TITUS
Epistulae Pauli georgice (CD)
Part No. 93
Previous part

Book: 2.Tim. 
პავლე მოციქულისა წიგნი ტიმოთესა მიმართ მეორე

Chapter: 1 
1


Verse: 1  Link to pavleni Link to gnt   პავლე, მოციქული ქრისტე იესუჲსი ნებითა ღმრთისაჲთა, აღთქუმისა მისებრ ქრისტე იესუჲს მიერ,

Verse: 1V    იესუ ქრისტესი TI, ქრისტე იესუჲს ] ქრისტეს TIK.


Verse: 2  Link to pavleni Link to gnt   ტიმოთეს, საყუარელსა შვილსა, მადლი და წყალობაჲ და მშჳდობაჲ ღმრთისა მიერ მამისა და ქრისტე იესუჲს მიერ უფლისა ჩუენისა.


Part: 1 
(ა̂)


Verse: 3   Link to pavleni Link to gnt   ვჰმადლობ ღმერთსა, რომელსა ვჰმსახურებ დასაბამითგან წმიდითა გონებითა, ვითარ-იგი მოუკლებელად მაქუს შენთჳს ჴსენებაჲ ლოცვათა შინა ჩემთა ღამე და დღე,

Verse: 3V     გონებითა ] გუნებითა V, გ̃ნბითა Z.


Verse: 4   Link to pavleni Link to gnt   და მსურის ხილვაჲ შენი, - მომეჴსენებიან ცრემლნი ეგე შენნი, - რაჲთა სიხარულითა აღვივსო.

Verse: 4V     მომიჴსენებიან I.


Verse: 5   Link to pavleni Link to gnt   მოვიჴსენებ, რომელ-ეგე არს შენ თანა შეუორგულებელი სარწმუნოებაჲ, რომელმან დაიმკჳდრა პირველად დედის დედისა შენისა ლუდიაჲს თანა და დედისა შენისა ევნიკის თანა; და მრწამს რამეთუ, შენ თანაცა. რამეთუ შენ თანაცა დაიმკჳდროს.


Verse: 6   Link to pavleni Link to gnt   რომლისათჳს მოგაჴსენებ შენ განცხოველებად მჴურვალედ მადლსა მას ღმრთისასა, რომელ არს შენ თანა დასხმითა ჴელთა ჩემთაჲთა.


Verse: 7   Link to pavleni Link to gnt   რამეთუ არა მომცა ჩუენ ღმერთმან სული მოშიშებისაჲ, არამედ ძლიერებისაჲ და სიყუარულისა და სიწმიდისაჲ.

Verse: 7V     სიყუარულისაჲ FT.


Verse: 8   Link to pavleni Link to gnt   ნუ უკუე გრცხუენინ წამებაჲ იგი უფლისა ჩუენისაჲ, ნუცა მე, კრული ესე მისი, არამედ თანაიჭირვოდე სახარებასა მას ძალითა ღმრთისაჲთა,


Verse: 9   Link to pavleni Link to gnt   რომელმან-იგი მიჴსნნა ჩუენ და მიჩინნა ჩუენ ჩინებითა მით წმიდითა არა საქმეთა ჩუენთათჳს, არამედ თჳსითა ნებითა და მადლითა, რომელი მომეცა ჩუენ ქრისტე იესუჲს მიერ უპირატეს ჟამთა მათ საუკუნეთა,

Verse: 9V     თჳსითა ] თსითა F.


Verse: 10   Link to pavleni Link to gnt   რომელ გამოცხადნა აწ გამოჩინებითა მით მაცხოვრისა ჩუენისა იესუ ქრისტესითა, რომელმან-იგი განაქარვა სიკუდილი და განანათლა ცხორებაჲ და უხრწნელებაჲ სახარებითა მით,

Verse: 10V     რომელი TIK.


Verse: 11   Link to pavleni Link to gnt   რომლისათჳს დადგინებულ ვარ მე ქადაგად და მოციქულად და მოძღურად წარმართთა.


Verse: 12   Link to pavleni Link to gnt   რომლისათჳსცა ესე მევნების, არამედ არა მრცხუენის. რამეთუ ვიცი, რომელი-იგი მრწმენა და მრწამს, რამეთუ ძალ-უც ვედრისა მის ჩემისა დამარხვად მერმესა მას დღესა.


Verse: 13   Link to pavleni Link to gnt   სახედ გაქუნდინ ცოცხლებისა სიტყუაჲ იგი, რომელი გესმა ჩემგან სარწმუნოებითა და სიყუარულითა ქრისტე იესუჲსითა.


Verse: 14   Link to pavleni Link to gnt   კეთილი ვედრი დაიმარხე სულითა წმიდითა, რომელმან დაიმკჳდრა ჩუენ თანა.


Part: 2 
(ბ̂)


Verse: 15   Link to pavleni Link to gnt   უწყი სამე ესე, რამეთუ დამიტევეს მე ყოველთა, რომელნი არიან ასიას შინა, რომელ არიან ფიგელოს და ერმოგენი.

Verse: 15V     დამიტევეს... რომელნი არიან ] მიმექცეს მე ყოველნი, რომელ მყვეს IK, ფიგჳლოს V, ფჳგელოს TIK.


Verse: 16   Link to pavleni Link to gnt   მოეცინ უფალმან წყალობაჲ ონესიფორეს სახლსა, რამეთუ მრავალგზის მე განმისუენა, და ჯაჭჳ ესე ჩემი არა სირცხჳლ-უჩნდა;

Verse: 16V     მიეცინ FTK, ონისიფორეს ZTIK.


Verse: 17   Link to pavleni Link to gnt   არამედ მოვიდა ჰრომედ და მოსწრაფედ მეძიებდა მე და მპოვა.

Verse: 17V     მპოა V.


Verse: 18   Link to pavleni Link to gnt   მოეცინ მას უფალმან პოვნად წყალობაჲ უფლისა მიერ მას დღესა შინა; და რაოდენი-იგი ეფესოს შინა მმსახურა, უმჯობეს შენ უწყი.

Verse: 18V     რავდენი-იგი ZIK.



Next part


This text is part of the TITUS edition of Epistulae Pauli georgice (CD).

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.