Page of ms. K: _ Page of ms. L: 414R ამისა შემდგომად იქცეოდა იესუ გალილეას და არა უნდა ჰურიასტანს სლვად, [რამეთუ] ეძიებდეს მას ჰურიანი მოკლვად.
იყო მახლობელ დღესასწაული იგი ჰურიათაჲ, რომელ არს კარვობაჲ,
ხოლო ჰრქუეს მას ძმათა მისთა: გარდაგუალე ამიერ, წარვედ ჰურიასტანად, რაჲთა მოწაფეთაცა იხილნენ საქმენი შენნი, რომელთა იქმ.
რამეთუ არავინ იდუმალ რასმე იქმნ და ჰნებავნ, ვითარმცა განცხადებულ იყო. უკუეთუ ამას იქმ, გამოუცხადე თავი შენი სოფელსა.
რამეთუ არცაღა ძმათა მისთა ჰრწმენა მისი.
ჰრქუა მათ იესუ, რამეთუ: არღა მოწევნულ არს ჟამი ჩემი;
რამეთუ ვერ ჴელ\-ეწიფების Page of ms. L: 414V სოფელსა მოძულებად თქუენდა, ხოლო მე ვსძულ, რამეთუ მე ვწამებ მისთუის, რამეთუ საქმენი მისნი ბოროტ არიან.
თქუენ აღვედით დღესასწაულსა მას, ხოლო [მე] არა აღვალ დღესასწაულსა მას, რამეთუ ჟამი არა აღსრულებულ არს.
ესე ჰრქუა მათ და დაადგრა გალილეას.
და აღვიდეს ძმანი მისნი დღესასწაულსა მას, და მაშინ თავადიცა აღვიდა არა განცხადებულად, არამედ ფარულად.
ხოლო ჰურიანი ეძიებდეს დღესასწაულსა მას და იტყოდეს: სადამე არს იგი?
და იყო დრტუინვაჲ მისთუის ერსა შორის. რომელნიმე იტყოდეს: კეთილ არს იგი; ხოლო სხუანი იტყოდეს: არა, არამედ აცთუნებს ერსა.
და არავინ განცხადებულად იტყოდა მისთუის შიშისათუის ჰურიათაჲსა.
Page of ms. L: 410V და ვითარცა დღესასწაული იგი გა-ოდენ-ზოგებულ იყო, აღვიდა იესუ ტაძრად და ასწავებდა.
უკუირდა ჰურიათა მათ და იტყოდეს: ვითარ უკუე აწ ამან წიგნი იცის უსწავლელად?
მიუგო იესუ და ჰრქუა მათ: Page of ms. L: 411R ჩემი ესე მოძღურებაჲ არა არს ჩემი, არამედ მომავლინებელისა ჩემისაჲ.
უკუეთუ ვინმე ნებასა მისსა ჰყოფდეს, ცნას მოძღურებისაჲ ამის, ვითარ-რაჲ არს: ღმრთისაგან არს, ანუ მე თავით ჩემით ვიტყუი.
რომელი თავით თუისით იტყვინ, დიდებასა თავისა თუისისასა ეძიებნ; ხოლო რომელი ეძიებნ დიდებასა მომავლინებელისა თუისისასა, იგი ჭეშმარიტ არს, და არა არს სიცრუეჲ მის თანა.
ანუ არა მოსე მოგცა თქუენ შჯული? და არავინ თქუენგანი ჰყოფს შჯულსა. რაჲსათჳს მეძიებთ მე მოკლვად?
მიუგო მას ერმან მან და ჰრქუა: ეშმაკი არს შენ თანა. ვინ გეძიებს შენ მოკლვად?
მიუგო იესუ და ჰრქუა მათ: ერთი საქმეჲ ვქმენ და ყოველთა გიკუირს.
ამისთჳს მოსე მოგცა თქუენ წინა\დაცუეთაჲ. Page of ms. L: 410V არა თუ მოსესგან არს, არამედ მამათაგან; და შაბათსა წინადაიცუითის კაცმან.
უკუეთუ წინადაცუეთილებაჲ მოიღოს კაცმან შაბათსა, რაჲღა არა განქარდეს შჯული მოსესი, მე მაბრალებთ, რამეთუ ყოვლითავე განვაცოცხლე კაცი შაბათსა?
ნუ შჯით თუალ-ღებით, არამედ სამართალი საშჯელი საჯეთ.
იტყოდეს ვინმე იერუსალჱმელთაგანი: არა ესე არს; რომელსა-იგი ეძიებდეს მოკლვად?
აჰა, ესერა, განცხადებულად იტყუის, და არას ეტყუიან მას. ნუუკუე ჭეშმარიტად ცნეს მთავართა მათ, ვითარმედ ესე არს ქრისტე?
არამედ ესე ვიცით, ვინაჲ არს. ხოლო ქრისტე ოდეს მოვიდეს, არავინ იცოდის, ვინაჲ არს.
Page of ms. L: _ Page of ms. P: 287R ღაღად-ყო იესუ ტაძარსა მას შინა. ასწავებდა და ეტყოდა: მეცა მიცით და უწყით, ვინაჲ ვარ; და თავით ჩემით არა მოსრულ ვარ, არამედ ჭეშმარიტ არს, რომელმან მომავლინა მე, რომელი-იგი თქუენ არა იცით.
მე ვიცი იგი, რამეთუ მისგან ვარ, და მომავლინა მე.
და ეგულვა შეპყრობაჲ მისი. და განვიდა ჴელთაგან მათთა; და არავინ მიყო მის ზედა ჴელი, რამეთუ არა მოწევნულ იყო ჟამი მისი.
და მრავალთა ერისაგანთა ჰრწმენა მისი.
Page of ms. P: 225V ... ვინა ვარ; და თავით ჩემით არა მოსრულ ვარ, არამედ ჭეშმარიტ არს, რომელმან-იგი მომავლინა მე, რომელი თქუენ არ იცით.
ხოლო მე ვიცი იგი, რამეთუ მის მიერ ვარ, და მან მომავლინა მე.
ეძიებდეს მას შეპყრობად, და არავინ დაასხნა მას ზედა ჴელნი, რამეთუ არღა მოწევნულ იყო ჟამი მისი.
და მრავალთა ერისა-მის-განთა ჰრწმენა მისი. და იტყოდეს, რამეთუ: ოდეს მოვიდეს ქრისტე, ნუუკუე უმრავლჱსი სასწაული ქმნესა, რომელი ამან ქმნა?
და ესმა ფარისეველთა ერისა მის დრტჳნვაჲ მისთჳს. და მიავლინნეს მღდელ-მოძღუართა მათ და ფარისეველთა მსახურნი, რაჲთა შეიპყრან იგი.
და თქუა იესუ: მცირედ ჟამ თქუენ თანა ვარ და წარვალ მომავლინებელისა ჩემისა.
მეძიებდეთ მე და არა მპოოთ; და სადა-იგი მე ვიყო, თქუენ ვერ ჴელ-გეწიფების მოსლვად.
იტყოდეს ურთიერთას: ვიდრე-მე ეგულების წარსლვად, და ჩუენ არა ვპოოთ იგი? ნუუკუე განთესულთა მათ წარმართთა ეგულების წარსლვად [და სწავლად] მუნ წარმართთა?
რაჲ არს სიტყუაჲ ესე, რომელსა იტყჳს: მეძიებდეთ მე და არა მპოოთ, და სადა მე ვიყო, თქუენ ჴელ-გეწიფების მოსლვად?
Page of ms. P: 230R და უკანასკნელსა მას დღესა დიდისა მის დღესასწაულისასა დადგა იესუ, ღაღად-ყო და თქუა: უკუეთუ ვისმე სწყუროდის, მოვედინ ჩემდა და სუემდინ.
რაჲთა ჰრწმენეს ჩემი, ვითარცა თქუა [წიგნმან: მდინარენი] მუცლისა მისისაგან დიოდიან წყლისაგან ცხოველისა.
ესე მისთჳს თქუა სულისაგან, რომელ მიღებად იყო მორწმუნეთა მისთა; რამეთუ არღა იყო სული წმიდაჲ მოცემულ, რამეთუ იესუ არღა იყო დიდებულ.
მრავალთა ერისაგანთა ისმინეს სიტყუაჲ ესე და იტყოდეს: ესე არს ჭეშმარიტად წინაწარმეტყუელი.
სხუანი იტყოდეს: ესე არს ქრისტე: და სხუანი იტყოდეს: ნუუკუე გალილეაჲთ მოსლვად არს ქრისტე?
არა წიგნი იტყჳსა, ვითარმედ თესლისაგან დავითისა და ბეთლემით, სადაცა იყო დავით, მიერ ქრისტე მოვიდეს?
განწვალება იყო ერსა შორის ამისთჳს.
და რომელთამე უნდა მათგანი შეპყრობაჲ მისი, და არავინ მიყვნა ჴელნი მის ზედა.
Page of ms. P: _ Page of ms. L: 422V მოვიდეს მსახურნი იგი მღდელთმოძღუართა და ფარისეველთანი და ჰრქუეს მათ: რად არა მოიყვანეთ იგი?
მიუგეს მსახურთა მათ და ჰრქუეს: არასადა ვინ იტყოდა ესრეთ კაცი, ვითარ ესე კაცი.
მიუგეს ფარისეველთა და ჰრქუეს: თქუენცა უკუე შეცთომილ ხართ?
ნუ მთავართაგანთა ვიეთმე ჰრწმენა მისი ანუ ფარისეველთა?
არამედ ერსა ამას, რომელმან არა იცის შჯული, წყეულნი არიან.
ჰრქუა მათ ნიკოდემოზ, რომელ-იგი მოსრულ იყო მისი პირველ, ერთი იყო მათგანი:
ნუუკუე შჯული ჩუენი დაშჯისა კაცსა, უკუეთუ არა პირველად ისმინოს მისგან და ცნას, რასა იქმს?
მიუგეს მათ და ჰრქუეს: ნუ შენცა გალილეველ ხარ? გამოიძიე და იხილე, რამეთუ გალილეაჲთ წინაწარმეტყუელი Page of ms. L: 423R არა აღდგომილ არს.
