TITUS
Old Georgian Hagiographical Texts, vol. II
Part No. 13
Previous part

Text: Vita_Io.Eptw.  
Vita Iohannis et Euthymii Hagioritarum


For the sake of easy collation, paragraph numbers were added in accordance with the Latin translation provided by
Paul Peeters,
Histoires monastiques géorgiennes,
in: Analecta Bollandiana 36-37, 1917-1919,
pp. 13-68.



Page of ed.: 38  
Line of ed.: 1  
Ms. page: 3r 
ცხორებაჲ ნეტარისა მამისა ჩუენისა იოვანესი
Line of ed.: 2  
ეფთჳმესი და უწყებაჲ ღირსისა მის მოქალაქობისა
Line of ed.: 3  
მათისაჲ. აღწერილი გლახაკისა გეორგის მიერ
Line of ed.: 4  
ხუცეს-მონაზონისა*


Line of ed.: 5  
მამაო, გუაკურთხენ!


Chapter: I  
Page of ed.: 38  
Paragraph: 1 
Line of ed.: 6        კურთხეულ არს ღმერთი, რომელსა ყოველთა კაცთაჲ ჰნებავს
Line of ed.: 7     ცხორებაჲ და მეცნიერებასა ჭეშმარიტებისასა მოსლვაჲ, რომელი-იგი
Line of ed.: 8     გამოუთქუმელითა მით განგებულებითა თჳსითა უმჯობესსა
Line of ed.: 9     ყოველთასა განაწესებს, და მიუწთომელითა სახიერებითა თჳსითა
Line of ed.: 10     თჳთოეულთა ჟამთა შინა ღირსთა და სათნოთა თჳსთა გამოაჩინებს
Line of ed.: 11     სარგებელად კაცთა ნათესავისა და სადიდებელად ღმრთეებისა
Line of ed.: 12     თჳსისა. რომელმან ჩუენთა-ცა ამათ ჟამთა შინა გამოაჩინნა ნეტარნი
Line of ed.: 13     მამანი ჩუენნი: იოვანე და ეფთჳმე და იოვანე და არსენი ეპისკოპოსი
Line of ed.: 14     ნინო-წმიდელი და იოვანე გრძელის-ძე და შემდგომითი
Line of ed.: 15     შემდგომად სხუანი იგი მოწაფენი მათნი და მობაძავნი სათნოებისა
Line of ed.: 16     მათისანი, რომელთა სახელები აღწერილ არს წიგნსა მას ცხორებისასა.
Line of ed.: 17     რომელთა Ms. page: L_3v   მეოხებითა ჩუენ-ცა გლახაკნი ესე ღირს
Line of ed.: 18     გუყვენინ უფალმან მობაძავ ყოფად სათნოებათა მათთა და ნაწილსა
Line of ed.: 19     მას მარჯუენეთასა მიმთხუევად.

Paragraph: 2 
Page of ed.: 39  
Line of ed.: 1     2. ხოლო ვინაჲთგან სიგრძე ჟამთაჲ ყოველსა-ვე დავიწყებად მოიღებს,
Line of ed.: 2     დაღაცათუ წინაშე ღმრთისა ყოველი-ვე ცხად არს
Line of ed.: 3     საჩინო, და უწყის ყოველთა დასაბამი და აღსასრული, და რომელთა-იგი
Line of ed.: 4     სათნოდ მისა აღასრულეს ცხორებაჲ თჳსი, წინაშე
Line of ed.: 5     მისსა ბრწყინვენ მარადის, და არცა ერთი რაჲ უჴმს ჩუენმიერი
Line of ed.: 6     ჴსენებაჲ, არამედ ესრეთ განაწესა ყოვლად ბრძენმან მან განგებულებამან
Line of ed.: 7     მისმან, რაჲთა წიგნთა-ცა შინა აღიწერნენ საღმრთონი
Line of ed.: 8     იგი. და ყოლად შუენიერნი საქმენი სოფლის-შესაქმისანი და საუფლონი
Line of ed.: 9     იგი მცნებანი და ბრძანებანი მისნი და ღირსთა მათ
Line of ed.: 10     ნეტართა მონათა მისთა ყოლად ქებულნი ცხორებანი და მოქალაქობანი,
Line of ed.: 11     რომელნი თჳთოეულთა ჟამთა შინა ჯერ-იჩინნა გამოჩინებად
Line of ed.: 12     სახიერებამან მისმან სარგებელად კაცთა ნათესავისა, Ms. page: L_4r  
Line of ed.: 13     რაჲთა საღმრთოთა მათ და მაღალთა საქმეთა მიერ დიდების-მეტყუელებად
Line of ed.: 14     სურვილად მისა აღვიძრვოდით და საუფლოთა
Line of ed.: 15     მათ ბრძანებათა მიერ განვნათლდებოდით და აღსრულებად მათდა
Line of ed.: 16     მოსწრაფე ვიქმნებოდით. ხოლო დიდთა მათ და საკუთართა მონათა
Line of ed.: 17     მისთა ჴსენებითა შურად და ბაძვად მოვიდოდით საღმრთოთა
Line of ed.: 18     მათ მოქალაქობათა მათთა, რომელნი-იგი, ვითარცა ხატნი
Line of ed.: 19     მეტყუელნი, წინა სხენან სახედ სათნოებისა და სწავლად სიბრძნისა
Line of ed.: 20     სიმჴნედ ახოვნებისა ყოველთათჳს, რომელთა-ცა ჰნებავს შესლვაჲ
Line of ed.: 21     ცხორებასა საუკუნესა. Paragraph: 3  და ესე ცხად არს დასაბამითგან
Line of ed.: 22        სოფლისაჲთ და ვიდრე აქამომდე აღწერილთა წიგნთაგან და გამობრწყინვებულთა
Line of ed.: 23     წმიდათა და რომელთა-იგი იღუაწეს და აღწერნეს
Line of ed.: 24     ცხორებანი მათნი და ღუაწლნი და შრომანი, კეთილად
Line of ed.: 25     ჴსენებულ არიან წმიდათა ეკლესიათა შინა და ღირს ლოცვისა
Line of ed.: 26     და კურთხევისა.

Page of ed.: 40  
Line of ed.: 1        ვინაჲთგან უკუე ზემო-ჴსენებულნი ესე Ms. page: L_4v   ნეტარნი მამანი
Line of ed.: 2     ჩუენნი არარაჲთ უნაკლულო იყვნეს პირველ გამოჩინებულთა წმიდათასა,
Line of ed.: 3     არამედ ყოვლითა-ვე სათნოებითა შემკულ და აღმასრულებელ
Line of ed.: 4     მცნებათა ღმრთისათა, არა ჯერ-ვიჩინეთ მოუჴსენებელად დატეობაჲ
Line of ed.: 5     ცხორებისა მათისაჲ და მამათა-ცა ჩემთა სულიერთა მიბრძანეს
Line of ed.: 6     ამისი ჴელ-ყოფაჲ. ვინაჲ-ცა ვევედრები ღირსებასა თქუენსა,
Line of ed.: 7     ღმერთ-შემოსილნო მამანო, რაჲთა არა ბრალეულ ვიქმნე ამის
Line of ed.: 8     პირისათჳს.

Paragraph: 4 
Line of ed.: 9        ხოლო დაღაცათუ ჩუენ შემდგომად მრავლისა ჟამისა ღმრთისა მიმართ
Line of ed.: 10     მისლვისა მათისა ჴელ-ვყავთ მცირედთა ამათ სიტყუათა
Line of ed.: 11     აღწერად, გარნა ურწმუნო-მცა ნუვინ არს, რამეთუ ჩუენ
Line of ed.: 12     თავით თჳსით არარაჲ აღგჳწერია, არამედ რაჲ-იგი ვისწავეთ
Line of ed.: 13     კაცთა სარწმუნოთაგან და სულიერთა მამათა, რომელთა-იგი ეხილვნეს და
Line of ed.: 14     ემსახურა მათდა, რომელნი-იგი უცხო იყვნეს ყოვლითურთ
Line of ed.: 15     ტყუვილისაგან და სავსე მადლითა ზეგარდამოჲთა. და თჳთ
Line of ed.: 16     მებრ მათ საქმეთაგან, რომელნი-იგი დუმილით წამებენ და ჴმა-მაღლად
Line of ed.: 17     ქადაგებენ ღუაწლთა და შრომათა მათთა: Ms. page: L_5r   ლავრაჲ
Line of ed.: 18     ესე დიდებული და ყოვლითა შუენიერებითა შემკული
Line of ed.: 19     ყოვლითა სამკაულითა განშუენებული, რომელი-ესე მრავლითა
Line of ed.: 20     შრომითა და ოფლითა აღაშენეს მათ ნეტართა განსასუენებელად
Line of ed.: 21     სულთა მრავალთა, რომელსა შინა აღჰმართნეს
Line of ed.: 22     ეკლესიანი ცათა მობაძავნი და აღავსნეს იგინი წიგნთა მიერ
Line of ed.: 23     ღმრთივ-სულიერთა და განაბრწყინვნეს იგინი ხატთა მიერ პატიოსანთა.
Line of ed.: 24     მოუგნეს დაბანი და სოფელნი და მონასტერნი და დასაყუდებულონი
Line of ed.: 25     განუწესნეს წესნი და კანონნი დიდებულნი
Line of ed.: 26     ყოლად შუენიერნი და დაუსხნეს სიმტკიცენი და ჴელით-წერილნი
Line of ed.: 27     ოქრობეჭედნი ღმრთის-მსახურთა მეფეთანი. და შეკრიბნეს
Line of ed.: 28     მას შინა მონაზონნი და მოწესენი ანგელოზთა მობაძავნი და შეამკვეს
Line of ed.: 29     აღაყუავეს ენაჲ ჩუენი და ქუეყანაჲ თარგმანებითა წმიდათა
Page of ed.: 41   Line of ed.: 1     წერილთაჲთა, სადაჲთ-ესე ჭეშმარიტად, ვითარცა სიონით,
Line of ed.: 2     გამოვიდა შჯული და სიტყუაჲ Ms. page: L_5v   უფლისაჲ, ვითარცა იერუსალემით,
Line of ed.: 3     სიტყჳსაებრ ჴმა-მაღლისა ესაჲაჲსა.

Paragraph: 5 
Line of ed.: 4        5. რამეთუ ჭეშმარიტად ღირსი იყო და საყუარელი ღმრთისაჲ
Line of ed.: 5     ნეტარი მამაჲ ჩუენი იოვანე, რომელმან-იგი, მსგავსად აბრაჰამისა,
Line of ed.: 6     უცხოებაჲ აღირჩია და მწირობით და სიგლახაკით ცხორებაჲ,
Line of ed.: 7     მისცა თავი თჳსი მორჩილებასა სულიერთა მამათასა, ვინაჲ-ცა,
Line of ed.: 8     მსგავსად მისსა. ესე-ცა ადიდა ღმერთმან და სახელოვან ყო ყოვლითა
Line of ed.: 9     სათნოებითა და უფროჲს ყოვლისა სანატრელისა მის შვილისა
Line of ed.: 10     მინიჭებითა, რომელ არს ნეტარი ეფთჳმე, რომლისა-იგი სახელი
Line of ed.: 11     ოდენ კმა არს სათნოებათა მისთა სიმაღლისა გამოჩინებად, რომელი-იგი
Line of ed.: 12     გამოჩნდა სამკაულად ნათესავისა ჩუენისა და მობაძავად
Line of ed.: 13     წმიდათა მოციქულთა, განანათლა ქართველთა ენაჲ და ქუეყანაჲ
Line of ed.: 14     რამეთუ, ვითარცა წამებენ მის მიერ თარგმნილთა წიგნთა შინა
Line of ed.: 15     აღწერილნი ანდერძნი, ამის ღირსისა მოღუაწებითა Ms. page: L_6r   განსწავლულ
Line of ed.: 16     იქმნა ყოვლითა სიბრძნითა განმანათლებელად და შემამკობელად
Line of ed.: 17     ეკლესიათა ჩუენთა, რომლისა-იგი ნამუშაკევი ახარებს შორიელთა
Line of ed.: 18     მახლობელთა, და თარგმნილთა მისთა წიგნთა სიტკბოებაჲ,
Line of ed.: 19     ვითარცა ნესტჳ ოქროჲსაჲ ჴმა-მაღალი, ოხრის ყოველსა ქუეყანასა,
Line of ed.: 20     არა ხოლო ქართლისასა, არამედ საბერძნეთისასა-ცა, რამეთუ ბალაჰვარი
Line of ed.: 21     და აბუკურაჲ და სხუანი-ცა რაოდენნი-მე წერილნი
Line of ed.: 22     ქართულისაგან თარგმნნა ბერძულად.

Line of ed.: 23        გარნა რომლისა-იგი ზემორე მეგულებოდა თქუმაჲ,
Line of ed.: 24     იგი ხოლო ვთქუა პირველად, და მერმე, რაჲ-იგი უფალმან მოგუმადლოს,
Line of ed.: 25     მოკლითა სიტყჳთა მიგითხრა. რამეთუ ვინაჲთგან დღეთა
Line of ed.: 26     ამათ უკუანაჲსკნელთა მოვიწიენით და, ვითარცა ხედავთ,
Line of ed.: 27     ფრიადი სიგრილე იხილვების ჩუენ შორის, ნუუკუე ვინმე ჰგონებდეს
Line of ed.: 28     აცთუნებდეს თავსა თჳსსა, თუ პირველითგან ესრეთ
Line of ed.: 29     იყვნეს ძმანი ჩუენნი. Ms. page: L_6v   ნუ იყოფინ არამედ ყოვლითა წესიერებითა
Line of ed.: 30     საღმრთოჲთა მოქალაქობითა ცხოვნდებოდეს, ვიდრემდის
Page of ed.: 42   Line of ed.: 1     სამგზის სანატრელნი იგი მამანი ჩუენნი იოვანე და ეფთჳმე
Line of ed.: 2     განაგებდეს და იპყრობდეს წესსა წინამძღურობისასა, რომელნი-იგი
Line of ed.: 3     ყოვლითურთ, მსგავსად პირველთა მათ ღმერთ-შემოსილთა მამათა,
Line of ed.: 4     უძღოდეს მათდა რწმუნებულსა მას სამწყსოსა. ვინაჲთგან კულა
Line of ed.: 5     ნეტარმან იოვანე შეისუენა და ღმერთ-შემოსილმან მამამან ჩუენმან
Line of ed.: 6     ეფთჳმე იჯმნა წინამძღურობისაგან, მიერითგან განმრავლდა ჩუენ
Line of ed.: 7     შორის ყოველი სულმოკლებაჲ და სიგრილე. არამედ ვევედრნეთ
Line of ed.: 8     ღმერთსა, რაჲთა მეოხებითა მათითა კეთილად განაგოს ჩუენი-ცა
Line of ed.: 9     ესე ცხორებაჲ და არა ჴუებულ გუყვნეს, არცა განგუაშორნეს,
Line of ed.: 10     სანატრელთა მათ მამათა და ძმათა ჩუენთა სიხარულსა და განსუენებასა
Line of ed.: 11     საუკუნესა მას შინა ცხორებასა.

Next part


This text is part of the TITUS edition of Old Georgian Hagiographical Texts, vol. II.

Copyright TITUS Project, Frankfurt a/M, 31.10.2010. No parts of this document may be republished in any form without prior permission by the copyright holder.