TITUS
Epistulae Pauli georgice (AB)
Part No. 33
Previous part

Book: 2.Kor.  
Chapter: 1  
Section: 1  
Verse: h1  
პავლე მოციქულისა წიგნი კორინთელთა მიმართ ბ̂. საკითხავი ა̂
Verse: h1V  
პავლჱ B, პავლჱს GE, კორინთეთ G, ბ̂] მეორედ G, მეორე E, საკითხავი] თავი B, ა̂] -- AB, საკითხავი ა̂] -- E.

1


Verse: 1   Link to pavlecd Link to gnt   პავლე, მოციქული ქრისტე იესუჲსი ნებითა ღმრთისაჲთა, და ტიმოთე ძმაჲ ეკლესიათა ღმრთისათა, რომელნი არიან კორინთეს შინა ყოველთა თანა წმიდათა, რომელნი არიან ყოველსა აქაიასა.

Verse: 1V     პავლჱ B, ქრისტჱ B.


Verse: 2   Link to pavlecd Link to gnt   მადლი თქუენდა და მშჳდობაჲ ღმრთისა მიერ მამისა და უფლისა ჩუენისა იესუ ქრისტჱსა.

Verse: 2V     მამისა] + ჩუენისა BE, ჩუენისა] -- G, ქრისტესა B.



Part: 1  
Verse: h2  
თავი ა̂


Verse: 3   Link to pavlecd Link to gnt   კურთხეულ არს ღმერთი და მამაჲ უფლისა ჩუენისა იესუ ქრისტჱსი, მამაჲ მოწყალებათაჲ და ღმერთი ყოვლისა ნუგეშინის-ცემისაჲ,

Verse: 3V     ქრისტესი B.


Verse: 4   Link to pavlecd Link to gnt   რომელი ნუგეშინის-მცემს ჩუენ ყოველთა შინა ჭირთა ჩუენთა, რაჲთა შეუ\ძლოთ Ms. page: A88V  ჩუენცა ნუგეშინის-ცემად ყოველთა მათ ჭირვეულთა ნუგეშინის-ცემითა მით, რომლითა ნუგეშინის-ცემულ ვართ ჩუენ ღმრთისა მიერ.

Verse: 4V     ჩუენცა შეუძლოთ G.


Verse: 5   Link to pavlecd Link to gnt   რამეთუ ვითარცა-იგი ჰმატან ვნებანი ქრისტჱსნი ჩუენდა მომართ, ეგრეცა ქრისტჱს მიერ ჰმატან ნუგეშინის-ცემანი ჩუენნი.

Verse: 5V     ქრისტესნი B, ეგრჱთცა E, ქრისტეს B, მიერ] მიმართ G.


Verse: 6   Link to pavlecd Link to gnt   უკუეთუ ვიჭირვით, თქუენისათჳს ნუგეშინის-ცემისა და ცხოვრებისა, რომელ-იგი შეიქმნების მოთმინებითა მით ვნებათაჲთა, რომელ-ესე ჩუენცა გუევნების. და სასოებაჲ ჩუენი მტკიცე არს თქუენთჳს.

Verse: 6V     ცხორებისა BE, რომელი-იგი E.


Verse: 7   Link to pavlecd Link to gnt   უწყით, რამეთუ ვითარცა-იგი ზიარ ხართ ვნებათა მათ, ეგრეცა ნუგეშინის-ცემასა.

Verse: 7V     სასოვებაჲ B, მტკიცჱ G, -იგი] -- B, ეგრრეცა B.


Verse: 8   Link to pavlecd Link to gnt   რამეთუ არა მნებავს, ძმანო, ვითარმცა უმეცარ იყვენით ჭირისა მის ჩუენისათჳს, რომელ-იგი შეგუემთხჳა ასიას შინა; რამეთუ გარდარეულად უფროჲს ძალისა დაგჳმძიმდა ვიდრე წარწირვადმდე ჩუენდა ცხოვრებისაცა.

Verse: 8V     ვითარმცა უმეცარ იყვენით, ძმანო BE, დაგჳმძიმდა B, დაგჳმძიმდა E, ცხორებისაცა BE.


Verse: 9   Link to pavlecd Link to gnt   არამედ ჩუენ თჳთ თავით თჳსით განჩინებაჲ იგი სიკუდილისაჲ მოგუეღო, რაჲთა არა ვესვიდეთ თავთა თჳსთა, არამედ ღმერთსა, რომელმან-იგი აღადგინნის მკუდარნი,

Verse: 9V     ჩუენ] -- GE, თჳსთა] ჩუენთა B.


Verse: 10   Link to pavlecd Link to gnt   რომელმან-იგი ესევითარისაგან სიკუდილისა მიჴსნნა ჩუენ და Ms. page: A89R  მიჴსნნეს, რომელსა-იგი ვესავთ ჩუენ, ვითარმედ მერმეცა მიჴსნნეს,

Verse: 10V     -იგი (1)] -- E, მიჴსნა E, და მიჴსნეს ჩუენ G, ჩუენ (2)] -- E, მიჴსნეს (2) E.


Verse: 11   Link to pavlecd Link to gnt   შეწევნითა მით ლოცვათა თქუენთაჲთა ჩუენთჳს, რაჲთა მრავლითა პირითა ჩუენდა მომართ მადლი იგი მრავალთა მიერ მადლის მისაცემელ იყო ჩუენთჳს.

Verse: 11V     შეწევნითაჲ G, მადლისა G, მიმცემელ E.


Verse: 12   Link to pavlecd Link to gnt   რამეთუ სიქადული ჩუენი ესე არს, წამებაჲ გონებისა ჩუენისაჲ, რამეთუ სიწმიდითა და ჭეშმარიტებითა ღმრთისაჲთა და არა სიბრძნთა ჴორციელითა, არამედ მადლითა ღმრთისაჲთა ვიქცეოდეთ სოფელსა შინა, უმეტჱსადღა თქუენდა მიმართ.

Verse: 12V     ჴორციელთაჲთა G, უმეტესადღა BE.


Verse: 13   Link to pavlecd Link to gnt   არა თუ სხუასა რას, მივსწერთ, არამედ რომელსაცა-იგი იკითხავთ და გიცნობიეს; ხოლო ვესავ, ვითარმედ სრულად გულისხმა-ჰყოთ,

Verse: 13V     სხჳსა E, რას] + მე E, -იგი] -- GE, გულისჴმა E, -ჰყოთ] ვყოთ G.


Verse: 14   Link to pavlecd Link to gnt   ვითარცა-იგი მიცნენით ჩუენ ჟამად-ჟამად, რამეთუ სიქადულნი თქუენნი ვართ, ვითარცა თქუენ -- ჩუენნი, დღესა მას უფლისა იესუჲსა.

Verse: 14V     ჩუენი (2) A, დღჱსა G, იესუჲსსა G, უფლისა ჩუენისა იესუ ქრისტჱსა E.



Part: 2  
Verse: h3  
თავი ბ̂


Verse: 15   Link to pavlecd Link to gnt   და ამითვე სასოებითა მინდა პირველად მისლვად თქუენდა, რაჲთა მეორჱ სიხარული გაქუნდეს,

Verse: 15V     სასოვებითა B, მოსლვად A, მეორე E.


Verse: 16   Link to pavlecd Link to gnt   და თქუენით წარსვლად მაკედონიად Ms. page: A89V  და კუალად მაკედონიაჲთ მოსლვად თქუენდავე და თქუენ მიერ წარგზავნებად ჰურიასტანად.

Verse: 16V     წარსლვაჲ E, წარგზავნებად] წარსლვად B, წარმგზავნებად E, ჰურიასტანდ B.


Verse: 17   Link to pavlecd Link to gnt   ამას რაჲ ვზრახავ, ნუუკუე მცირედ რაჲ-მე მიყოფიეს? ანუ რომელსა-ესე ვზრახავ, ჴორციელად-მე რას ვზრახავ, რაჲთა იყოს ჩემ მიერი იგი ჰჱ ჰე და არაჲ -- არა.

Verse: 17V     ჰე ჰე B.


Verse: 18   Link to pavlecd Link to gnt   ხოლო სარწმუნო არს ღმერთი, რამეთუ სიტყუაჲ იგი ჩუენი თქუენდა მიმართ არა არს ჰე და არა.

Verse: 18V     ჰჱ G.


Verse: 19   Link to pavlecd Link to gnt   რამეთუ ძჱ ღმრთისაჲ, იესუ ქრისტჱ, რომელი ჩუენ მიერ თქუენ შორის იქადაგა ჩემ მიერ, და სილოანჱს მიერ და ტიმოთჱს მიერ, არა იყო იგი ჰე და არა, არამედ ჰჱ იგი მას შინა იქმნა.

Verse: 19V     ქრისტე GE, და (1)] -- AG, სილოვანეს GE, სილოვანჱს G, ტიმოთეს E, იგი (1)] -- GE, ჰე (2) AB.


Verse: 20   Link to pavlecd Link to gnt   რამეთუ რაოდენი იგი აღთქუმანი ღმრთისანი არიან, მას შინა ჰე იგი არს, და ამენი ღმრთისა სადიდებელად ჩუენ მიერ.

Verse: 20V     რავდენნი BE, რაოდენნი G, ჰჱ E, და ამისთჳსცა BGE, სადიდებელა B.


Verse: 21   Link to pavlecd Link to gnt   ხოლო რომელმან-იგი განმამტკიცნა ჩუენ თქუენ თანა ქრისტჱს მიმართ და ცხებულ გუყვნა ჩუენ ღმერთმან;

Verse: 21V     ქრისტეს B.


Verse: 22   Link to pavlecd Link to gnt   რომელმანცა-იგი აღმბეჭდნა ჩუენ და მოსცა წინდი იგი სულისაჲ გულთა ჩუენთა.

Verse: 22V     აღგუბეჭდნა E, მმცა E, სულთაჲ AG.


Verse: 23   Link to pavlecd Link to gnt   ხოლო მე მოწამედ ღმერთსა ვხადი სულისა ჩემისა, რამეთუ გერიდებოდე თქუენ და მისთჳს არღარა მოვედ კორინთედ.

Verse: 23V     ამისთჳს E.


Verse: 24   Link to pavlecd Link to gnt   არა თუ უფლებთ რას სარწმუნოებასა მაგას თქუენსა ზედა, არამედ თანა-შემწენი ვართ სიხარულისა Ms. page: A90R  თქუენისანი, რამეთუ სარწმუნოებითა მტკიცედ სდგათ.

Verse: 24V     მტკიცე B.



Next part


This text is part of the TITUS edition of Epistulae Pauli georgice (AB).

Copyright TITUS Project, Frankfurt a/M, 3.4.2021. No parts of this document may be republished in any form without prior permission by the copyright holder.