Page of ms. L: 291R და ვითარცა ეტყოდენ იგინი ერსა მას, მოიწინნეს მათ ზედა მღდელნი იგი და ერისთავი ტაძრისაჲ მის და სადუკეველნი,
ლმობიერნი სწავლისა მისთჳს ერისა და მითხრობისა მისთჳს ერისა მიერ იესუჲსა აღდგომისა მისთჳს მკუდართაჲსა.
და დაასხნეს მას ზედა ჴელნი მათნი და მისცნეს იგინი საპყრობილესა დამარხვად ხვალისათჳს, რამეთუ შემწუხრდებოდა დღჱ იგი.
და მრავალთა, რომელთა ესმოდა სიტყუაჲ იგი მათი, ჰრწმენა. და იყო რიცხუი იგი მორწმუნეთაჲ მათ კაცთაჲ ვითარ ხუთ ათას ოდენ.
Page of ms. L: 473V და იყო ხვალისაგან შეკრებაჲ მთავართაჲ ხუცესთაჲ და მწიგნობა[რთა]ჲ იერუსალჱმს,
და ანა [მღვდელ]თმოძრუარი [და კაჲ]აფა და იოვან[ე დ]ა ალექსანდრე და რავდენნი იყვნეს ნათესავნი მღდელთმოძღუართანი;
და დაადგინნეს იგინი შორის მათსა და ჰკითხვიდეს: რომლითა ძალითა ანუ რომლითა სახელითა ჰქმენით თქუენ ესე?
მაშინ პეტრე აღივსო სულითა წმიდითა და ჰრქუა მათ: მთავარნო ერისანო და მოხუცებულნი ისრაჱლისანო!
უკუეთუ ჩუენ განვიკითხვით ქველისსაქმესა [კ]აცისა უძლურისასა,
Page of ms. L: 474R ცხადად იყავნ თქუენ ყოველთა და ყოვლისა ერისა ისრაჱლისა, ვითარმედ სახელითა იესუ ქრისტე ნაზარეველისაჲთა, რომელი-იგი თქუენ ჯუარს-აცუთ, რომელი-იგი ღმერთმან აღადგინა მკუდრეთით, მის მიერ ესე დგას თქუენ წინაშე ცოცხალი.
ესე არს ლოდ[ი იგ]ი, რომელი შეურაცხ-[იქმნა თ]ქუენ მიერ მაშენ[ებელთა], რომელი-იგი იქმნა [თავ] კიდეთა და არავინაჲ არს სხუით ცხორებაჲ,
და არცაღა სახელი სხუაჲ ცასა ქუეშე მოცემულა კაცთა, რომლითამცა ჯერ-იყო ცხორებად ჩუენდა.
ხოლო იგინი [ხედვიდეს] პეტრესსა მას განცხადებულებასა და იოვანესა, და უწყოდეს, რამეთუ კაცნი უწიგნონი არიან და უმეცარნი, უკუირდა და იცოდეს, რამეთუ იესუს თა[ნა] იყვნეს;
და კაცსა მას ხედვიდეს, მას თანა Page of ms. L: 473V მდგომარესა, განკურნებულსა, და ვერ ეძლო მათ ცილობად.
და ბრძანეს განსლვაჲ მათი გარეშე კრებულისაგან, რომელსა ზედა იქმნა სასწაული იგი კურნებისაჲ.
Page of ms. L: 358V ხოლო ესენი, ვითარცა განუტევნეს მათ, მოვიდეს თუისთა თანა და უთხრეს მათ, რაჲ-იგი მღდელთმოძღუართა და მოხუცებულთა ჰრქუეს.
ვითარცა ესმა ესე, აღიღეს ჴმაჲ ღმრთისა მიმართ და თქუეს: უფალო, შენ ღმერთო, რომელმან ჰქმენ ცაჲ და ქუეყანაჲ, ზღუაჲ და ყოველი, რაჲ არს მას შინა!
რომელმან მამისა ჩუენისა მიერ სულისა წმიდისა დავით, მონისა შენისა, პირითა სთქუ: რად აღიძრნეს წარმართნი, ერმან იზრახა ცუდი? Page of ms. L: 359R
მოვიდეს მეფენი ქუეყანისანი და მთავარნი შეკრბეს ერთად უფლისათუის და ცხებულისა მისისათუის.
რამეთუ შეკრბეს ჭეშმარიტად ქალაქსა მას წმიდასა ძესა შენსა ზედა იესუს, რომელსა სცხე, ეროდე და პონტიელი პილატე თესლებითურთ ერისა თანა ისრაჱლისა
საქმედ, რავდენი ჴელმან შენმან და ზრახვამან შენმან წინაწარ განაჩინა.
და აწ, უფალო, მოხედენ თქუმულსა ამას მათსა ზედა და მოეც მონათა შენთა ყოვლითა განცხადებულებითა [თქუმად] სიტყუისა შენისა,
განრთხმად ჴელი შენი კურნებასა და სასწაულსა და ნიშებსა ყოფად სახელითა ძისა შენისა იესუისითა.
და ლოცვასა მათსა შეიძრა ადგილი იგი, სადაცა იყვნეს შეკრებულ, და აივსნეს ყოველნი სულითა წმიდითა და იტყოდეს ყოველნი სიტყუასა მას ღმრთისასა განცხადებულად.
Page of ms. L: _ Page of ms. K: 235R ხოლო სიმრავლისა მის მორწმუნეთაჲსაჲ იყო გული და გონებაჲ მათი [ერთ; და ა]რავინ მათგანმა [თქჳს] მონაგები მისი თჳსად, არამედ იყო ყოველივე მონაგები მათი ზოგად.
და ძალითა დი[დ]ითა ჰყოფდეს მოციქულნი წამებასა მას აღდგომისა უფლისა ჩუენისა იესუ ქრისტჱსსა.
Page of ms. K: 378R ხოლო სიმრავლისა მის მორწმუნეთაჲსაჲ იყო გული და გონებაჲ ერთ; და არცა-ერთმან-ვინ თქუის მონაგები მისი თჳსად, არამედ იყო მონაგები მათი ზოგად.
და ძალითა დიდითა ჰყოფდეს მოციქულნი იგი წამებასა მას აღდგომის უფლისა ჩუენისა იესუ ქრისტჱსსა. და მადლი დიდი იყო მათ ყოველთა ზედა.
და არავინ ნაკლულევან იყო მათ შორის; და რომელნი-იგი პოვნიერნი იყვნეს დაბნებისანი და აგარაკებისანი, განჰყიდდეს და მოაქუნდა სასყიდელი მათი, რომელი-იგი განყიდიან.
და დადებდეს ფერჴთა თანა მოციქულთათა. და მიეცემოდა კაცად-კაცადსა, Page of ms. K: 279R ვითარ ვის რაჲ უჴმდა.
ხოლო რ[ომელსა ეწოდა ბარნაბა მოცი]ქულთა [მიერ, რომელი გამოითარგმ]ანების "ძჱ ნუგეშინის-ცემისა", ლევიტელი, კჳპრელი ნა[თესავით],
