TITUS
Epistulae Pauli georgice (AB)
Part No. 29
Previous part

Chapter: 13  
13


Verse: 1   Link to pavlecd Link to gnt   ენასა ღათუ კაცთასა და ანგელოზთასა ვიტყოდი და სიყუარული თუ არა მაქუნდეს, ვიქმენ ვითარცა რვალი, რომელ ოხრინ, და ვითარცა წინწილანი რაჲ ჴმობედ.

Verse: 1V     ენათა B, თუ] -- BE, არაჲ G, ვიქმენ] + მე E, რომელი E, ვითარცა] -- BGE, წინწილი E.


Verse: 2   Link to pavlecd Link to gnt   მაქუნდეს ღათუ წინაჲსწარმეტყუელებაჲ და უწყოდი საიდუმლოჲ ყოველი და ყოველი მეცნიერებაჲ და მაქუნდეს ღათუ სარწმუნოებაჲ ვიდრე მთათა ცვალებადმდე, და სიყუარული თუ არა მაქუნდეს, არა-ვე-რაჲ ვარ.

Verse: 2V     ყოველი საიდუმლოჲ E, მეცნიერებაჲ ყოველი B, და (3)] -- BGE.


Verse: 3   Link to pavlecd Link to gnt   შე-ღათუ-ვაჭამო ყოველი მონაგები ჩემი და მივსცნე ჴორცნი ჩემნი დასაწუველად, და სიყუარული თუ არა მაქუნდეს, არა-ვე-რაჲ სარგებელ არს ჩემდა.

Verse: 3V     ჩემი] + გლახაკთა B, არა მაქუნდეს თუ] -- E. თუ] -- E.


Verse: 4   Link to pavlecd Link to gnt   სიყუარული სულგრძელ არს და ტკბილ; სიყუარულსა არა ჰშურნ, არა მაღლოინ, არა განლაღნის,

Verse: 4V     შურნ BE, მაღლოვინ B.


Verse: 5   Link to pavlecd Link to gnt   არა სარცხჳნელ იქმნის, არა ეძიებნ თავისასა, არა განრისხნის, არა შეჰრაცხის ბოროტი,

Verse: 5V     სარცხუნელ E, განრისხის G, არა (4)] არად AE.


Verse: 6   Link to pavlecd Link to gnt   არა უხარინ სიცრუესა ზედა, არამედ უხარინ ჭეშმარიტებასა თანა;

Verse: 6V     სიცრუვესა BGe.


Verse: 7   Link to pavlecd Link to gnt   ყოველსა თავს-იდებნ, ყოველი ჰრწამნ, ყოვლითა ესავნ, ყოველსა მოითმენნ.

Verse: 7V     თავს-იდებენ G, ყოველსა G.


Verse: 8   Link to pavlecd Link to gnt   სიყუარული არასადა დავარდის, Ms. page: A81R  წინაჲსწარმეტყუელებანი გან-ვე-ქარდენ, გინა თუ ენანი და-ვე-სცხრენ, გინა თუ მეცნიერებანი გან-ვე-ქარდენ.

Verse: 8V     დავარდეს GE.


Verse: 9   Link to pavlecd Link to gnt   რამეთუ მცირედ-რაჲმე ვიცით და მცირედცა ვწინაჲსწარმეტყუელებთ.

Verse: 9V     ვიცით] ვეცით B, ვწინაჲსწარმეტყუელებდეთ B.


Verse: 10   Link to pavlecd Link to gnt   რაჟამს მოიწიოს სრული იგი, მცირედიცა იგი გან-ვე-ქარდეს.

Verse: 10V     იგი (2)] ესე B.


Verse: 11   Link to pavlecd Link to gnt   ოდეს-იგი ვიყავ ყრმა, ვიტყოდე ვითარცა ყრმაჲ, გულისხმა-ვჰყოფდ ვითარცა ყრმაჲ, შერაცხილ ვიყავ ვითარცა ყრმაჲ; ხოლო ოდეს ვიქმენ მამაკაც, დაუტევე სიყრმისაჲ იგი.

Verse: 11V     გულისხმა-ვჰყოფდ, ვითარცა ყრმაჲ] -- BGE, შეურაცხ G.


Verse: 12   Link to pavlecd Link to gnt   ვხედავ აწ ვითარცა სარკითა სახესა, ხოლო მაშინ პირსპირ; აწ ვიცი მცირედ, ხოლო მერმე ვიცნა, ვითარცა-იგი შევემეცნე.

Verse: 12V     პირისპირ BGE, ვიცით E, -იგი] -- BE.


Verse: 13   Link to pavlecd Link to gnt   აწ ესერა ჰგიეს სარწმუნოებაჲ, სასოებაჲ და სიყუარული -- სამი ესე; ხოლო უფროჲს ამათსა სიყუარული არს.

Verse: 13V     და] -- BE.



Next part


This text is part of the TITUS edition of Epistulae Pauli georgice (AB).

Copyright TITUS Project, Frankfurt a/M, 3.4.2021. No parts of this document may be republished in any form without prior permission by the copyright holder.