Page of ms. L: 437R და ვითარ ღაღადებდეს იგინი და ყრიდეს სამოსელსა მათსა და მტუერსა აღაფრქუევდეს აერსა ზე,
ბრძანა ათასისთავმან მან მიყვანებაჲ მისი ბანაკად და ჰრქუა: ტანჯვითა განვიკითხო ეგე, რაჲთა ვცნა, რომლისა ბრალისათჳს ესრე ჴმობენ მისთჳს.
და წარმოზიდვიდეს მას საბლითა. ჰრქუა პავლე ასისთავსა მას, რომელი დგა მუნ: უკუეთუ კაცისა ჰრომისაჲ განუკითხველად ჯერ-არს თქუენგან ტანჯვაჲ?
ესმა რაჲ ესე ასისთავსა მას, [მოვიდა და უთხრა, ათასისთავსა მას] და ჰრქუა: რაჲ გეგულების Page of ms. L: 437V ყოფად? რამეთუ კაცი ესე ჰრომი არს.
მოუჴდა ათასისთავი ესე და ჰრქუა პავლეს: მითხარ, შენ ჰრომი ხარა? ხოლო მან ჰრქუა: ჰე.
Page of ms. L: _ Page of ms. P: 286R ... პატივი ესე მოვიპოე. ხოლო პავლე ჰრქუა: მე შობილვე ამას შინა ვარ.
მაშინ მეყსეულად განეშორნეს მისგან, რომელთა ეგულებოდა ტანჯვაჲ მისი, და ათასისთავსა მას შეეშინა, ვითარცა გულისხმა-ყო, რამეთუ ჰრომი არს, რამეთუ მისა იყო შევედრებულ.
ხვალისაგან უნდა გულისხმის-ყოფად უკრძალულესადრე, რაჲსათჳსძი ესრჱთ შეასმენენ ჰურიანი იგი; განჴსნა იგი და ბრძანა შეკრებაჲ მღდელთმოძღუართაჲ და ყოვლისა მის კრებულსაჲ, და მოიყვანა პავლე და დაადგინა შორის მათსა.
