TITUS
Old Georgian Hagiographical Texts, vol. II
Part No. 10
Previous part

Chapter: X  
Page of ed.: 30  
Line of ed.: 7  
მოყვანებისათჳს ნაწილთა წმიდისა ილარიონისთა
Line of ed.: 8  
თესალონიკით კოსტანტინეპოლედ


Paragraph: 33 
Line of ed.: 9        33. 10. მას ჟამსა შინა, ვითარცა განითქუნეს ნიშნი და საკჳრველებანი
Line of ed.: 10     ნეტარისა მამისა ჩუენისა ილარიონისნი, ყოვლით კერძო-ვე
Line of ed.: 11     ესმნეს უკუე ღმრთის-მსახურსა-ცა მეფესა ბასილის, რომელნი-იგი
Line of ed.: 12     დღითი-დღე აღესრულებოდეს ქალაქსა შინა თესალონიკესა და რამეთუ
Line of ed.: 13     წიგნი-ცა მიუწერა მთავარმან ქალაქისამან და მთავარეპისკოპოსმან,
Line of ed.: 14     რომელი აუწყებდა გარდაცვალებასა წმიდისასა და კურნებათა
Line of ed.: 15     სასწაულთა მისთა, რომელნი აღესრულებოდეს წინაშე
Line of ed.: 16     სამარხვისა მისსა წმიდასა. ხოლო ვითარცა აღმოიკითხა მეფემან
Line of ed.: 17     წიგნი იგი, მოუწოდა ყოველთა მთავართა პალატისათა და აუწყა
Line of ed.: 18     მიზეზი წიგნისა მის მიწერილისაჲ თესალონიკით, ხოლო მათ ვითარცა
Line of ed.: 19     ესმა, ჰმადლობდეს ღმერთსა.

Paragraph: 34 
Line of ed.: 20        34. და მათ-ვე დღეთა შინა ინება ღმრთის-მსახურმან მეფემან შემოკრებაჲ
Line of ed.: 21     ყოველთა-ვე მამასახლისთა მთისა ულომბოჲსათაჲ საქმისა
Line of ed.: 22     რომლისათჳს-მე სათანადოჲსა ქალაქად სამეუფოდ. და იყო დღესა
Line of ed.: 23     ერთსა მოვიდეს ყოველნი პალატად. და ვითარცა შევიდეს წინაშე
Line of ed.: 24     მისსა, ყო მეფემან სულიერი სიხარული მათ თანა ხილვისათჳს მათისა.
Line of ed.: 25     ხოლო მათ იწყეს სიტყუად სიტყუათა სულიერებთა წინაშე
Line of ed.: 26     მეფისა. მაშინ მეფემან იწყო თხრობად მათდა საქმეთა და სასწაულთა
Line of ed.: 27     ამის წმიდისათა და ვითარ-იგი მიეწერა მისდა თესალონიკით
Line of ed.: 28     მთავარსა ქალაქისასა და მთავარეპისკოპოსსა. ხოლო ვითარცა ესმა
Line of ed.: 29     ესე მამასახლისსა მას ულომბელსა, რომელმან-იგი პირველად შეიწყნარა
Line of ed.: 30     წმიდაჲ ილარიონ და რომლისა Ms. page: L_84r   იგი დის-წული მკელობელი
Line of ed.: 31     განეკურნა, მეყსეულად იწყო თხრობად მეფისა საქმეთა წმიდისა
Line of ed.: 32     ილარიონისთა და საკჳრველებათა მისთა, რომელნი ექმნნეს
Line of ed.: 33     მონასტერსა მისსა. და მიუთხრა ჩუენებაჲ-ცა იგი ყოლად წმიდისა
Line of ed.: 34     ღმრთის-მშობელისაჲ. ხოლო მეფჱ ჰკითხვიდა, თუ: "არიანღა ვინ
Line of ed.: 35     მოწაფეთა მისთაგანნი მთასა მას?". და მან მიუგო: "ჰე, წმიდაო მეფეო,
Line of ed.: 36     არიან სამნი მოხუცებულნი მოწაფეთა მისთაგანნი, ღირსნი
Page of ed.: 31   Line of ed.: 1     და სათნონი ღმრთისანი". მაშინ ღმრთის-მსახურმან მეფემან ბრძანა
Line of ed.: 2     სწრაფითა დიდითა მოყვანებაჲ მოწაფეთა მისთაჲ დრომონითა სამეუფოჲთა
Line of ed.: 3     პალატად პატივითა დიდითა შემსგავსებულად ღირსებისა
Line of ed.: 4     მათისა.

Line of ed.: 5        ხოლო ვითარცა მოიწინეს წმიდანი იგი მამანი სამეუფოდ და
Line of ed.: 6     ეუწყა ესე მეფესა, მეყსეულად ბრძანა შეყვანებაჲ მათი წინაშე მისა.
Line of ed.: 7     ვითარცა შევიდეს იგინი, განიხარა მეფემან სიხარულითა დიდითა,
Line of ed.: 8     იხილა რაჲ ანგელოზებრივი სახჱ მათი, რამეთუ იყვნეს წმიდანი
Line of ed.: 9     იგი მოხუცებულნი დღითა და მჴცოვანნი ჰასაკითა. და შუენიერებაჲ
Line of ed.: 10     იგი გარეშისა სახისა მათისაჲ შინაგანსა სულისა ბრწყინვალებასა
Line of ed.: 11     ცხადად აჩუენებდა და შემუსრვილი იგი და მდაბალი სიტყუაჲ
Line of ed.: 12     მათი სიმშჳდესა და მყუდროებასა გონებისა მათისასა გამოაჩინებდა.
Line of ed.: 13     და ევედრებოდა მეფჱ ლოცვისა ყოფად მისთჳს და ყოვლისა სამეუფოჲსა
Line of ed.: 14     მისისა, ხოლო ნეტართა მათ ჴელითა აპყრობილითა ულოცეს
Line of ed.: 15     მეფესა ყოვლისა თანა სამეუფოჲსა მისისა.

Line of ed.: 16        მაშინ თქუა მეფემან: "ჭეშმარიტად, აჰა მონანი ღმრთისანი
Line of ed.: 17     Ms. page: L_84v   და სულისა ჩემისა მეოხნი წინაშე ღმრთისა, დიდებაჲ შენდა,
Line of ed.: 18     ქრისტე მეუფეო, რომელმან ღირს მყავ უღირსი ესე მეფჱ ხილვად ღირსთა
Line of ed.: 19     სათნოთა მეუფებისა შენისათა". Paragraph: 35  მაშინ, ვითარცა რაჲ
Line of ed.: 20        ნიჭნი სამეუფონი, მიუვლინნა იგინი წმიდასა პატრიარქსა ეგნატის,
Line of ed.: 21     რომელი-იგი სიწმიდისა და ღირსებისა მისისათჳს იყო იგი მას ჟამსა
Line of ed.: 22     პატრიაქად სამეუფოსა ამას ქალაქსა ზედა.

Line of ed.: 23        და მიუმცნო ესრეთ, ვითარმედ: "იხილენ კაცნი ანგელოზთა
Line of ed.: 24     სწორნი და მიიღე ლოცვაჲ მათი, რამეთუ მე ვიხილენ და დიდად
Line of ed.: 25     განვიხარენ ხილვისაგან მებრ მათისა. რამეთუ მიხედვაჲ სახისა მათისა
Line of ed.: 26     პატიოსნისაჲ უაღრეს უბნობისა სხუათაჲსა იყო. და კუალად
Line of ed.: 27     სიტყუანი მათნი საწადელნი და სულიერნი გონებისა მათისა უმანკოებასა
Line of ed.: 28     სიწრფოებასა აჩუენებდეს".

Line of ed.: 29        ხოლო პატრიაქმან, ვითარცა იხილნა წმიდანი იგი მამანი,
Line of ed.: 30     მოიკითხნა იგი მოწლედ სიყუარულითა ძმებრივითა და განიხარა
Line of ed.: 31     ფრიად და აკურთხნა იგინი, და მიიღო ლოცვაჲ მათი. და ეზრახა
Line of ed.: 32     პატრიაქი ნეტართა მათ ეპისკოპოსთა თჳსთა თანა სულიერითა
Line of ed.: 33     სიტყჳთა და ცნა ღირსებაჲ მათი და სარწმუნოებაჲ მართალი.
Line of ed.: 34     და ჰრქუა ეპისკოპოსთა მათ ესრეთ, ვითარმედ: "ჭეშმარიტად ესენი
Line of ed.: 35     არიან სულიერნი საუნჯენი, რომელთა მპარავი არა მიეხების;
Line of ed.: 36     ამათმან ხილვამან დღეს დიდი მადლი მომანიჭა მე". და მიუმცნო
Line of ed.: 37     მეფესა ესრეთ, ვითარმედ: "ჵ, ღმრთის-მოყუარეო მეფეო დიდი კეთილი
Line of ed.: 38     მეყო მე დღეს შენ მიერ ხილვითა წმიდათა ამათ მამათაჲთა
Page of ed.: 32   Line of ed.: 1     და ჭეშმარიტად ესენი არიან მსახურნი უფლისანი და მეოხნი სულთა
Line of ed.: 2     ჩუენთანი. ამითითა ლოცვითა იყავნ მტკიცე და შეუშფოთებელ
Line of ed.: 3     ღმრთივ-გჳრგჳნოსანი მეფობაჲ თქუენი უკუნისამდე, ამინ".


Next part


This text is part of the TITUS edition of Old Georgian Hagiographical Texts, vol. II.

Copyright TITUS Project, Frankfurt a/M, 31.10.2010. No parts of this document may be republished in any form without prior permission by the copyright holder.