TITUS
Epistulae Pauli georgice (CD)
Part No. 88
Previous part

Chapter: 2  
2
Part: 4 
(დ̂)


Verse: 1   Link to pavleni Link to gnt   გლოცავ უკუე ყოვლისა წინა, რაჲთა ჰყოფდე ვედრებასა, ლოცვასა, თაყუანის-ცემასა და მადლობასა ყოველთა კაცთათჳს


Verse: 2   Link to pavleni Link to gnt   მეფეთათჳს და ყოველთა მთავართა, რაჲთა მშჳდობით და მყუდროებით ვცხოვნდებოდით ყოვლითა ღმრთის მსახურებითა და სიწმიდითა,

Verse: 2V     მყუდრუდროებით V, ვცხოვნდებოდით Z.


Verse: 3   Link to pavleni Link to gnt   რამეთუ ესე არს კეთილ და სათნო წინაშე მაცხოვრისა ჩუენისა ღმრთისა,

Verse: 3V     კეთილი FTI, სათნოჲ TI.


Verse: 4   Link to pavleni Link to gnt   რომელსა ყოველთა კაცთაჲ ჰნებავს ცხორებაჲ და მეცნიერებასა ჭეშმარიტებისა მოსლვაჲ.


Verse: 5   Link to pavleni Link to gnt   რამეთუ ერთ არს ღმერთ და ერთ შუვამდგომელ ღმრთისა და კაცთა, კაცი იესუ ქრისტე,

Verse: 5V     შუვა-მდგომელ Z.


Verse: 6   Link to pavleni Link to gnt   რომელმან მისცა თავი თჳსი საჴსრად ყოველთა საწამებელად ჟამთა თჳსთა,


Verse: 7   Link to pavleni Link to gnt   რომლისათჳს დადგინებულ ვარ მე ქადაგად და მოციქულად, - ჭეშმარიტსა ვიტყჳ ქრისტეს მიერ და არა ვტყუი, - მოძღუარი წარმართთაჲ სარწმუნოებითა და ჭეშმარიტებითა.

Verse: 7V     ვტყუვი ZFT.


Verse: 8   Link to pavleni Link to gnt   მნებავს უკუე ლოცვაჲ მამათაჲ ყოველსა ადგილსა, აღპყრობად წმიდად ჴელთა თჳნიერ რისხვისა და გულის ზრახვისა;

Verse: 8V     აპყრობად VFT.


Verse: 9   Link to pavleni Link to gnt   ეგრეთვე დედათაჲ წესიერებისა სამკაულითა მორცხუედ და ღირსებით შემკობად თავთა თჳსთა, არა განთხზვითა, ანუ ოქროჲთა ანუ მარგალიტითა ანუ სამოსლითა დიდფასისაჲთა,

Verse: 9V     წესიერებისაჲ V.


Verse: 10   Link to pavleni Link to gnt   არამედ რომელი-იგი ჰშუენის დედათა, რომელთა აღეთქუას ღმრთის მსახურებაჲ საქმითა მიერ კეთილითა.

Verse: 10V     შუენის V.


Part: 5 
(ე̂)


Verse: 11   Link to pavleni Link to gnt   დედაკაცი მდუმრიად ისწავებდინ ყოვლითა დამორჩილებითა.


Verse: 12   Link to pavleni Link to gnt   მოძღურებად დედათა არა უბრძანებ, არცა მთავრობად ქმრისა, არამედ რაჲთა იყოს იგი მყუდროებით.


Verse: 13   Link to pavleni Link to gnt   რამეთუ ადამ პირველად დაებადა, მერმე - ევა.

Verse: 13V     პირველ FTK, დაებადა F.


Verse: 14   Link to pavleni Link to gnt   და ადამ არცა სცთა, ხოლო დედაკაცი იგი სცთა და შჯულსა გარდაჰჴდა.

Verse: 14V     სჯულსა FTIK.


Verse: 15   Link to pavleni Link to gnt   არამედ ცხონდების შვილთ სხმისაგან, უკუეთუ ეგნენ სარწმუნოებით და სიყუარულით და სიწმიდით ღირსებასა ზედა.

Verse: 15V     ცხოვნდების ZFTIK, შვილთა VF.



Next part


This text is part of the TITUS edition of Epistulae Pauli georgice (CD).

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.