TITUS
Kartlis Cxovreba
Part No. 66
Previous part

Part: II  
King: 57 
Page of ed.: 367  
Line of ed.: 9  
ცხოვრება გიორგი მეფისა


Line of ed.: 10        დაჯდა მეფედ გიორგი, უმაღლესი ყოველთა მეფეთასა, მძლე და მორჭმული
Line of ed.: 11     მტერთა და შეცოდებულთათჳს, კეთილის-მსახური ღმრთისა. საყდართა, ეპისკოპოსთა
Line of ed.: 12     მეუდაბნოვეთა, მღდელთათჳს კეთილის-მყოფელი იყო და უკადრი შეცოდებისა დიდთა
Line of ed.: 13     და ცოტათაგან, გლახაკთა და ქურივთათჳს მოწყალე იყო და ერთგულთათჳს უხჳ და
Line of ed.: 14     მბოძებელი იყო.

Line of ed.: 15        სპარსეთისა სულტანნი, შორს მყოფნი და ახლოს მყოფნი, მეძღუნედ და მოხარკედ
Line of ed.: 16     მისდა იყვნეს, და ყოველნი სანაპირონი სამეფოსა მისისანი უშიშად ჰქონდეს.

Line of ed.: 17        აიღო ანისი, ადრითგან წანაღები თურქთა, ქრონიკონსა სამას ოთხმოცსა. შეიპყრა
Line of ed.: 18     სალდუხი, ამოსწყჳტა ყოველი ძალი მისი, მოაღებინა ძღუენი და საჭურჭლენი, რომელი
Line of ed.: 19     არა აითუალვოდა. და აღივსნეს სამეფო და ლაშქარნი მისნი.

Line of ed.: 20        უშიშად ჰქონდეს განძას სულტანი და ხლათის სულტანი. / და შამისა, ჯაზირისა
Line of ed.: 21     და არდოხისძე სალდუხი გააქცივნა და დაჴოცნა. და მოვიდა ილდღუზი დიდითა ლაშქრითა
Line of ed.: 22     სპარსეთისათა, / დაარბია შავშეთი, კლარჯეთი და გავალის ჯარს ესრე დაჴოცნეს,
Line of ed.: 23     რომელ მოამბე ერთი-ცა ვერ წავიდა.

Line of ed.: 24        ოდეს ორბელნი გადგეს, ქრონიკონი იყო სამას ოთხმოცდაჩჳდმეტი.

Line of ed.: 25        და აფხაზეთი, სუანეთი და ყოველი სამოქალაქო აქუნდა დაწყნარებით. და ოვსთა
Line of ed.: 26     და ყივჩაყთა რაოდენი ათასი კაცი უბრძანის, მოვიდიან, ეგრეთ-ვე შარვანის სახლი.

Line of ed.: 27        და მოსცა ღმერთმან შვილი გჳრგჳნის ცოლსა თანა ბურდუხანს, მსგავსად აღთქმით
Line of ed.: 28     შობილისა, ვითარ ანნას სამოელი, რომლისა მიერ გამობრწყინდა სიმართლე
Line of ed.: 29     და მრავალი მშჳდობა დღეთა მისთა. და იმეფა ოცდარვა წელი და მიიცვალა სტაგირს
Line of ed.: 30     კახეთისასა, თუესა მარტსა ოცდაშჳდსა, სამშაბათსა ვნებისასა. და დამარხეს მცხეთას
Line of ed.: 31     ჟამის სიძნელისაგან, და მას-ვე წელსა გელათს წაიყვანეს.



Next part


This text is part of the TITUS edition of Kartlis Cxovreba.

Copyright TITUS Project, Frankfurt a/M, 12.12.2008. No parts of this document may be republished in any form without prior permission by the copyright holder.