Page of ms. L: 427R შემდგომად მათ დღეთა განვემზადენით და აღვიდოდეთ იერუსალჱმად.
მოვიდეს ჩუენ თანა მოწაფენიცა კესარიაჲთ, და მოვიყვანეთ იგიცა, რომლისა თანა ვიყვენით, ნასონ კუიპრელი, პირველი მოწაფჱ.
მისლვასა Page of ms. L: 427V მას ჩუენსა იერუსალჱმად მხიარულად შემიწყნარნეს ჩუენ ძმათა.
ხვალისაგან შევიდა პავლე ჩუენ თანა იაკობისა; და ყოველნივე მოვიდეს ხუცესნი.
და მოიკითხნა იგინი, მიუთხრობდა კაცად-კაცადსა, რომელი-იგი ქმნა ღმერთმან წარმართთა შორის მსახურებითა მისითა.
ხოლო მათ ვითარცა ესმა ესე, ადიდებდეს ღმერთსა და ჰრქუეს პავლეს: ხედავ, ძმაო, რავდენნი ბევრნი არიან ჰურიათა შორის მორწმუნენი, ყოველნივე მორწმუნე შჯულისა არიან.
იტყუიან ვინმე შენთუის, ვითარმედ განდგომასა ასწავებ მოსესგან მათ, რომელნი არიან წარმართთა შორის ჰურიანი, და ეტყუი, რაჲთა არა წინადაიცჳთონ Page of ms. L: 428R შვილთა მათთა, არცაღა ჩუეულებათა ვიდოდიან.
რაჲმე უკუე არს? ესმეს სამე, ვითარმედ მოსრულ ხარ.
ესე ყავ, რომელსა გეტყუით შენ: არიან ჩუენ [შორის] კაცნი ოთხნი, რომელთა ლოცვაჲ აქუს თავისა თუისისაჲ.
ესენი წარიყვანენ და განწმიდნი მათ თანა, რაჲთა დაიყუინონ თმაჲ და ცნან ყოველთა, რამეთუ რომელსა-იგი იტყუიან შენთუის, არარაჲ არს, არამედ ჰგიე შენცა და იმარხავ შჯულსა.
ხოლო მორწმუნეთათჳს წარმართთა ჩუენ მივწერეთ და უბრძანეთ, რაჲთა არარას ეგევითარსა იმარხვიდენ, გარნა რაჲთა ეკრძალნენ ნაკერპავთა კლვისაგან,
რამეთუ შეიწირა კაცად-კაცადისა მათისათჳს შესაწირავი იგი. Page of ms. L: 435R
და ვითარცა აღესრულებოდეს შუიდნი იგი დღენი, რომელ-იგი იყვნეს ასიაჲთ ჰურიანი, იხილეს იგი ტაძარსა მას შინა, შეკრიბეს ყოველი იგი და აღახუნეს მის ზედა ჴელნი მათნი,
და ღაღადებდეს: კაცნო ისრაიტელნო, შემეწიენით! ესე იგი არს, რომელი ერისა მისთუის და შჯულისა და ადგილისა ამისთჳს ძუირსა იზრახავს და ყოველთა ადგილთა მასვე ასწავებს; და მერმე კუალად წარმართნი შეიყვანა ტაძრად და შეაგინა ადგილი წმიდაჲ.
რამეთუ წინაწარვე იხილა ტროფინე Page of ms. L: 427V ეფესელი მის თანა, რომელსა ჰგონებდეს, ვითარმედ ტაძრად შეიყვანა იგი პავლე.
აღიძრა ყოველი ქალაქი, და იყო შფოთი დიდი ერისაჲ მის და შეიპყრეს პავლე და გამოითრევდეს გარე ტაძრისა მისგან, და მეყსეულად დაიჴშნეს კარნი.
და ეგულვა მოკლვაჲ; მიიწია ამბავი ათასისთავისაჲ მის, ვითარმედ ყოველი შეკრებულ არს იერუსალჱმი.
მან მეყსეულად წარიყვანნა ერისა კაცნი და ასისთავი, მოიწია მათ ზედა; ხოლო მათ ვითარცა იხილეს ასისთავი იგი და ერისა კაცნი, დააცადეს ცემაჲ პავლესი.
