TITUS
Old Georgian Hagiographical Texts, vol. II
Part No. 15
Previous part

Chapter: III  
Page of ed.: 44  
Paragraph: 8 
Line of ed.: 13        8. 3. და მათ ჟამთა შინა თჳსი მისი დიდი თორნიკ თჳსსა
Line of ed.: 14     ქუეყანასა მონაზონ იქმნა და, რამეთუ ასმიოდა იოვანესთჳს, ვითარმედ
Line of ed.: 15     ულუმბათა არს და ვინაჲთგან ფრიადი სიყუარული აქუნდა
Line of ed.: 16     მისსა მიმართ, მას მოჰმართა და ულუმბათა შთამოვიდა
Line of ed.: 17     და, ვინაჲთგან მუნ ვერ პოვა, ფარულად გამოიწულილა
Line of ed.: 18     და ცნა, ვითარმედ მთა-წმიდას არს, და, თჳნიერ ცნობისა
Line of ed.: 19     მეფეთაჲსა, იდუმალ მთა-წმიდას მოვიდა და კურთხევაჲ მონაზონებისაჲ
Line of ed.: 20     ჴელთაგან იოვანესთა მიიღო.

Line of ed.: 21        რამეთუ, ვითარცა ვთქუთ, მთა-წმიდას შთამოვიდა და ლავრასა
Line of ed.: 22     დიდისა ათანასესსა მიიწია და, ვინაჲთგან დაფარვაჲ არღარაჲ
Line of ed.: 23     ეგებოდა, ურთიერთარს გამოეცხადნეს და სიყუარულითა
Line of ed.: 24     სულიერითა შეიტკბნეს და ფრიადი სიხარული იქმნა მონასტერსა
Line of ed.: 25     შინა მას დღესა, რამეთუ არცა დიდი ათანასი უმეცარ იყო თორნიკის
Line of ed.: 26     საქმესა და წარჩინებულობასა და ახოვნებასა. ამისთჳს-ცა
Line of ed.: 27     მიერითგან დიდითა Ms. page: L_9v   პატივითა ეპყრნეს იგინი, რამეთუ დაღაცათუ
Page of ed.: 45   Line of ed.: 1     მათ არა უნდა ესე, გარნა ღირსთა თჳსთა ღმერთი გამოაცხადებს
Line of ed.: 2     და ადიდებს.

Line of ed.: 3        და შემდგომად რაოდენისა-მე ჟამისა განითქუა ჰამბავი მათი
Line of ed.: 4     და იცნობა, ვითარმედ მთა-წმიდას არიან. და იწყეს მიერითგან
Line of ed.: 5     ქართველთა მოსლვად და განმრავლებად. და ესე რაჲ იხილეს ნეტართა
Line of ed.: 6     მამათა ჩუენთა, ვითარცა იყვნეს სავსენი ყოვლითა-ვე სიბრძნითა,
Line of ed.: 7     განიზრახეს, ვითარმედ: "არა ჯერ-არს ჩუენი მონასტერსა
Line of ed.: 8     შინა ყოფაჲ, რამეთუ სხუანი-ცა მოგუმართებენ, და გარე-შექცევაჲ
Line of ed.: 9     შეუძლებელ არს". და ესრეთ განზრახვითა მამისა ათანასესითა
Line of ed.: 10     ლავრისაგან განშორებულად, ვითარ მილიონ ერთ, უდაბნოსა
Line of ed.: 11     შუენიერსა წმიდისა იოვანე მახარებელისა ეკლესიაჲ აღაშენეს და
Line of ed.: 12     სენაკები, და მუნ იყოფებოდეს მრავალ ჟამ ვითარცა ანგელოზნი
Line of ed.: 13     ღმრთისანი.

Next part


This text is part of the TITUS edition of Old Georgian Hagiographical Texts, vol. II.

Copyright TITUS Project, Frankfurt a/M, 31.10.2010. No parts of this document may be republished in any form without prior permission by the copyright holder.