Page of ms. L: _ Page of ms. K: 244R აღ-ვინმე-დგეს დასისა მისგან ფარისეველთაჲსა, რომელნი-იგი მორწმუნენი იყვნეს, იწყეს სიტყუად და თქუეს: ჯერ-არს წინადაცუეთად მათდა და მცნებად მათდა, რაჲთა დაიმარხონ შჩული მოსჱსი.
შეკრბეს მოხუცებულნი იგი და ხუცესნი ფრიად ხილვად და განზრახვად ამის სიტყჳსათჳს.
და ვითარ იყო გამოძიებაჲ მრავალი, ზე აღდგა პეტრე და ჰრქუა მათ: კაცნო ძმანო! თქუენ თჳთ უწყით, რამეთუ პირველით დღითგან თქუენ შორის გამომირჩია ღმერთმან პირითა ჩემითა სმენად წარმართთა სიტყუაჲ იგი სახარებისაჲ და რწმუნებად.
და გულთმეცნიერი ღმერთი ეწამა მათ, რამეთუ მისცა მოციქულთა სული წმიდაჲ, ვითარცა-იგი ჩუენ.
და არარაჲ განიკითხა ჩუენ შორის, სარწმუნოებითა განწმიდნა გულნი მათნი.
აწ რაჲსათჳს გამოსცდით ღმერთსა დადებად უღელსა ქედსა მას მოწაფეთასა. Page of ms. K: 245R რომელი-იგი ვერცა მამათა ჩუენთა შეუძლეს ტჳრთვად.
არამედ მადლითა უფლისა ჩუენისა იესუ ქრისტჱსითა გურწამს.
Page of ms. K: _ Page of ms. P: 383R შემდგომად დადუმებისა მის მათისა მიუგო იაკობ და ჰრქუა: კაცნო ძმანო, ისმინეთ!
სიმონ წარმოთქუა, ვითარცა-იგი პირველად მოხედა ღმერთმან გამოყვანებად წარმართთაგან [ერი სახელისათჳს მისისა.].
და ესე შეეტყუებიან სიტყუანი წინაწარმეტყუელთაგანი, ვითარცა წერილ არს:
ამისა შემდგომად მოვაქციო და აღვაშჱნო კარავი იგი დავითისი, დაცემული იგი მისი აღვჰმართო და აღვაშჱნო,
რაჲთა გამოიძიონ ნეშტთა კაცთა უფალი და ყოველთა წარმართთა, რომელთა ზედა წოდებულ არს სახელი ჩემი, იტყჳს უფალი.
რომელმან ქმნა ესე ყოველი საცნაური საუკუნითგან.
მისთჳს მე ვიტყჳ, რაჲთა არა აიძულოთ, რომელნი-ეგე წარმართთაგანნი მოქცეულ არიან ღმრთისა;
არამედ ამცნებდ მათ, რაჲთა განეყენნენ შეგინებულთაგან ნაკერპავთა, სიძჳსაგან, მრუშებისა და სისხლისა.
რამეთუ მოსეს პირველითგან ნათესავით ქალაქად ჰქონდეს ქადაგნი, შესაკრებელთა შორის ყოველთა შაბათთა რომელნი იკითხვიდეს.
მაშინ ჯერ-უჩნდა მოციქულთა და მღდელთა ყოვლით კრებულითურთ [გა]მორჩევად კაცნი მათით, მივლინებად ანტიოქიად პავლეს და ბარნაბას თანა: იუდა, რომელსა ერქუა ბარსაბა, და შილა, კაცნი მთავარნი ძმათა შორის;
მიწერეს ჴელითა მათითა ესრჱთ; მოციქულნი, მღდელნი და ძმანი, რომელნი ხართ ანტიოქიაჲთ და კილიკიაჲთ წარმართთაგანნი ძმანი, გიკითხავთ.
რამეთუ გუესმა, ვითარმედ ჩუენგანნი ვინმე განვიდეს და აღგაშფოთნეს თქუენ სიტყჳთა, აღსძრვიდეს სულთა თქუენთა, ვითარმედ: წინადაიცჳთეთ და შჯული დაიმარხეთ, რომელი ჩუენ [არა] ვბრძანეთ;
ჯერ-გჳჩნდა ჩუენ, კრებულთა ერთბამად, არამედ გამოვირჩიენით კაცნი მივლინებად თქუენდა საყუარელთა ჩუენთა პავლჱს და ბარნაბაჲს თანა,
კაცთა, რომელთა მიუცემიან თავნი თჳსნი სახელისათჳს უფლისა ჩუენისა იესუ ქრისტჱსა.
მივავლინენით იუდა და შილა და მათცა სიტყჳთ გითხრან ყოველი.
რამეთუ ჯერ-უჩნდა სულსა წმიდასა და ჩუენცა, რაჲთა არა უფროჲს დავდვათ თქუენ ზედა სიმძიმჱ, გარნა ესე, რომელი უსაჴმარჱს არს.
განე[შორ]\ენით Page of ms. P: 383V ნაკერპავთაგან, სისხლისაგან დამშთვრისა; ამათგან დაიმარხენით თავნი თჳსნი, კეთილსა იქმოდეთ და ცოცხლებით იყვენით.
Page of ms. P: _ Page of ms. L: 415R შემდგომად დღეთა რავდენათმე ჰრქუა პავლე ბარნაბას: მივიქცეთ და მოვიხილვიდეთ ძმათა მათ ყოველსა მას ქალაქებსა, რომელსა შინა ვქადაგეთ სიტყუაჲ იგი უფლისაჲ, ვითარძი აქუნდეს.
ბარნაბას ესრე უნდა, რაჲთამცა იოვანე თანაწარიყვანა, რომელსა ერქუა მარკოზ.
ხოლო პავლე ესრე ჰლოცვიდა, ვითარმედ რომელი-იგი ერთვე განეყენა მათგან პირველსა ჯერსა პანფილიაჲთ და არა შეუდგა მათ საქმესა მას, არა წარყვანებად იგი.
იყო უკუე მკსინვარებაჲ მათ შორის ვიდრე განყენებამდე მათა ურთიერთას; ბარნაბა თანაწარიყვანა მარკოზ და განვიდა კუიპრედ ნავითა;
ხოლო პავლე გამოირ\ჩია Page of ms. L: 415V შილა და მოვიდა იგი მიერცა მადლითა ღმრთისაჲთა ძმათაგან.
განჰვლიდა ასურეთსა და კილიკიასა, განამტკიცებდა ეკლესიათა.
