-ვე ვიდრე
Line of ed.: 2     ყოფადმდე მისა. იხილნა უდარჱსნი იგი ორნი ნაწილნი მისნი, რომელნი
Line of ed.: 3     მიდრეკებიან ბოროტით კერძო და ორნი, რომელნი მოზიარე ანგელოზით
Line of ed.: 4     იხილვებიან ნებითა თჳსითა. და იქმნეს იგი შეურაცხ. ამისთჳს შეზავა პირუტყუებრი
Line of ed.: 5     რაჲმე ბუნებასა კაცისასა, რამეთუ არა არს ბუნებასა შინა სახიერსა
Line of ed.: 6     საღმრთოსა განყოფად მამაკაცებად და დედაკაცებად. არამედ შეაყო საკუთრებაჲ,
Line of ed.: 7     რომელ აქუს დაბადებულებასა პირუტყუთასა, კაცთა თანა. რამეთუ
Line of ed.: 8     დიდებაჲ იგი დაბადებულებისა ჩუენისაჲ უზეშთაეს იყო, რამეთუ ოდეს-იგი
Line of ed.: 9     შექმნა, არა მაშინ თქუა: აღორძნდით და Page of sec. ed.: 196  განმრავლდით-ო, არამედ რაჟამს განყო
Line of ed.: 10     მამაკაცებაჲ და დედაკაცებაჲ. მაშინ-ღა თქუა, განმრავლდით-ო და უფლებდით
Line of ed.: 11     ქუეყანასა ზედა. და ესე არა საკუთრებითა მით ბუნებისა ღმრთეებისაჲთა Ms. page: 39v  ,
Line of ed.: 12     არამედ პირუტყუებრისა მისთჳს, ვითარ-იგი წიგნმან თქუა, ვითარმედ
Line of ed.: 13     ითქუა ესე ღმრთისაგან: "აღორძნდით და განმრავლდით"* უწინარჱს
Line of ed.: 14     ქუე-წარმავალთა მიმართ და უკუეთუ-მცა ითქუა ესე კაცისა მიმართ პირველ
Line of ed.: 15     განყოფადმდე მამაკაცად და დედაკაცად, არღარა-მცა ვიდრემე გჳჴმდა შობაჲ
Line of ed.: 16     ესე პირუტყუებრი. არამედ იხილა ესე წინაჲსწარითა ცნობითა, ვიტყჳ განსრულებასა
Line of ed.: 17     მას კაცთასა, რომელთა განვლად ედვა ცხორებაჲ ესე. იძულებით
Line of ed.: 18     მოიღო ჟამი, რაჲთა იყოს რიცხჳ იგი სულთაჲ მათ, რომელი მიიღო, რაჲთა
Line of ed.: 19     შემოვიდენ სოფლად, რამეთუ ჰხედავს შორიელსა მას, ვითარცა მახლობელსა,
Line of ed.: 20     რაჲთა იყოს განსრულებაჲ მათი მოცალებაჲ ჟამთაჲ, რომელნი დაცხრომად
Line of ed.: 21     არიან ძრვისა მისგან მოდინარისა, ვინაჲთგან დაუდგრომელ იყო კაცებაჲ
Line of ed.: 22     მას შინა ხოლო რაჟამს აღესრულოს შობაჲ ესე კაცთაჲ და დასრულდეს,
Line of ed.: 23     დასრულდენ მის თანა ჟამნი-ცა. მაშინ იყოს განახლებაჲ ყოველთაჲ და ქცეულებაჲ
Line of ed.: 24     ყოველთაჲ და შეიცვალოს კაცებაჲ იგი ქუეყანით განხრწნილი დაუსაბამოსა
Line of ed.: 25     მას უხრწნელებასა. და ვჰგონებ, ვითარმედ სიტყუასა მას მიჰმართა
Line of ed.: 26     მოციქულმან, სიტყუათა მათ, რომელთა მიუწერს კორინთელთა მათ: "აჰა ესერა
Line of ed.: 27     საიდუმლოსა გითხრობ თქუენ: ყოველთა-ვე შევისუენოთ, არამედ არა ყოველნი
Line of ed.: 28     განვახლდეთ მეყსა შინა წამსა თუალისასა უკუანაჲსკნელითა მით საყჳრითა.
Line of ed.: 29     საყჳრსა დაეცეს"*. და მე ვჰგონებ, ვითარმედ, რაჟამს განსრულდეს
Line of ed.: 30     და საზომისა მისებრ განსაზღვრებულისა სრულ-იქმნეს და არაჲ დააკლდეს
Line of ed.: 31     რიცხუსა Ms. page: 39r   მას სულთასა, მაშინ წამსა შინა იყოს შეცვალებაჲ ყოველთაჲ.
Line of ed.: 32     და უწოდა ჟამსა მას მყისი და წამი თუალისაჲ. ხოლო ოდეს ჴმა-ყოს
Line of ed.: 33     საყჳრმან აღდგომისათჳს გამაღჳძებელმან მძინარეთამან. მაშინ დაშთომილნი
Line of ed.: 34     ესე ცხორებასა ამას მსგავს იყვნენ განახლებულთა მათ აღდგომასა
Line of ed.: 35     და იქმნენ უხრწნელ, ოდეს სიმძიმე ესე ჴორცთაჲ ამათ არღარა შთაზიდვიდეს
Line of ed.: 36     გუამსა ამას ქუეყანად. არამედ შემძლებელ იქმნეს Page of sec. ed.: 197  სიწულილადითა
Line of ed.: 37     მით აჱრთა შინა სლვად, აღტაცებული ღრუბლითა აერთა შინა და
Line of ed.: 38     მიერითგან იყოფვოდიან მარადის უფლისა თანა*.

Line of ed.: 39        უკუე ჰგებს ჟამი ესე სულგრძელებით აღორძინებასა კაცთასა, რამეთუ
Line of ed.: 40     რომელნი-იგი არიან საზომსა აბრაჰამისსა მათგანნი, ინებეს, რაჲთა მიხედონ
Line of ed.: 41     კეთილთა მათ და ყოლად-ვე ეძიებდენ სადგურსა მას ზეცისასა, ვითარ-იგი
Line of ed.: 42     იტყჳს მოციქული*. არამედ ჯერ-ერთ მეძიებელ-ღა არიან მადლსა მას,
Page of ed.: 106   Line of ed.: 1     რამეთუ ღმერთმან იხილა წინაჲსწარითა ცნობითა და "უმჯობესი განიგულა -- ვითარცა
Line of ed.: 2     თქუა მოციქულმან -- რაჲთა არა თჳნიერ ჩუენსა სრულ-იქმნენ"*.
Line of ed.: 3     უკუეთუ იგინი მიიწევიან დაყოვნებასა შორსა მოსაგებელისასა, რომელთა-იგი
Line of ed.: 4     იხილნეს კეთილნი იგი არა სასოვებით, არამედ ვითარცა თქუა მოციქულმან,
Line of ed.: 5     და შეიკრძალეს საშუებელი იგი მოსალოდებელი მინდობითა აღმთქუმელისაჲთა.
Line of ed.: 6     და რაჲ-ღა-მე ვყოთ მრავალთა მათთჳს, რომელთა-იგი აქუს
Line of ed.: 7     სასოვებაჲ რაჲმე კეთილთა მიმართ წარსრულთა ცხორებასა შინა სულისასა,
Line of ed.: 8     რომელი-იგი წარსრულ არს? და აღიარებს მიზეზსა მას სურვილისასა Ms. page: 40v  
Line of ed.: 9     ფსალმუნსა შინა, რაჟამს-იგი თქუა: "ჰსურის და მოაკლდების სულსა ჩემსა
Line of ed.: 10     დადგრომად ეზოთა შინა უფლისათა"*. რამეთუ ირჩია მივრდომაჲ სხუას.
Line of ed.: 11     რამეთუ თქუა სხუაჲ იგი, რომელ არს მათ შორის, რომელთა ირჩიეს დადგრომაჲ
Line of ed.: 12     საყოფელსა ცოდვილთასა, ვიდრე ცხორებისა მის. არამედ ამას ყოველსა
Line of ed.: 13     ზედა მიწევნად იყვნეს და დაყოვნებასა და შევედრებად მას საყოფელსა.
Line of ed.: 14     და რამეთუ მცირედი საშუებელისაჲ მის უმჯობეს არს ათასისა წლისა
Line of ed.: 15     ცხორებასა, "რამეთუ შჯობს დღჱ ერთი ეზოთა შინა შენთა, ვიდრე
Line of ed.: 16     ათასთა მათ"* და არა იყო გამოცხადებად განგებაჲ იგი, რომელი განიგულა
Line of ed.: 17     და თქუა, ვითარმედ: "სასოვებასა ამას ხოლო კეთილთასა შევედრებულ
Line of ed.: 18     არიან კაცნი. და ამისთჳს თქუა უკუანაჲსკნელ ფსალმუნსა შინა, ვითარმედ:
Line of ed.: 19     "უფალო, ღმერთო ძალთაო, ნეტარ არს კაცი, რომელი გესავს შენ"*. აწ
Line of ed.: 20     უკუე არა ჯერ-არს ჩუენდა, რაჲთა სულმოკლე ვიქმნნეთ დაყოვნებისათჳს, Page of sec. ed.: 198 
Line of ed.: 21     რომელსა-იგი ვესავთ, არამედ მოწრაფე ვიქმნნეთ, რაჲთა არა ვიპოვნეთ
Line of ed.: 22     განსხმულ სასოვებისა მისგან ჩუენისა და ვითარცა თქუა ვინმე უცნობელმან,
Line of ed.: 23     ვითარმედ ჟამსა ზაფხულისასა არნ სთულებაჲ ნაყოფთაჲ და სავსე არიედ
Line of ed.: 24     საუნჯენი და ტაბლასა აღემატის ყოველი საზრდელი კეთილი. და
Line of ed.: 25     რომელი ჰგონებდეს სიტყუასა ამას სისრულედ, არს იგი უგუნურ და ცოფ.
Line of ed.: 26     არამედ ჯერ-არს ჩუენდა, რაჲთა დავსთესოთ თესლი და წინა-ვიყოთ შემწეობაჲ,
Line of ed.: 27     რომლითა განშუენდენ ნაყოფნი მისნი. რამეთუ ჟამსა ენებოს იგი,
Line of ed.: 28     გინა თუ არა ენებოს, მოწევნად არს ჟამსა თჳსსა; და რაჲთა ზოგად იხილოს
Line of ed.: 29     მან, რომელი-იგი Ms. page: 40r   განმზადებულ არს აღორძინებად ნაყოფთა მათ და
Line of ed.: 30     რომელი-იგი დაშთომილ არს უქმად მას ჟამსა. ეგრე-ცა მე ვჰგონებ, ოდეს-ღა
Line of ed.: 31     ცხად არს საქმჱ იგი აღდგომისაჲ, რაჟამს-იგი უფალი იტყჳს, ვითარმედ
Line of ed.: 32     მოვალს ჟამი* შეცვალებისაჲ გამოძიებად ჟამთა, ვითარცა იტყჳს: "არა
Line of ed.: 33     არს თქუენდა ცნობაჲ წელთა [და] ჟამთაჲ*. და ნუ ჰგონებენ გონებანი
Line of ed.: 34     უძლურნი მსგავსად უძლურებისა თჳსისა სასოვებასა მას აღდგომისასა, არამედ
Line of ed.: 35     იყავნ იგი გულს-მოდგინე სასოვებითა კეთილითა საქმეთაჲთა მომპოვნებელ
Line of ed.: 36     მომავალთა მათ საშუებელთა.



Next part


This text is part of the TITUS edition of The Shatberd Codex.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.