Page of ms. P: 276V და ჰრქუა უფალმან მოსეს ...
წარიყვანე აჰრონ და ელიაზარ, ძჱ მისი, და აღიყვანენ იგინი ორსა მთასა, წინაშე ყოვლისა კრებულისა.
და განსძუარცე აჰრონს სამოსელი მისი და შეჰმოსე ელიაზარს, ძესა მისსა; და შეეძინენ და მოკუედინ მუნ.
და ყო მოსე ეგრე, ვითარცა უბრძანა უფალმან, და აღიყვანნა იგინი ორსა მთასა წინაშე ყოვლისა კრებულისა.
და განსძუარცა აჰრონს სამოსელი თჳსი და შეჰმოსა იგი ელიაზარს, ძესა მისსა,
და მოკუდა აჰრონ თხემსა მის მთისასა, და გარდამოვიდეს მოსე და ელიაზარ მიერ მთით.
და იხილა ყოველმან კრებულმან, რამეთუ მოკუდა აჰრონ, და ტიროდეს აჰრონს ოც და ათ დღე ყოველი სახლი ისრაჱლისაჲ.
