Page of ms. P: _ Page of ms. L: 436V ხოლო იესუ გულისხმა-ყო, რამეთუ მოვიდეს წარტაცებად, რაჲთამცა ყვეს იგი მეფე, განეშორა და წარვიდა იგი ხოლო მარტოი.
და ვითარცა შემწუხრდა, შთავიდეს მოწაფენი მისნი ზღუად.
და შევიდეს ნავსა და მივიდოდეს წიაღ ზღუასა მას კაფარნაუმდ. და შე-ოდენ-რიჟუდებოდა, არღა მოსრულ იყო მათა იესუ,
ხოლო ზღუაჲ იგი ქარისაგან დიდისა აღიძრვოდა.
და შე-ოდეს-სრულ იყვნეს ვიდრე ოცდახუთ უტევან, და იხილეს იესუ, ვიდოდა ზღუასა ზედა, და ახლოს რაი იყო ნავსა მას, შეეშინა.
ხოლო თავადმან ჰრქუა მათ: მე ვარ, ნუ გეშინინ!
უნდა მათ, რაჲთამცა შეიყვანეს Page of ms. L: 437R იგი ნავსა მას და მეყსეულად იპოა ნავი იგი ქუეყანასა, ვიდრეცა ვიდოდეს.
Page of ms. L: _ Page of ms. P: 219R ხვალისაგან ერი იგი, რომელი დგა წიაღ ზღუასა მას, უწყოდეს, რამეთუ სხუაჲ ნავი არა იყო მუნ, გარნა ერთი ხოლო, რომელსა შესრულ იყვნეს მოწაფენი მისნი, და რამეთუ არა შევიდა იესუ მოწაფეთა თანა ნავსა მას, არამედ მოწაფენი მისნი შევიდეს.
და მოვიდეს სხუანიცა ნავნი ტიბერიით მახლობელად ადგილსა მას. სადა-იგი ჭამეს პური, რომელი აკურთხა უფალმან და ჰმადლობდა.
ოდეს იხილა ერმან მან, რამეთუ იესუ არა მუნ არს, არცა მოწაფენი მისნი, მოადგინეს ნავი იგი და მოვიდეს კაფარნაომდ და ეძიებდეს იესუს.
და პოვეს წიაღ ზღუასა მას და ჰრქუეს: რაბი, ოდეს მოხუედ აქა?
მიუგო იესუ და ჰრქუა მათ: ამენ, ამენ გეტყჳ თქუენ: მეძიებდეთ, არა თუ იხილნეთ სასწაულნი, არამედ რამეთუ სჭამეთ პურთა მათგანი და განსძეღით.
იქმოდეთ ნუ საზრდელსა წარსაწყმედელსა, [არამედ საზრდელსა], რომელი ჰგიეს ცხორებად საუკუნოდ, რომელი ძემან კაცისამან მოგცეს თქუენ, რამეთუ ამას მამამან დაჰბეჭდა და ღმერთმან.
ჰრქუეს მას: რაჲ ვყოთ, რაჲთა ვიქმოდით საქმესა ღმრთისასა?
მიუგო იესუ და ჰრქუა მათ: ესე არს საქმჱ ღმრთისაჲ, რაჲთა გრწმენეს, რომელი-იგი მოავლინა მამამან.
და მათ ჰრქუეს მას: რასა სასწაულსა იქმ, რაჲთა ვიხილოთ და გურწმენეს შენი?
მამანი ჩუენნი ჭამდეს უდაბნოსა მანანასა, ვითარცა წერილ არს: პური Page of ms. P: 219V ზეცით მოსცა მათ ჭამად.
ჰრქუა მათ იესუ: ამენ, ამენ გეტყჳ თქუენ: არა მოსე მოგცა თქუენ პური ზეცით, არამედ მამამან ჩემმან მოგცა თქუენ პური ზეცით ჭეშმარიტი.
რამეთუ პური ღმრთისაჲ არს, რომელი გარდამოჴდა ზეცით და მოსცა ცხორებაჲ სოფელსა.
ჰრქუეს მას: უფალო, მარადის მოგუეც ჩუენ პური ესე.
ჰრქუა მათ იესუ: მე ვარ პური ცხორებისაჲ: რომელი მოვიდეს ჩემდა, არა შიოდის, და რომელსა ჰრწმენეს ჩემი, არასადა სწყუროდის.
არამედ გარქუ თქუენ: მიხილეთ მე, არა გრწამს.
ყოველი, რომელი მომცეს მე მამამან, ჩემდა მოვიდეს; და რომელი მოვიდეს ჩემდა, არა განვაძო იგი.
რამეთუ გარდამოვჴედ ზეცით, არა რაჲთა ვყო ნებაჲ ჩემი, არამედ ნებაჲ მომავლინებელისა ჩემისაჲ.
რამეთუ ესე არს ნებაჲ მომავლინებელისა ჩემისა მამისაჲ, რაჲთა ყოველი, რომელი მომცეს მე მამამან, არა წარწვწყმიდო მათგანი, არამედ აღვადგინო იგი უკუანაჲსკნელსა დღესა.
რამეთუ ესე არს ნებაჲ მამისა ჩემისაჲ, რაჲთა რომელი ხედვიდეს ძესა, ჰრწმენეს მისი, აქუნდეს ცხორებაჲ საუკუნოჲ, და მე აღვადგინო იგი უკუანაჲსკნელსა დღესა.
Page of ms. P: 221R იწყეს ჰურიათა მათ დარტჳნვად მისთჳს, რამეთუ თქუა, ვითარმედ: მე ვარ პური იგი, რომელი ზეცით გარდამოვჴედ,
და იტყოდეს: არა ესე არსა იესუ, ძჱ იოსებისი, რომლისა მამაჲ ჩუენ ვიცით? ვითარ აწ უკუე იტყჳს, ვითარმედ: ზეცით გარდამოვჴედ?
მიუგო იესუ და ჰრქუა: ნუ სდრტჳნავთ ურთიერთას.
ვერვის ჴელ-ეწიფების მოსლვად ჩემდა, უკუეთუ არა მომავლინებელმან ჩემმან მოიყვანოს იგი ჩემდა. და მე აღვადგინო იგი უკუანაჲსკნელსა დღესა.
წერილ არს წინაწარმეტყუელთა, ვითარმედ: იყვნენ ყოველნი ღმრთივ სწავლულ ყოველსა რომელსა ესმა მამისაგან და ისწაოს, მოვიდეს ჩემდა.
არა თუ ვის მამაჲ უხილავს, გარნა რომელი იყო ღმრთისა თანა, ამან იხილა მამაჲ.
ამენ, ამენ გეტყჳ თქუენ: რომელსა ჰრწმენეს ჩემი, აქუნდეს ცხორებაჲ საუკუნოჲ.
მე ვარ პური ცხორებისაჲ.
მამათა თქუენთა ჭამეს მანანაჲ უდაბნოსა ზედა და მოწყდეს.
ესე არს პური იგი, რომელი ზეცით გარდამოჴდა: უკუეთუ ვინმე ჭამოს მისგანი, არა მოკუდეს.
მე ვარ პური ცხორებისაჲ, რომელი ზეცით გარდამოვჴედ. უკუეთუ ვინმე ჭამოს ამისგანი, ცხონდეს უკუნისადმდე.
Page of ms. P: _ Page of ms. L: 413R ილალვიდეს ჰურიანი იგი და იტყოდეს: ვითარმე ჴელ-ეწიფების ამას მოცემად ჩუენდა ჴორცი თუისი ჭამად?
ჰრქუა მათ იესუ: ამენ, ამენ გეტყუი თქუენ: უკუეთუ არა შჭამოთ ჴორცი ძისა კაცისაჲ და სუათ სისხლი მისი, არა გაქუს ცხორებაჲ თავისა თუისისაჲ.
ხოლო რომელი ჭამდეს ჴორცსა ჩემსა და სუმიდეს სისხლსა ჩემსა, აქუნდეს ცხორებაჲ საუკუნოი, და მე აღვადგინო იგი უკუანაჲსკნელსა დღესა.
რამეთუ ჴორცი ჩემი ჭეშმარიტი არს საჭმელი და სისხლი ჩემი ჭეშმარიტი არს სასუმელი.
რომელი ჭამდეს ჴორცსა ჩემსა და სუმიდეს სისხლსა ჩემსა, ჩემ თანა დადგრომილ არს, Page of ms. L: 413V და მე მის თანა.
და ვითარცა მომავლინა მე ცხოელმან მამამან, და მეცა ცხოელ ვარ მამისა თანა; და რომელი ჭამდეს ჩემგან, იგიცა ცხონდეს ჩემ მიერ.
რამეთუ ესე არს პური, რომელი ზეცით გარდამოჴდა. არა ეგრე, ვითარ-იგი ჭამეს მამათა თქუენთა მანანაჲ და მოწყდეს. რომელი ჭამდეს პურსა ამას, ცხონდეს უკუნისადმდე.
ესე თქუა შესაკრებელთა შორის.
Page of ms. L: _ Page of ms. K: 254V და მრ... . . . . . . . მოწაფ... . . . . . ფიცხელ . . . . ჴელ-ეწი . . . . . . .
[ი]ცოდა იესუ . . . . . . . . . . რამეთუ დრტჳნვენ . . . . . . . . ამისთჳს, ჰრქუა მ[ათ: ესე დაგა]ბრკოლებს თქუენა?
[უკუეთუ] იხილოთ ძჱ კაცისაჲ ა[ღმავა]ლი, სადაცა იყო პირველ?
[სუ]ლი არს განმაცხოველებე[ლ, ხოლო ჴო]რცნი არად სარგებელ ა[რიან]; სიტყუათა რომელთა გეტყოდე [თქუენ], სულ არიან და ცხორებ[ა].
არამედ არიან ვინმე თქუენგა[ნნი, რომელ]თა არა ჰრწამს. რამეთუ იცო[და იესუ] პირველითგან, ვინ არიან . . . . . . , რომელთა არა ჰრწამს, და [ვინ ა]რს მიმცემელი ...
. . . . . . . ამისთჳს გარქ[უ თქუენ, ვითარმედ]: ვერვის ჴელ-ეწი[ფების მოსლვად ჩემ]და, უკუეთუ არ[ა არს] მოცემულ მ[ისა მამისაგან ჩემისა].
ამის გ[ამო: . . . . . . . . . . . . . . . . Page of ms. K: 246R . . .
. . . . . . . . . . . . . მათ . . . . . . . . . . . . . . . . გინე[ბს] . . . . . . . . . . . . . . . . .
. . . . . . . . . მას სი[მონ-პეტრე და ჰრქუა]: უფალო, ვის[ა მივიდეთ? სიტყუაჲ ცხო]რების[ა საუკუნოჲსაჲ] გაქუს [შენ.
და ჩუენ გურწმე]ნა და გჳ[ცნობიეს, რამეთუ შენ ხარ] ქრისტჱ, ძჱ ღმრთი[სა ცხოველისაჲ.
