TITUS
Old Georgian Hagiographical Texts, vol. II
Part No. 11
Previous part

Chapter: XI  
Page of ed.: 32  
Line of ed.: 4  
Ms. page: L_85r  
უწყებაჲ შენებისათჳს ჰრომანისა


Paragraph: 36 
Line of ed.: 5        ხოლო ღმრთის-მსახურმან და ღმრთის-მოყუარემან მეფემან
Line of ed.: 6     მოუწოდა წმიდათა მათ და ჰრქუა: "ჵ, პატიოსანნო მამანო, გამოირჩიენ
Line of ed.: 7     ღირსებამან თქუენმან მონასტერი, სადა-ცა გენებოს თქუენთჳს
Line of ed.: 8     და ნათესავისა თქუენისათჳს". ხოლო მათ მიუგეს: "ჵ, მეფე, არა
Line of ed.: 9     შესაძლებელ არს ესე ჩუენ მიერ, რაჲთა-მცა სხუათა აღშენებული
Line of ed.: 10     ჩუენ დავიპყრათ უცხოთა კაცთა და იგი-მცა განვასხენით, რომელთა
Line of ed.: 11     აღუშენებიეს. და ესრეთ-მცა ნაცვალად ლოცვისა წყევაჲ მოვატყუ[ა]თ
Line of ed.: 12     მეფობასა თქუენსა. არა ვყოთ ესრეთ, ჵ, მეფე, არა ვყოთ. არამედ
Line of ed.: 13     უკუეთუ გნებავს, განვიდეთ ადგილსა უდაბნოსა და ვიძიოთ ადგილი
Line of ed.: 14     მყუდროჲ, სადა ჯერ-იყოს აღშენებაჲ მონასტრისაჲ. და თუ ენებოს
Line of ed.: 15     ღმერთსა, მუნ აღგჳშენე ეკლესიაჲ სალოცველად ღმრთის-მსახურებისა
Line of ed.: 16     შენისა".

Line of ed.: 17        ხოლო ვითარცა ესმა ესე ღმრთის-მსახურსა მეფესა, აღივსო
Line of ed.: 18     იგი სიხარულითა და ჰრქუა მათ: "კეთილ, კეთილ, პატიოსანნო მამანო,
Line of ed.: 19     წარვედით უკუჱ და იძიეთ ყოველგან-ვე, და რომელი ადგილი
Line of ed.: 20     შეაშუნდეს სიწმიდესა თქუენსა, იგი მაუწყეთ და მე ვყო ყოველი
Line of ed.: 21     ბრძანებისაებრ თქუენისა". და წარმგზავნნა იგინი სამეუფოჲსა კაცითა
Line of ed.: 22     მოხილვად, ვინაჲ-ცა ენებოს. და გამოვიდეს იგინი პალატით
Line of ed.: 23     მივიდეს ადგილსა ტყეანსა და უდაბნოსა და პოვეს ღელესა შინა
Line of ed.: 24     წყაროები, ადგილი ვაკჱ და შუენიერი, განიხარეს ფრიად
Line of ed.: 25     აუწყეს ღმრთის-მსახურსა მეფესა. ხოლო მას ვითარცა ესმა, მოვიდა
Line of ed.: 26     ერითურთ თჳსით ადგილსა მას. Ms. page: L_85v   და მოაქუნდა ქვაჲ თჳთ მეფესა
Line of ed.: 27     და ყოველსა ერსა მის თანა. და იწყეს შენებად ეკლესიისა და
Line of ed.: 28     მონასტრისა, და აღასრულეს შჳდ თთუე ყოველი საქმე მონასტრისაჲ.

Line of ed.: 29        და მოვიდა მეფჱ პატრიაქისა თანა და ყო სატფურებაჲ და
Line of ed.: 30     დასხნა ნაწილნი წმიდათა მოციქულთანი თუესა ოკდომბერსა თ̂
Line of ed.: 31     შეწირა მეფემან ჭურჭელი ოქროჲსა და ვეცხლისაჲ, და სოფელნი
Line of ed.: 32     და ქულბაგნი და მეტოქი ქალაქსა შინა. და მისცნა ტყენი, რომელნი
Line of ed.: 33     იყვნეს გარემოჲს ადგილსა მას. და მისცა ყოველი-ვე საჴმარი,
Line of ed.: 34     ვითარცა შეჰგავს მონასტრისათჳს უხუებით. და შექმნა მეფემან
Line of ed.: 35     მცირჱ სენაკი თავისა თჳსისათჳს და დადგა მას შინა ლოგინი თავისა
Line of ed.: 36     საგებლითურთ, და დადგნა საწიგნენი და დასხნა წიგნნი, სახარებაჲ
Line of ed.: 37     და პავლჱ, და თქუა ესრეთ, ვითარმედ: "ესე იყოს საყოფელი
Page of ed.: 33   Line of ed.: 1     ჩემი მახლობელად ღირსთა ამათ მამათა, რაჲთა ლოცვითა მათითა
Line of ed.: 2     ინებოს ღმერთმან ჴსნაჲ ჩემი მოსაგებელისაგან ცოდვათა ჩემთაჲსა".
Line of ed.: 3     უწოდა ადგილსა მას ქართველთა მონასტერი, რომელსა პირველითგან
Line of ed.: 4     სახელი ეწოდა ჰრომანაჲ.

Paragraph: 37 
Line of ed.: 5        37. მაშინ ჰრქუა მეფემან ღირსთა მათ მამათა: "წმიდანო მამანო!
Line of ed.: 6     ითხოეთ, რაჲ-ცა საჴმარ არს თქუენდა მეფობისაგან ჩემისა". ხოლო
Line of ed.: 7     მათ ჰრქუეს, ვითარმედ: "ვითხოვთ შენგან, ჵ, ღმრთის-მოყუარეო
Line of ed.: 8     მეფეო, რაჲთა აღიღო ყოველი უმშჯავროებაჲ სამეუფოჲსაგან შენისა,
Line of ed.: 9     რაჲთა არა განარისხო შენ ზედა უფალი და ცუდ იქმნას კეთილის-ყოფაჲ
Line of ed.: 10     შენი ჩუენდა მომართ".

Line of ed.: 11        და ვითარცა ესმა ესე მეფესა, განიხარა სიტყუათა ამათ ზედა
Line of ed.: 12     და შესძინა უმეტესი სარწმუნოებაჲ მათდა მიმართ Ms. page: L_84r  . და
Line of ed.: 13     უყუარდეს იგინი უმეტეს ყოველთა მის ჟამისა კაცთაჲსა. და მოჰგუარნა
Line of ed.: 14     ორნი ძენი თჳსნი, ლეონ და ალექსანდრე, და ჰრქუა მათ:
Line of ed.: 15     "ლოცვა ყავთ ამათთჳს, წმიდანო მამანო, და ასწავეთ წიგნი
Line of ed.: 16     ენაჲ თქუენი, რაჲთა იყვნენ ეგე შვილნი ლოცვისა თქუენისანი".
Line of ed.: 17     და ამისა შემდგომად წარვიდეს მეფჱ და პატრიაქი ქალაქად.

Paragraph: 38 
Line of ed.: 18        38. ხოლო ვითარცა აღასრულა ესე ყოველი კეთილად ღმრთის-მოყუარემან
Line of ed.: 19     მეფემან, მაშინ სათნო-იყო ღმერთმან კეთილი საქმჱ
Line of ed.: 20     მისი და გამოუცხადა ჩუენებით შეყენებულსა დიდსა ეფთჳმის მოღუაწესა,
Line of ed.: 21     რომელი იყო მას ჟამსა კაცი წმიდაჲ და ღმერთ-შემოსილი
Line of ed.: 22     უწყოდა მან ყოველი-ვე გულის-სიტყუაჲ მეფისაჲ. და მიუწერა
Line of ed.: 23     ესრეთ მეფესა, ვითარმედ: "ვიხილე მე ჩუენებით ცეცხლისა კუამლი
Line of ed.: 24     საშინელი და მესმა ჴმაჲ, რომელი იტყოდა, ვითარმედ: "ესე
Line of ed.: 25     არიან ცოდვანი ბასილი მეფისანი", და მე ვთქუ, ვითარმედ: "ვინ
Line of ed.: 26     შემძლებელ არს დაშრეტად ამისა?" და კუალად მესმა ჴმაჲ, ვითარმედ:
Line of ed.: 27     "ცრემლნი და კეთილისა საქმენი". და მყის მოიხუნეს კეთილისა
Line of ed.: 28     საქმენი შენნი კაცთა ბრწყინვალეთა და შთაყარნეს ცეცხლსა
Line of ed.: 29     მას შინა და იწყეს დაშრეტად დიდითა შრომითა. მაშინ ესმა
Line of ed.: 30     ჴმაჲ, რომელნი იყვნეს საჴმილსა მას ზედა, ვითარმედ: "მოიღეთ
Line of ed.: 31     უცხოთა შეწყნარებაჲ-ცა!" და მოიღეს მცირჱ, ვითარცა მარცუალი
Line of ed.: 32     იფქლისაჲ და სპეტაკი, ვითარცა თოვლი. და შთააგდეს იგი მას
Line of ed.: 33     შინა. მაშინ-ღა იწყო კუამლმან მან და ცეცხლმან სრულიად განქარვებად.
Line of ed.: 34     აწ უკუე, ჵ მეფე, ისწრაფე უცხოთა და გლახაკთა და უმეტესად-ღა
Line of ed.: 35     მონაზონთა შეწყნარებად"

Paragraph: 39 
Line of ed.: 36        39. და ვითარცა წარიკითხა მეფემან წიგნი იგი დიდისა მის Ms. page: L_84v   შეყენებულისაჲ,
Line of ed.: 37     პირველად მისცა მადლი მოწყალესა ღმერთსა და
Line of ed.: 38     მერმე მოუწოდა ეპარხოსსა მას თესალონიკელსა, რომელი გარდაედგინა
Line of ed.: 39     ხარკისათჳს სამეუფოჲსა, რომელსა-იგი მოეწერა პირველად
Line of ed.: 40     მიცვალებაჲ წმიდისა ილარიონისი და სასწაულთა საქმჱ, და მისცა
Page of ed.: 34   Line of ed.: 1     მას უზეშთაესი პატივი და წარავლინა თესალონიკედ, რაჲთა დიდითა
Line of ed.: 2     პატივითა მოჰგუარნეს ნაწილნი ნეტარისა მამისა ილარიონისნი.

Line of ed.: 3        რამეთუ ჯერ-ვე-ესრეთ-იყო წმიდისა ამისთჳს, რომელმან-იგი
Line of ed.: 4     სიჩჩოჲთგან-ვე თჳსით სულნი და ჴორცნი თჳსნი უბიწოდ განწმედილნი
Line of ed.: 5     დამბადებელისა თჳსისა უნაკლულოდ შეწირნა და რაჲთა ეგრეთ-ვე
Line of ed.: 6     სულით და ჴორცით მრჩობლ პატივ-ცემულ იყოს. რამეთუ
Line of ed.: 7     გან-რაჲ-ვიდა საყოფლისა მისგან წმიდათა მათ ჴორცთა თჳსთაჲსა
Line of ed.: 8     უხილავი იგი სული წმიდისაჲ მის, მეყსეულად უხილავსა მას ქალაქსა
Line of ed.: 9     პირმშოთასა ზეცისა იერუსალჱმსა უხილავმან მეუფემან ყოველთამან
Line of ed.: 10     აღიყვანა და დიდებით დაამკჳდრა, და კუალად შემდგომად
Line of ed.: 11     მცირედისა, ვითარცა განეფინნეს დიდებულებანი ნიშთა
Line of ed.: 12     საკჳრველებათა მისთანი, მეფემან ქუეყანისამან და ხილულმან ახალსა
Line of ed.: 13     ამას იერუსალჱმსა და ხილულსა ქალაქსა სამეუფოსა ხილულნი
Line of ed.: 14     იგი ნაწილნი მისნი სახილველად ქალაქისა და ერისა დიდებით აღყვანებად
Line of ed.: 15     ჯერ-იჩინნა სასოდ და მეოხად სიმტკიცისა თჳსისა
Line of ed.: 16     მფარველად ქალაქისა და ერისა. და ესრეთ მრჩობლ განყოფილი
Line of ed.: 17     მრჩობლ პატივ-ცემულ იქმნა მოსაგებელად სათნოებათა და ღუაწლთა
Line of ed.: 18     მისთა.

Next part


This text is part of the TITUS edition of Old Georgian Hagiographical Texts, vol. II.

Copyright TITUS Project, Frankfurt a/M, 31.10.2010. No parts of this document may be republished in any form without prior permission by the copyright holder.