TITUS
Old Georgian Hagiographical Texts, vol. II
Part No. 16
Previous part

Chapter: IV  
Page of ed.: 45  
Paragraph: 9 
Line of ed.: 14        9. 4. და მას ჟამსა იქმნა განდგომილებაჲ სკლიაროსისაჲ,
Line of ed.: 15     და ჴმე\ლით Ms. page: L_10r   კერძი ყოველი დაიპყრა და მეფენი და დედოფალი
Line of ed.: 16     შეწყუდეულად იყვნეს ქალაქსა შინა დიდითა ჭირითა და
Line of ed.: 17     იწროებითა. და ამას რაჲ შინა იყვნეს, განიზრახეს, ვითარმედ:
Line of ed.: 18     "ჩუენი შემწე დავით კურაპალატისაგან კიდე არავინ არს". და
Line of ed.: 19     ვინაჲთგან გზანი ყოველნი სკლიაროსსა დაეპყრნეს, კაცისა
Line of ed.: 20     წავლენაჲ არა ეგებოდა, და დიდსა ზრუნვასა შინა იყვნეს, რამეთუ
Line of ed.: 21     არცა ვინ იყო ეგევითარი კაცი, რომელმან-მცა სრულ-ყო
Line of ed.: 22     ნებაჲ გულისა მათისაჲ. და ესრეთ რაჲ იურვოდეს ამის პირისათჳს,
Line of ed.: 23     ესმა იოვანესთჳს და თორნიკისთჳს და ცნეს, რამეთუ ლავრასა
Line of ed.: 24     დიდისა ათანასესსა არიან. და მეყსეულად სევასტოფორი,
Line of ed.: 25     კაცი წარჩინებული მათ ჟამთა შინა მთავართა შორის დედოფლისათა,
Line of ed.: 26     წიგნებითა სამეუფოჲთა ლავრას წარმოავლინეს. და,
Page of ed.: 46   Line of ed.: 1     ვითარცა მოვიდა, მისცა წიგნები თჳთოეულად, ვითარცა აქუნდა
Line of ed.: 2     ბრძანებაჲ, ერთი ათანასის და ერთი თორნიკს და ერთი იოვანეს.
Line of ed.: 3     Ms. page: L_10v   და ესე პირი მოეწერა, ვითა: "უღმრთოჲ სკლიაროსი გაგუადგა
Line of ed.: 4     და ჴმელით კერძი ყოველი დაიპყრა. აწ ვევედრებით
Line of ed.: 5     სიწმიდესა თქუენსა, რაჲთა თჳნიერ ყოვლისა მიზეზისა იოვანე-თორნიკ
Line of ed.: 6     მოვიდეს მეფობისა ჩუენისა". და სხუანი მრავალნი ვედრებანი
Line of ed.: 7     და ქენებანი ეწერნეს სამეუფოთა მათ წიგნთა შინა.

Line of ed.: 8        ესე რაჲ ესრეთ იქმნა, ფრიადსა უღონოებასა შთავარდეს ათანასე
Line of ed.: 9     და იოვანე, და, უნდა თუ არა, შეუვრდეს თორნიკს და იწყეს
Line of ed.: 10     ვედრებად მისსა, რაჲთა აღვიდეს მეფეთა წინაშე. ხოლო
Line of ed.: 11     მას რაჲ ესმა ვედრებაჲ მათი, ფრიად შეწუხნა და ეტყოდა, ვითარმედ:
Line of ed.: 12     "წმიდანო მამანო. მე ცოდვათა ჩემთათჳს მოსრულ ვარ
Line of ed.: 13     ამას წმიდასა ადგილსა და შეუძლებელ არს ჩემი მეფეთა წინაშე
Line of ed.: 14     წარსლვაჲ, რამეთუ მე ვიცი, თუ რომლისა პირისათჳს მიჴმობენ,
Line of ed.: 15     და, ვინაჲთგან ღმერთმან Ms. page: L_11r   ღირს-მყო და სახე მონაზონებისაჲ
Line of ed.: 16     შევიმოსე, მე ამიერითგან არცა-ღა მეფეთა თანა მიც შესაპოვარი,
Line of ed.: 17     არცა-ღა სხუასა ვის ქუეყანასა ზედა. აწ ვევედრები სიწმიდესა
Line of ed.: 18     თქუენსა, ღმრთისა სიყუარულისათჳს შემინდვეთ და ნუ მაიძულებთ
Line of ed.: 19     ამის პირისათჳს, რამეთუ, უკუეთუ წავიდე, ამის სოფლისა-ვე
Line of ed.: 20     შფოთთა შთამაგდეგენ". და იგინი ევედრებოდეს, ვითარმედ:
Line of ed.: 21     "უკუეთუ ამას ჟამსა" ურჩ ვექმნეთ მეფეთა, დიდსა რისხვასა
Line of ed.: 22     მოვაწევთ ჩუენ ზედა და მონასტერსა ამას ზედა". და ამას ცილობასა
Line of ed.: 23     ზედა გარდაჴდა შჳდეული ერთი. ხოლო უკუანაჲსკნელ,
Line of ed.: 24     უნდა თუ არა, ყოველი ბრალი მამამან ათანასი და მამამან იოვანე
Line of ed.: 25     მიიდვეს და ძლით დაარწმუნეს წარსლვაჲ.

Next part


This text is part of the TITUS edition of Old Georgian Hagiographical Texts, vol. II.

Copyright TITUS Project, Frankfurt a/M, 31.10.2010. No parts of this document may be republished in any form without prior permission by the copyright holder.