Page of ms. P: 376V სავლე იყო ჯერისმჩინებელ მოკლვასა მას მისსა. და იყო მათ დღეთა შინა დევნულებაჲ დიდი ეკლესიათა იერუსალჱმისათა; და ყოველნივე განიბნინეს სოფლებსა მას ჰურიასტანისასა, თჳნიერ ხოლო მოციქულთა.
და შემოსეს სტეფანე კაცთა ღმრთისათა და ყვეს ტყებაჲ დიდი მის ზედა.
Page of ms. P: _ Page of ms. L: 365V ესე სავლე ფრიად მავნებელ იყო ეკლესიათა, სახლებსა შევიდოდა და გამოითრევდა მამებსა და დედებსა მრავალსა [და] საპყრობილედ მისცემდა.
[ხოლო] მოციქულნი იგი მიმოდაჴდეს და ახარებდეს სიტყუასა უფლისასა. Page of ms. L: 366R
ფილიპე შთავიდა ქალაქსა მას სამარიტელთასა და უქადაგებდა ქრისტესა.
ხედვიდა ერი იგი სიტყუათა მათ ზედა, რომელთა ეტყოდა, ერთბამად სმენად და ხილვად სასწაულებსა მას, რომელსა იქმოდა.
რამეთუ რომელთა თანა იყო სული არაწმიდაჲ, ღაღადებედ ჴმითა მაღლითა და განვიდიან: მრავალნი განრღუეულნი და მკელობელნი განიკურნებოდეს.
და იყო სიხარული დიდი ქალაქსა მას.
კაცი ვინმე, რომელსა სახელი ერქუა სიმონ, წინაჲთვე იყო ქალაქსა მას შინა, გრძნებდა და განაკუირვებდა ნათესავსა მას სამარიტელთასა, და იტყო\და Page of ms. L: 365V თავსა თუისსა, ვითარმედ დიდი ვინმე არს,
რომელსა ხედვიდეს ყოველნი, _ მცირითგან ვიდრე დიდამდე, და იტყოდეს, ვითარმედ: ესე არს ძალი ღმრთისაჲ, რომელსა ჰრქუიან დიდ.
ერჩდეს მას, რამეთუ მრავლით ჟამითგან გრძნებითა განეკუირვნეს იგინი.
და რაჟამს ჰრწმენა ფილიპეს სახარებაჲ სასუფეველისათუის ღმრთისა და სახელისათუის ქრისტესისა, ნათელ-იღებდეს მამანი და დედანი.
სუიმონსცა ჰრწმენავე; და ნათელ-იღო და იყო შეკრძალულ და შეუდგა ფილიპეს; ხედვიდა სასწაულთა მათ დიდ-დიდთა ძალთა, რომელი იქმნა, დაუკუირდებოდა.
ესმა რაჲ უკუე მოციქულთა, რომელნი იყვნეს იერუსალჱმს, რამეთუ შეიწყნარეს სამარიას სიტყუაჲ უფლისაჲ, მიავლინნეს მათა პეტრე და Page of ms. L: 367R იოვანე,
რომელნი-იგი ვითარცა მივიდეს, ლოცვა-ყვეს მათთუის, რაჲთამცა მოვიდა მათ ზედა სული წმიდაჲ,
რამეთუ მუნ დღემდე არღა იყო [ვინმე] მათგანსა სული წმიდაჲ მოსრულ, გარნა ბანილ ხოლო იყვნეს სახელითა უფლისა იესუ ქრისტესითა.
მაშინ დასდებდეს ჴელსა მათ და მოვიდოდა მათა სული წმიდაჲ.
და იხილა სიმონ, რამეთუ ჴელის-დადებითა მოციქულთაჲთა მოვიდოდა მათა სული წმიდაჲ, მიუპყრა მათ ფასი.
და ჰრქუა: მომეცით მეცა ჴელმწიფებაჲ ეგე, რაჲთა, რომელსა დავსდვა მე ჴელი, მიიღოს სული წმიდაჲ,
ჰრქუა მას პეტრე: ვეცხლი ეგე შენი შენ თანავე იყავნ წარსაწყმედელად, რამეთუ ნიჭსა ღმრთისასა ფასითა ჰგონებ [მიღებად].
არა გიც შენ ნაწილი, Page of ms. L: 365V არცა სამკუიდრებელი სიტყუასა მას შინა, რამეთუ გული შენი არა არს წრფელ წინაშე ღმრთისა.
შეინანე შენ აწ უკეთურებისაგან შენისა და ევედრე უფალსა, რაჲთა მიგიტევნეს უშჯულოებანი შენნი.
რამეთუ სიმწარედ ნაღვლისა და თანაშეკრულად ცოდვისა გხედავ შენ, ვითარცა ხარ.
მიუგო სუიმეონ და ჰრქუა: ილოცეთ თქუენ ჩემთუის უფლისა მიმართ, რაჲთა არა მოვიდეს ჩემ ზედა, რაჲ-იგი თქუენ სთქუთ.
ხოლო მათ მიმოდასდვეს სახარებაჲ იგი სიტყუისაჲ მის და იტყოდეს სიტყუასა მას უფლისასა: და მოიქცეს იერუსალჱმს და მრავალსა სხუასაცა დაბნებსა და ქალაქებსა სამარიაჲსასა ახარებდეს.
Page of ms. L: 355R [სულმან წმიდამან ჰრქუა ფილიპეს]: მივედ და შეეახლე შენ ეტლთა იმათ.
და მივიდა ფილიპე, იწყო სმენად, ვითარ იკითხვიდა იგი ესაია წინაწარმეტყუელსა, იწყო კითხვად მისა და ჰრქუა: უწყია, რასა-ეგე იკითხავ?
მან მიუგო და ჰრქუა: ვითარ უძლო მე უწყებად, არა თუ ვინმე იყოს წინამძღუარ ჩემდა? ჰლოცვიდა იგი ფილიპეს, რაჲთამცა აჴდა იგი და დაჯდა იგი მის თანა ეტლთა მათ.
და თავი საკითხავისაჲ მის, რომელსა იკითხვიდა, ესე იყო: ვითარცა ცხოარი კლვად მიიგუარა და ვითარცა ტარიგი წინაშე მრისველისა უჴმობელად დგა, ესრეთ არა აღაღებს პირსა მისსა.
სიმდაბლითა თუისითა სამართალნი მისნი მიეხუნეს; თესლ-ტომი მისი ვინმე უძლოს მითხრობად? რამეთუ აღებულ არს ქუეყანისაგან Page of ms. L: 355V ცხორებაჲ მისი.
მიუგო საჭურისმან მან ფილიპეს და ჰრქუა: გევედრები შენ [თქუმად], ვისთუის იტყუის ესაჲა წინაწარმეტყუელი, თუისისა თავისათუის, ანუმე სხუისა ვისთუის?
აღაღო პირი თუისი ფილიპე და იწყო წიგნთა ამათგან ხარებად მისა იესუისა.
ვითარცა მი-ოდენ-ვიდოდეს მგზავრ, მოვიდეს წყალსა ერთსა ზედა; და ჰრქუა მას საჭურისმან მან: აჰა, ესერა, წყალი; ამიერითგან რაჲ ყენება არს ჩემდა ნათლის-ღებისაჲ?
ჰრქუა მას ფილიპე: გრწამს თუ ყოვლითა გულითა შენითა, ჯერ-არს. მიუგო და ჰრქუა მას: მრწამს ძჱ ღმრთისაჲ იესუ ქრისტე.
და უბრძანა დადგინებაჲ ეტლთა Page of ms. L: 356R მათ; და შთაჴდეს ორნივე წყალსა მას, ფილიპე და საჭურისი იგი, და მოსცა მას ნათელი.
და ვითარცა აღმოვიდეს მიერ წყლით, სული წმიდაჲ მოვიდა საჭურისსა მას ზედა, და ანგელოზმან წარიტაცა ფილიპე, და მერმე არღარა იხილა მან საჭურისმან, და მოვიდოდა გზასა თუისსა სიხარულითა სავსჱ.
და ფილიპე იპოა აზოტეჲთ კერძო. მუნ იქცეოდა და ახარებდა ყოველსა მას ქალაქებსა ვიდრე მოსლვამდე მისა კესარიად.
