TITUS
Epistulae Pauli georgice (CD)
Part No. 89
Previous part

Chapter: 3  
3


Verse: 1   Link to pavleni Link to gnt   სარწმუნო არს სიტყუაჲ: უკუეთუ ვისმე ეპისკოსობის უნდეს, კეთილისა საქმისა გული ეტყჳს.

Verse: 1V     ებისკოპოსობის V.


Verse: 2   Link to pavleni Link to gnt   ჯერ-არს ეპისკოპოსისაჲ, რაჲთა უბრალო იყოს, ერთის ცოლის ქმარ, ფრთხილ, წმიდა, შემკულ, სტუმართ მოყუარე, სწავლულ,

Verse: 2V     ებისკოპოსისა T, ეპისკოპოსისა K.


Verse: 3   Link to pavleni Link to gnt   არა მეღჳნე, არა ანგაჰრ, არა საძაგელის შემძინე, არამედ მყუდრო, ულალველ, ვეცხლის უყუარულ,

Verse: 3V     არა (1) ] არ T, ანგაჰარ TI, საძაგლის T.


Verse: 4   Link to pavleni Link to gnt   თჳსისა სახლისა კეთილად განმგებელ, შვილნიმცა უსხენ დამორჩილებულ ყოვლითა ღირსებითა.


Verse: 5   Link to pavleni Link to gnt   ხოლო უკუეთუ ვინმე თჳსისა სახლისა განგებაჲ არა იცის, ვითარმე ეკლესიათა ღმრთისათა მოღუაწებაჲ აგოს?


Verse: 6   Link to pavleni Link to gnt   ნუ ახალნერგ, რაჲთა არა განლაღნეს და საშჯელსა შევარდეს ეშმაკისასა.

Verse: 6V     სასჯელსა VFTIK.


Verse: 7   Link to pavleni Link to gnt   არამედ ჯერ-არს მისა, რაჲთა წამებაჲცა კეთილი აქუნდეს გარემოთაგან, რაჲთა არა ყუედრებასა შევარდეს და საფრჴესა ეშმაკისასა.

Verse: 7V     მისსა TIK, საბრჴესა ZE.


Verse: 8   Link to pavleni Link to gnt   დიაკონნი ეგრევე წმიდა, ნუ ორისმეტყუელ, ნუ ღჳნოსა ფრიადსა მორჩილ, ნუ საძაგელის შემძინელ,

Verse: 8V     დიაკონი V, საძაგლის T.


Verse: 9   Link to pavleni Link to gnt   აქუსმცა საიდუმლოჲ იგი სარწმუნოებისაჲ წმიდითა გონებითა.

Verse: 9V     საჲდუმლოჲ V.


Verse: 10   Link to pavleni Link to gnt   და ესენი გამო-ღა-იცადნენ პირველად, და მაშინღა დიაკონებდედ, უბრალომცა არიან.

Verse: 10V     დიაკონობდენ TIK.


Verse: 11   Link to pavleni Link to gnt   ცოლნი მათნი ეგრეთვე ღირსმცა არიან, ნუ მასმენელ, არამედ ფრთხილ, მორწმუნე ყოველსა შინა.


Verse: 12   Link to pavleni Link to gnt   დიაკონნიმცა არიან ერთის ცოლის ქმარ, შვილთა კეთილად ზედადამდგომელ და თჳსისა სახლისა.1

Verse: 12-1N     ამ სიტყვის IK-ში პირობითი ნიშანი უზის; ასეთივე ნიშანია აშიაზე და განმარტებულია: წინა-განცხადებისა.


Verse: 13   Link to pavleni Link to gnt   რამეთუ რომელნი კეთილად დიაკონებდენ, პატივი თავსა თჳსისთა კეთილი მოუგონ და მრავალი განცხადებულებაჲ სარწმუნოებითა ქრისტე იესუჲსითა.

Verse: 13V     დიაკონებდენ V.


Part: 7 
(ზ̂)


Verse: 14   Link to pavleni Link to gnt   ამას მივსწერ შენდა და ვესავ ადრე მოსლვასა ჩემსა;


Verse: 15   Link to pavleni Link to gnt   ხოლო უკუეთუ ვყოვნო, რაჲთა უწყოდი, ვითარ-იგი ჯერ-არს სახლსა შინა ღმრთისასა სლვაჲ, რომელ არს ეკლესიაჲ ღმრთისა ცხოველისაჲ, სუეტი და სიმტკიცე ჭეშმარიტებისაჲ.


Verse: 16   Link to pavleni Link to gnt   და, აღსარებულად, დიდ არს ღმრთის მსახურებისა იგი საიდუმლოჲ, ღმერთი გამოჩნდა ჴორცითა და განმართლდა სულითა, ეჩუენა ანგელოზთა, იქადაგა წარმართთა შორის, ჰრწმენა სოფელსა და აღმაღლდა დიდებითა.

Verse: 16V     აღსაარებულად TK, იგი საიდუმლოჲ TIK, საჲდუმლოჲ V. წარმართა V.



Next part


This text is part of the TITUS edition of Epistulae Pauli georgice (CD).

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.