TITUS
Old Georgian Hagiographical Texts, vol. II
Part No. 14
Previous part

Chapter: II  
Page of ed.: 42  
Paragraph: 6 
Line of ed.: 12        6. 2. ხოლო ჩუენ პირველსა-ვე სიტყუასა მოვიდეთ. ესე ნეტარი
Line of ed.: 13     მამაჲ ჩუენი იოვანე იყო ნათესავით ქართველი, Ms. page: L_7r   მშობელთა და
Line of ed.: 14     პაპთაჲთგან დიდებული და წარჩინებული და საჩინოჲ
Line of ed.: 15     მთავართა შორის დავით კურაპალატისათა, მჴნე და ახოვანი
Line of ed.: 16     განთქუმული წყობათა შინა, მაღალი და შუენიერი ჰასაკითა და
Line of ed.: 17     აგებულებითა გუამისაჲთა და ბრძენი და გონიერი გონებითა
Line of ed.: 18     გულისჴმის-ყოფითა, და სავსე შიშითა ღმრთისაჲთა და ყოვლითა-ვე
Line of ed.: 19     კეთილისა საქმითა, და ფრიად საყუარელი და საკუთარი კეთილად
Line of ed.: 20     ჴსენებულისა დავით კურაპალატისაჲ.

Line of ed.: 21        ხოლო ვინაჲთგან ცეცხლი იგი ქრისტჱს-სიყუარულისაჲ
Line of ed.: 22     გულსა მისსა მძაფრიად აღეტყინა, ყოველი-ვე დიდებაჲ ამის
Line of ed.: 23     სოფლისაჲ შეურაცხ-ყო და ნაგევად შეჰრაცხა და მონაგებნი და
Line of ed.: 24     სიმდიდრე და განსუენებაჲ, მეუღლე და შვილნი თჳსნი და ნათესავნი
Line of ed.: 25     და, რაოდენი-ცა რაჲ არს ამის სოფლისაჲ, სრულიად მოიძულა
Line of ed.: 26     და უგულებელს-ყო და მერმე კუალად თავი-ცა თჳსი, სიტყჳსაებრ
Line of ed.: 27     უფლისა, Ms. page: L_7v   და აღიღო ჯუარი მჴართა თჳსთა ზედა
Page of ed.: 43   Line of ed.: 1     ფარულად ყოველთაგან სივლტოლაჲ იჴუმია და იჯმნა ყოველთაგან
Line of ed.: 2     მხოლოჲ ლავრასა დიდებულსა ოთხთა ეკლესიათასა შევიდა.
Line of ed.: 3     რომელნი-იგი მას შინა ბრწყინვიდეს სათნოებითა მათ
Line of ed.: 4     ჟამთა, - მამაჲ მოსე და მამაჲ გელასი, - ამათ გამოუცხადა თავი
Line of ed.: 5     თჳსი და მათგან ფარულად კურთხევაჲ მონაზონებისაჲ მიიღო და
Line of ed.: 6     ჟამ რაოდენ-მე ღუაწლითა ძლიერითა მორჩილებასა მისცა თავი
Line of ed.: 7     თჳსი და ყოველნი იგი მუნ მყოფნი მოღუაწენი განაკჳრვნა.

Line of ed.: 8        ხოლო ვინაჲთგან იწყო განცხადებად საქმემან მისმან, ნეტართა
Line of ed.: 9     მათ მამათა ლოცვაჲ მიიღო და საბერძნეთისა ქუეყანად მიჰმართა,
Line of ed.: 10     რამეთუ ევლტოდა დიდებასა კაცთასა. და ესრეთ მთასა
Line of ed.: 11     ულუმბოჲსასა მიიწია და მონასტერსა ერთსა შინა ჟამთა არა-მცირედთა
Line of ed.: 12     Ms. page: L_8r   ჯორთა მსახურებისა ღუაწლი ახოვნად თავს-იდვა
Line of ed.: 13     სხუანი უნდონი მსახურებანი და შეურაცხნი სიმდაბლით აღასრულნა.

Paragraph: 7 
Line of ed.: 14        ხოლო ვინაჲთგან მათ ჟამთა შინა ბერძენთა მეფემან ზემონი
Line of ed.: 15     ქუეყანანი დავით კურაპალატსა მისცნა და აზნაურთა შვილნი
Line of ed.: 16     მძევლად ითხოვნა მისგან, ცოლის-ძმათა მამისა იოვანესთა
Line of ed.: 17     მისი ეფთჳმე სხუათა თანა უფლის-წულთა მძევლად მოჰგუარეს
Line of ed.: 18     მეფესა. ესე რაჲ ცნა იოვანე, უნდა თუ არა, უნებლიეთ
Line of ed.: 19     თავი თჳსი გამოაცხადა და სამეუფოდ ქალაქად აღვიდა. და ვინაჲთგან
Line of ed.: 20     მეფენი მეცნიერ იყვნეს აბუჰარბისა, რომელი იყო სიმამრი
Line of ed.: 21     მამისა იოვანესი, და იოვანესდა-ცა ფრიადი სიყუარული
Line of ed.: 22     აჩუენეს მის ზედა და კეთილად მოიკითხეს.

Line of ed.: 23        და ამისა შემდგომად განგრძობილად სიტყჳს-გებაჲ იქმნა
Line of ed.: 24     შორის იოვანესსა და Ms. page: L_8v   სიმამრისა მისისა ეფთჳმესთჳს, რამეთუ
Line of ed.: 25     არა ენება მოცემაჲ მისი. და ფრიად აბრალა მას იოვანე, ვითარმედ:
Line of ed.: 26     "რაჲ არს ესე? ნუუკუე შვილ არა გესხნეს-ა თქუენ? გარნა
Line of ed.: 27     ესე ცხად არს, რომელ მათ სწყალობდით, ვითარცა თჳსთა
Page of ed.: 44   Line of ed.: 1     შვილთა, და ძე ჩემი, ვითარცა ობოლი, მძევლად გასწირეთ! გარნა
Line of ed.: 2     უფალმან შეგინდვენ თქუენ!" და ესრეთ განგებითა საღმრთოჲთა
Line of ed.: 3     და ბჭობითა მეფეთაჲთა თჳსი შვილი მიიყვანა და კუალად
Line of ed.: 4     ულუმბადვე უკუნ-იქცა.

Line of ed.: 5        ხოლო შემდგომად რაოდენისა-მე ჟამისა, ვინაჲთგან განითქუა
Line of ed.: 6     სახელი მისი, და პატივსა უყოფდეს ბერძენნი და ქართველნი, შეუძნდა
Line of ed.: 7     საქმე ესე, და ამის პირისათჳს კუალად უცხოებასა-ვე მიჰმართა.
Line of ed.: 8     რამეთუ აღიღო ძე თჳსი და რავდენნი-მე მოწაფენი და მთა-წმიდას
Line of ed.: 9     მოვიდა, ლავრასა დიდისა ათანასესსა. და მუნ შეეწყნარა.
Line of ed.: 10     აქუნდა თავი თჳსი ფარულად, და ყოველთა-ვე საქმეთა
Line of ed.: 11     მორჩილებისათა სიმდაბლით Ms. page: L_9r   და უდრტჳნველად იქმოდა,
Line of ed.: 12     დაყო მზარვულობასა შინა ორი წელი გინა უმეტეს.

Next part


This text is part of the TITUS edition of Old Georgian Hagiographical Texts, vol. II.

Copyright TITUS Project, Frankfurt a/M, 31.10.2010. No parts of this document may be republished in any form without prior permission by the copyright holder.