TITUS
Epistulae Pauli georgice (CD)
Part No. 23
Previous part

Chapter: 7  
7
Part: 4 
(დ̂)


Verse: 1   Link to pavleni Link to gnt   ხოლო რომლისათჳს-იგი მოსწერეთ ჩემდა, უმჯობეს არს კაცისა დედაკაცისა შე-ვე=არა-ხებაჲ.

Verse: 1V     უმჯობეს ] კეთილ IK, შე-ვე=არა-ხებაჲ დედაკაცისაჲ T.


Verse: 2   Link to pavleni Link to gnt   ხოლო სიძვისათჳს კაცად-კაცადსა თჳსი ცოლი ესჳნ, და თითოეულსა თჳსი ქმარი ესჳნ.

Verse: 2V     თითოეულსა FIK.


Verse: 3   Link to pavleni Link to gnt   ცოლსა ქმარი იგი თანანადებსა მისცემდინ, ეგრეთცა ცოლი _ ქმარსა.


Verse: 4   Link to pavleni Link to gnt   ცოლსა თჳსთა ჴორცთა ზედა არა უფალ არს, არამედ ქმარი; ეგრეთცა და ქმარიცა თჳსთა ჴორცთა ზედა არა უფალ არს, არამედ ცოლი.


Verse: 5   Link to pavleni Link to gnt   ნუ განეშორებით ურთიერთას, გარნა თუ შეთქუმით რაჲმე, ჟამ რავდენმე, რაჲთა მოიცალოთ ლოცვად და მარხვად; და კუალად ურთიერთასვე იყვენით, რაჲთა არა განგცადნეს თქუენ ეშმაკმან უთმინოებითა თქუენითა.

Verse: 5V     განეშორებით ] დააკლდებით IK, ურთიერთარს ZT, რაოდენმე T, ურთიერთარსვე ZT, თქუენ ] -- TIK.


Verse: 6   Link to pavleni Link to gnt   ხოლო ამას ვიტყჳ შენდობით, არა თუ ბრძანებით.


Verse: 7   Link to pavleni Link to gnt   რამეთუ მნებავს ყოვლისა კაცისა ყოფად, ვითარცა თავი ჩემი; არამედ კაცად-კაცადსა თჳსი მადლი აქუს ღმრთისაგან, რომელსამე ესრეთ და რომელსამე ეგრეთ.

Verse: 7V     კაცისაჲ VZF.


Verse: 8   Link to pavleni Link to gnt   ვეტყჳ უქორწინებელთა მათ და ქურივთა; კეთილ არს მათდა, უკუეთუ ეგნენ ესრეთ, ვითარცა მე.


Verse: 9   Link to pavleni Link to gnt   ხოლო უკუეთუ ვერ დაითმენენ, იქორწინნედ; რამეთუ უმჯობეს არს ქორწინებაჲ, ვიდრე განჴურვებაჲ.

Verse: 9V     დაითმენდენ T, იქორწინედ FTIK.


Verse: 10   Link to pavleni Link to gnt   ხოლო ქორწინებულთა მათ ვამცნებ არა მე, არამედ უფალი: ცოლსა ქმრისაგან არა განშორებად.


Verse: 11   Link to pavleni Link to gnt   ხოლო უკუეთუ განეშოროს, ეგენ უქორწინებელად, გინა ქმარსავე დაეგენ; და ქმარი ცოლსა ნუ დაუტევებნ.

Verse: 11V     დაუტეობნ TIK.


Verse: 12   Link to pavleni Link to gnt   ხოლო სხუათა მათ ვეტყჳ მე, არა უფალი: უკუეთუ ძმასა ვისმე ესუას ცოლი ურწმუნოჲ და მას ჯერ-უჩნდეს ყოფაჲ მის თანა, ნუ დაუტეობნ2 ცოლსა მას.

Verse: 12-2N     ასეა C რედაქციის ყველა ნუსხაში.


Verse: 13   Link to pavleni Link to gnt   და დედაკაცსა თუ ესუას ქმარი ურწმუნოჲ და მას ჯერ-უჩნდეს ყოფაჲ მის თანა, ნუ დაუტევებნ ქმარსა მას.

Verse: 13V     დაუტეობნ TIK.


Verse: 14   Link to pavleni Link to gnt   რამეთუ განწმიდნების ქმარი იგი ურწმუნოჲ ცოლისა მისგან მორწმუნისა, და განწმიდნების ცოლი იგი ურწმუნოჲ ქმრისა მისგან მორწმუნისა, უკუეთუ არა, შვილნიმცა თქუენნი არაწმიდა იყვნეს, ხოლო აწ წმიდა არიან.

Verse: 14V     განწმდების TIK, იგი (1) ] -- F.


Verse: 15   Link to pavleni Link to gnt   ხოლო უკუეთუ ურწმუნოჲ იგი განეყენებოდის, განეყენენ; არა დამონებულ არს ძმაჲ იგი გინა დაჲ იგი ესევითართა მათ, რამეთუ მშჳდობასა გჳწოდნა ჩუენ ღმერთმან.

Verse: 15V     ესევითარითა მით TIK.


Verse: 16   Link to pavleni Link to gnt   რამეთუ რაჲ იცი, დედაკაცო, აცხოვნო თუ ქმარი შენი? ანუ შენ რაჲ იცი, მამაკაცო, აცხოვნო თუ ცოლი შენი?


Verse: 17   Link to pavleni Link to gnt   არამედ კაცად-კაცადსა ვითარცა განუყო ღმერთმან; და კაცად-კაცადი, ვითარცა იჩინა უფალმან, ეგრეცა ვიდოდენ. და ესრეთვე ყოველთა ეკლესიათა უბრძანებ.

Verse: 17V     არამედ ] უკუეთუ არა TIK, უფალმან ] ღმერთმან T.


Verse: 18   Link to pavleni Link to gnt   წინადაცუეთილი თუ ვინმე იჩინა, ნუ იურვინ; წინადაუცუეთელი თუ ვინმე იჩინა, ნუ წინადაიცუეთნ.


Verse: 19   Link to pavleni Link to gnt   წინადაცუეთილებაჲ არარაჲ არს და წინადაუცუეთილებაჲ არარაჲვე არს, არამედ დამარხვაჲ მცნებათა ღმრთისათაჲ.

Verse: 19V     წინადაუცუეთელებაჲ TIK.


Verse: 20   Link to pavleni Link to gnt   კაცად-კაცადი ჩინებითა მით, რომლითაცა იჩინა, მას ზედაცა ეგენ.

Verse: 20V     რომლითა TIK, მას ] + ცა K, ზედა ეგენინ T.


Verse: 21   Link to pavleni Link to gnt   მონაჲ თუ იჩინე, ნურაჲ გეურვებინ; არამედ დაღათუ ძალგედვას განთავისუფლებად, უფროჲღა იღუაწე.


Verse: 22   Link to pavleni Link to gnt   რამეთუ რომელი უფლისა მიერ იჩინოს მონაჲ, უფლისა მიერ განთავისუფლებულ არს; ეგრეთცა აზნაური, რომელი იჩინოს, მონაჲ არს ქრისტესი.

Verse: 22V     ეგრეცა T.


Verse: 23   Link to pavleni Link to gnt   სასყიდლით სყიდულ ხართ; ნუ იქმნებით მონა კაცთა.


Verse: 24   Link to pavleni Link to gnt   კაცად-კაცადი რომლითაცა იჩინა, ძმანო, მას ზედაცა ეგენ ღმრთისა მიერ.

Verse: 24V     მას ] მა V, ეგე VZF, მასცა ზედა ეგენ T.


Verse: 25   Link to pavleni Link to gnt   ხოლო ქალწულთათჳს ბრძანებაჲ უფლისა მიერ არა მაქუს; ხოლო ვაზრახებ, ვითარცა შეწყალებული უფლისა მიერ, სარწმუნო ყოფილ.

Verse: 25V     და სარწმუნოჲ T, ყოფილ ] ვიქმნე IK.


Verse: 26   Link to pavleni Link to gnt   მე ეგრე ვჰგონებ, ვითარმედ: ესე კეთილ არს მოწევნულისა მისთჳს ურვისა, რამეთუ უმჯობეს არს კაცისა, ესრეთ თუ იყოს.

Verse: 26V     ესრე T, ვჰგონებ უკუე ამისა კეთილ ყოფისა IK, ურვისა ] ჭირისა IK, უმჯობეს ] კეთილ IK, იყოს ] + ვითარმცა მე T, თუ იყოს ] ყოფაჲ IK.


Verse: 27   Link to pavleni Link to gnt   შე-თუ-ყოფილ ხარ ცოლსა, ნუ განუტევებ; თავისუფალ თუ ხარ ცოლისაგან, ნუ ეძიებ ცოლსა.

Verse: 27V     შეკრულ ხარ ცოლისადა, ნუ ეძიებნ განჴსნასა: განჴსნილ ხარ ცოლისაგან... IK, განუტეობ T.


Verse: 28   Link to pavleni Link to gnt   იქორწინე თუ, არაჲ სცოდე; და თუ იქორწინოს ქალწული, არაჲ ცოდა. ჭირი ჴორცთაჲ თავს-იდვიან ეგევითართა მათ; ხოლო მე თქუენ გერიდები.

Verse: 28V     იქორწინოს ] + თუ K, თავს-იდვან ZTIK.


Verse: 29   Link to pavleni Link to gnt   ხოლო ამას გეტყჳ, ძმანო, ჟამი ესე შემოკლებულ არს ამიერითგან; და რაჲთა ესხნენ ცოლ, ესრეთ იყვნენ, ვითარმცა არა ესხნეს;

Verse: 29V     გეტყჳ ] + თქუენ T, და ] -- TI, ესხნენ (2) T.


Verse: 30   Link to pavleni Link to gnt   და რომელნი ტიროდინ, ვითარმცა არა ტიროდეს; და რომელთა უხაროდის, ვითარმცა არა უხარის; და რომელნი იყიდდენ, ვითარმცა არაჲ აქუნდა;

Verse: 30V     ტიროდიან TIK, ტიროდენ F, არაჲ ] არარაჲ T.


Verse: 31   Link to pavleni Link to gnt   და რომელნი იმსახურებდენ სოფელსა ამას, ვითარმცა არა იმსახურებენ, რამეთუ წარმავალ არს ხატი ამის სოფლისაჲ.

Verse: 31V     წარმავალ არს ] წარვალს ZFTIK, ხატი ] სახე TIK.


Verse: 32   Link to pavleni Link to gnt   და მნებავს თქუენი, რაჲთა უზრუნველ იყვნეთ. უქორწინებელი იგი ზრუნავს უფლისასა, ვითარძი სათნო-ეყოს უფალსა,


Verse: 33   Link to pavleni Link to gnt   ხოლო ქორწინებული ზრუნავს სოფლისასა, ვითარძი სათნო-ეყოს ცოლსა.

Verse: 33V     ქორწინებული ] + იგი FTIK.


Verse: 34   Link to pavleni Link to gnt   განყოფილ არს დედაკაციცა იგი და ქალწული. უქორწინებული იგი ზრუნავს უფლისასა, რაჲთა იყოს წმიდა ჴორცითაცა და სულითაცა; ხოლო ქორწინებული ზრუნავს სოფლისასა, ვითარძი სათნო-ეყოს ქმარსა.

Verse: 34V     ზრუნავნ (1) F, ქორწინებული ] + იგი F.


Verse: 35   Link to pavleni Link to gnt   ხოლო ამას თქუენისა უმჯობესისათჳს ვიტყჳ, არა რაჲთა საფრჴე დაგიგო თქუენ, არამედ შუენიერად და კეთილად დადგრომად უფლისა მიმართ უზრუნველად.

Verse: 35V     რაჲთა არა T, საბრჴე E, დაგიგდო V, შუენიერებისა T, დადგომად F, დადგომისა T, შუენიერად... უზრუნველად ] სახე-კეთილ და სლვა-კეთილ უფლისა მიმართ განუბნეველ იყოს IK.


Verse: 36   Link to pavleni Link to gnt   უკუეთუ ვისმე სარცხჳნელ უჩნდეს ქალწულებაჲ თჳსი, იყოს თუ გარდასრულ, და ეგრეთ ჯერ-უჩნდეს ყოფად, რომელი უნდეს, ყავნ, არა ცოდავა; იქორწინედ.

Verse: 36V     სარცხჳნელ ] სირცხჳლ T, ქალწულებაჲ ] ქორწინებაჲ T, ყოფად ] ყოფაჲ T, უკუეთუ ვინმე უშუერება ჰგონებდეს ქალწულისა თჳსისა, აღზრდილ თუ იყოს ესრეთ უმჯობეს ყოფასა, რომელი ჰნებავს... IK.


Verse: 37   Link to pavleni Link to gnt   ხოლო რომლისასა დამტკიცებულ არს გულსა მისსა მტკიცედ და არა აქუს ურვაჲ და ჴელმწიფებაჲ აქუს თჳსსა ნებასა ზედა და ესე განაჩინა გულსა შინა თჳსსა დამარხვად თჳსი ქალწულებაჲ, კეთილად ჰყოფს.

Verse: 37V     თჳსი ქალწულებაჲ ] თჳსისა ქალწულისა IK.


Verse: 38   Link to pavleni Link to gnt   და რომელმან იქორწინოს თჳსი იგი ქალწულებაჲ, კეთილად ჰყოფს. ხოლო რომელმან არა იქორწინოს, უმჯობესსა ჰყოფს.

Verse: 38V     და ] ვინაჲცა IK, იქორწინოს თჳსი იგი ქალწულებაჲ ] განათხოოს IK, იქორწინოს (2) ] განათხოოს IK.


Verse: 39   Link to pavleni Link to gnt   დედაკაცი შეკრულ არს შჯულითა, რაოდენ ჟამ ცოცხალ არს ქმარი მისი. ხოლო უკუეთუ მოკუდეს ქმარი იგი, თავისუფალ არს, უნდეს თუ ქორწინებაჲ, გარნა ხოლო უფლისა მიერ.

Verse: 39V     სჯულითა FTIK, რავდენ ZIK, თავისუფალ ] განთავისუფლებულ V,


Verse: 40   Link to pavleni Link to gnt   ხოლო უსანატრელეს არს, უკუეთუ ეგრეთ დაადგრეს ზრახებისა ჩემისაებრ. ვჰგონებ, ვითარმედ სული ღმრთისაჲ მაქუს მე.



Next part


This text is part of the TITUS edition of Epistulae Pauli georgice (CD).

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.