TITUS
Old Georgian Hagiographical Texts, vol. II
Part No. 8
Previous part

Chapter: 8  
Page of ed.: 23  
Line of ed.: 27        8. და წინამძღუარებითა ღმრთისაჲთა და შეწევნითა წმიდათა
Line of ed.: 28     მოციქულთაჲთა მიიწია ქალაქად ჰრომედ. და ვითარცა ირემმან,
Line of ed.: 29     სურვიელმან წყაროდ მიმართ წყალთაჲსა, ეგრეთ აღგზებულმან
Line of ed.: 30     სურვილითა საღმრთოჲთა მეყსეულად მიისწრაფა ტაძრად წმიდათა
Line of ed.: 31     Ms. page: L_78r   და თავთა მოციქულთა პეტრესსა და პავლესსა, თაყუანის-სცა
Line of ed.: 32     და ამბორს-უყო მოწლედ მჴურვალებითა სულისაჲთა წმიდათა
Line of ed.: 33     სამარხოთა მათთა და ყოველთა-ვე ნაწილთა წმიდათა მღდელთ-მოძღუართა
Line of ed.: 34     და მოწამეთასა, რომელთა ოდენ მიემთხჳა.

Line of ed.: 35        ხოლო დაყო ორი წელი ჰრომეს შინა ანგელოზებრ ცხორებითა
Line of ed.: 36     და მოღუაწებითა. რამეთუ მარადის ხედვასა ღმრთისასა შეჰმსჭუალა
Line of ed.: 37     გონებაჲ თჳსი. და მუნ-ცა მრავალნი სასწაულნი და კურნებანი
Line of ed.: 38     აღასრულნა უფალმან მის მიერ, ვითარცა უკუანაჲსკნელ მოწაფემან
Page of ed.: 24   Line of ed.: 1     მისმან ნეტარმან ისაკ ყოველი-ვე მოგჳთხრა, მოიქცა რაჲ
Line of ed.: 2     მიერ შემდგომად მიცვალებისა მისისა.

Line of ed.: 3        მაშინ საცნაურ იქმნა ყოველთა მიერ მკჳდრთა ჰრომისათა
Line of ed.: 4     საღმრთოჲ იგი მოქალაქობაჲ მისი და ყოველნი-ვე განკჳრვებულ
Line of ed.: 5     იყვნეს და მოვიდოდეს შემთხუევად და თაყუანის-ცემად წმიდათა
Line of ed.: 6     ფერჴთა მისთა და მოღებად წმიდასა ლოცვასა მისსა. და ყოველთა
Line of ed.: 7     აკურთხევდა და ლოცვით განუტევებდა. და ჰმადლობდეს ღმერთსა,
Line of ed.: 8     რომელმან მოავლინა წმიდაჲ ესე ქალაქსა მათსა.

Line of ed.: 9        და ვითარცა დაყო ჰრომეს შინა ორი წელი მაღლითა
Line of ed.: 10     საკჳრველითა მოქალაქობითა, ამისა შემდგომად აღძრვითა ზეგარდამოჲთა
Line of ed.: 11     მოუჴდა გულსა, რაჲთა კუალად წარვიდეს სამეუფოდ ქალაქად
Line of ed.: 12     კოსტანტინოპოლედ, რამეთუ ენება ღმერთსა, რაჲთა არა
Line of ed.: 13     ჴუებულ ყოს დიდებული ესე ქალაქი, რომელსა შეუკრებიან სიმრავლენი
Line of ed.: 14     ყოველთა წმიდათანი თავსა შორის თჳსსა და გარემოჲს
Line of ed.: 15     Ms. page: L_79v   ყოველთა-ვე სანახებთა თჳსთა, და რაჲთა ამისთა-ცა ნაწილთა
Line of ed.: 16     ღირს იქმნას შეწყნარებად ვრცელთა მათ და დიდებულთა
Line of ed.: 17     წიაღთა შინა თჳსთა. რომლისა-ცა მიზეზისათჳს წარმოვიდა
Line of ed.: 18     მიერ წმიდაჲ ილარიონ. Paragraph: 24  და შეწევნითა ღმრთისაჲთა ყოვლითურთ
Line of ed.: 19        შეწუხებული მოიწია ქალაქად თესალონიკედ. და ვითარცა შევიდა
Line of ed.: 20     ქალაქად, უპირატეს ყოვლისა თაყუანის-სცა სამარტჳლოსა ძლევა-შემოსილისა
Line of ed.: 21     დიდებულისა მოწამისა დიმიტრისსა. და მიერ წარვიდა
Line of ed.: 22     პრეტორად მთავრისა მის ქალაქისა და დაჯდა კართა წინაშე
Line of ed.: 23     მისთა.

Line of ed.: 24        და აჰა ესერა განგებითა საღმრთოჲთა მჴევალმან მის მთავრისამან
Line of ed.: 25     გამოიღო ძჱ თჳსი ოთხისა წლისაჲ ნახევარ-მიღებული და
Line of ed.: 26     დადვა იგი მზის-პირსა მახლობელად წმიდისა ილარიონისა. ჰრქუა
Line of ed.: 27     წმიდამან ილარიონ დედაკაცსა მას: "დედაკაცო, წარვედ და
Line of ed.: 28     მომართუ მე წყალი". და მეყსეულად აღდგა იგი მოღებად წყლისა.
Line of ed.: 29     მაშინ, ვითარცა წარვიდა დედაკაცი იგი, აღდგა წმიდაჲ ილარიონ,
Line of ed.: 30     სულთ-ითქუნა სიღრმითა გულისაჲთა, ჯუარი დასწერა ყრმასა
Line of ed.: 31     მას და ჰრქუა "სახელითა მამისაჲთა და ძისაჲთა და სულისა წმიდისაჲთა
Line of ed.: 32     შენ გეტყჳ, ყრმაო, აღდეგ ცოცხლებით" და მეყსეულად
Line of ed.: 33     განიკურნა და აღდგა ყოვლითურთ უვნებელი ფერჴთა თჳსთა ზედა.
Line of ed.: 34     და ჰრქუა კუალად ყრმასა მას: "წარვედ, შვილო, გიწესს შენ დედაჲ
Line of ed.: 35     შენი". და აღდგა ყრმაჲ იგი ცოცხალი და შევიდა დედისა თჳსისა
Line of ed.: 36     თანა. ხოლო წმიდაჲ ილარიონ აღდგა და წარვიდა სხუასა ადგილსა,
Line of ed.: 37     რაჲთა არა საცნაურ იქმნას სასწაულისა ამის მიერ მეძიებელთა
Line of ed.: 38     მისთაგან.

Paragraph: 25 
Page of ed.: 25  
Line of ed.: 1     25. Ms. page: L_79r   იხილეთ-ღა, ჵ, საყუარელნო, თუ ვითარსა მადლსა ღირს
Line of ed.: 2     იქმნა წმიდაჲ ესე მამაჲ ჩუენი რამეთუ მიემსგავსა დიდთა მათ მოციქულთა
Line of ed.: 3     პეტრეს და იოანეს, რომელთა განჰკურნეს მკელობელი
Line of ed.: 4     იგი, რომელი ზინ თხოვად ქველის-საქმისა კართა წინაშე შუენიერისა
Line of ed.: 5     მის ბჭისათა, რომელთა-იგი სიტყჳთ კურნებაჲ მიჰმადლეს,
Line of ed.: 6     და კუალად პეტრე ენეა განრღუეული აღადგინა*.
Line of ed.: 7     ხოლო ესე არა უმცირეს არს სასწაულთა მათ მათთა, რომელნი
Line of ed.: 8     ნეტარმან ამან აღასრულნა, რამეთუ პირველისა მის მკელობელისა
Line of ed.: 9     განკურნებაჲ რაჲ ენება, რომელი-იგი წინაშე სამოთხისა
Line of ed.: 10     პოვა, უპირატეს ითხოვა მისგან ტკბილი ნაყოფი, რომლისაჲ-იგი
Line of ed.: 11     თჳთ მიცემაჲ ეგულებოდა. და კუალად ყრმასა რაჲ ამას განჰკურნებდა,
Line of ed.: 12     რომელი-ესე აწ ვაჴსენეთ, ითხოვა პირველად წყალი სასუმელად
Line of ed.: 13     დედისაგან მისისა, რამეთუ ეგულებოდა, რაჲთა შვილსა
Line of ed.: 14     მისსა ასუას წყალი კურნებისაჲ. და ეგრეთ-ვე, იყოფებოდა რაჲ
Line of ed.: 15     მთასა მას ულომბოჲსასა, ამით-ვე სახითა განკურნა მკელობელი იგი,
Line of ed.: 16     რომელი მოართუმიდა ევლოგიასა, რომელსა-იგი მისცა ევლოგიაჲ
Line of ed.: 17     კურნებისაჲ.

Paragraph: 26 
Line of ed.: 18        და ვითარცა შევიდა ყრმაჲ იგი დედისა თჳსისა, ვითარცა
Line of ed.: 19     პირველ ვთქუთ, და წმიდაჲ იგი წარვიდა სხუასა ადგილსა. ხოლო
Line of ed.: 20     მჴევალმან მან აღიტაცა ყრმაჲ იგი და მოჰგუარა დედოფალსა
Line of ed.: 21     თჳსსა და იგი ჰკითხვიდა, თუ ვითარ განიკურნა ყრმაჲ იგი. ხოლო
Line of ed.: 22     მან წარმოუთხრა ყოველი-ვე სახჱ განკურნებისა მისისაჲ და ნიშანი
Line of ed.: 23     წმიდისაჲ მის და მოწაფისა მისისაჲ და ენისა-ცა მათისაჲ. და მუნთქუეს-ვე
Line of ed.: 24     შევიდა დედოფალი იგი და უთხ\რა Ms. page: L_80v   ესე ყოველი
Line of ed.: 25     ქმარსა თჳსსა და უჩუენა ყრმაჲ-ცა იგი განკურნებული.

Line of ed.: 26        ხოლო ვითარცა ესმა ესე მთავარსა, მეყსეულად ბრძანა სწრაფით
Line of ed.: 27     დაცვაჲ კართა ქალაქისათა და მოძიებაჲ წმიდისაჲ მის. და
Line of ed.: 28     ვითარცა ეძიებდეს, პოვეს იგი კარსა აღმოსავალით კერძოსა გარე
Line of ed.: 29     განმავალად. რამეთუ ვერ შესაძლებელ იყო დაფარვად ქალაქისა მთასა
Line of ed.: 30     ზედა დაშენებულისა და არცა სანთლისა მთებარისა უჩინო-ყოფად
Line of ed.: 31     ცხედარსა ქუეშე**, რამეთუ რაოდენ წმიდასა მას ენება დაფარვაჲ
Line of ed.: 32     საქმეთა თჳსთაჲ, ეგეოდენ ღმერთი განაცხადებდა მსახურსა
Line of ed.: 33     თჳსსა, რომელმან-იგი ადიდნის მადიდებელნი თჳსნი.

Line of ed.: 34        რამეთუ ვითარცა პოვეს წმიდაჲ იგი კაცთა მათ მეძიებელთა
Line of ed.: 35     მისთა, მეყსეულად დაცჳვეს და თაყუანის-სცეს მას წინაშე ფერჴთა
Line of ed.: 36     მისთა წმიდათა და ითხოვდეს მისგან კურთხევასა. ხოლო ნეტარმან
Line of ed.: 37     მან [!] აკურთხნა იგინი და აღადგინნა და წარჰყვა მათ თანა. მაშინ
Page of ed.: 26   Line of ed.: 1     მთავარსა მას ვითარცა ეუწყა მისლვაჲ წმიდისაჲ, გამოვიდა შემთხუევად
Line of ed.: 2     მისდა და ამბორს-უყოფდა წმიდათა ფერჴთა მისთა. არამედ
Line of ed.: 3     წმიდამან ულოცა მას და აღადგინა იგი და ჰრქუა მას: "ქრისტემან,
Line of ed.: 4     ყოველთა მოყუარეთა მისთა მცველმან, დაიცევინ ღმრთის-მოყუარებაჲ
Line of ed.: 5     შენი!" ხოლო მთავარმან წარიყვანა წმიდაჲ იგი სახედ თჳსად
Line of ed.: 6     და ევედრა მას, რაჲთა გამოირჩიოს ადგილი, რომელი-ცა ინებოს
Line of ed.: 7     და იყოფოდის მას შინა. მაშინ წმიდამან, ვითარცა იხილა საღმრთოჲ
Line of ed.: 8     იგი და ღმრთის-მოყუარჱ გონებაჲ მთავრისაჲ მის, მიუშუა
Line of ed.: 9     ამისა ყოფად და გამოირჩია ადგილი მარჯუჱ და მყუდროჲ, ვითარი
Line of ed.: 10     შეაშუნდა სიწმიდესა მისსა. Ms. page: L_80r   და აღუშენეს ეკლესიაჲ შუენიერი
Line of ed.: 11     ადგილსა მას. და ამცნო წმიდამან, რაჲთა არა აწყინებდენ ზედაჲს-ზედა.
Line of ed.: 12     და კუალად ამცნო, რაჲთა არარას წარმოსცემდეს მისა,
Line of ed.: 13     თჳნიერ პაქსიმადისა ჴმელისა და ცერცჳსა დამბლისა. ხოლო მთავარმან
Line of ed.: 14     მან აღასრულა ყოველი-ვე ბრძანებული მისი.

Line of ed.: 15        მაშინ განითქუა ჰამბავი მისი ყოველსა მას ქუეყანასა ილურიკიისასა
Line of ed.: 16     და მოვიდოდეს ურიცხუნი სულნი და აღეშენებოდეს სწავლითა
Line of ed.: 17     მისითა, და მიიღებდეს წმიდათა ლოცვათა მისთა და ეგრეთ
Line of ed.: 18     წარვიდოდეს სახედ თჳსად. ხოლო მყოფთა ქალაქისათა მრავალთა
Line of ed.: 19     შეშურდა საღმრთოჲ იგი მოქალაქობაჲ და უბიწოჲ ცხორებაჲ მისი
Line of ed.: 20     და ჴელითა მისითა იქმნნეს მონაზონ და წარემატნეს ანგელოზებრსა
Line of ed.: 21     ქცევასა და მოღუაწებასა შინა.

Paragraph: 27 
Line of ed.: 22        27. მას ჟამსა დიაკონი ერთი თესალონიკელი განვიდა მოხილვად
Line of ed.: 23     ვენაჴსა თჳსსა. და შეიპყრეს იგი წარმართთა და წარიყვანეს ქუეყანად
Line of ed.: 24     თჳსად. და ვითარ იგი მიჰყვანდა, მგზავრ მოეჴსენა წმიდაჲ
Line of ed.: 25     ილარიონ ყოვლითურთ სასო-წარკუეთილსა კაცობრივისა ცხორებისაგან,
Line of ed.: 26     იწყო ვედრებად მისა ცრემლითა მჴურვალითა და თანა-შემწედ
Line of ed.: 27     ხადოდა წმიდათა ლოცვათა მისთა. და მას ოდენ ღამესა,
Line of ed.: 28     ვითარცა ეძინა მრჩობლ შეკრულსა ჯაჭუთა მიერ რკინისათა, ეჩუენა
Line of ed.: 29     წმიდაჲ იგი და ჰრქუა მას: "აღდეგ, ჵ, დიაკონ, და ნუ გეშინინ,
Line of ed.: 30     რამეთუ მე ვარ, რომელსა იგი მევედრებოდე". და ვითარცა განიღჳძა,
Line of ed.: 31     იპოვა, რამეთუ განჴსნილ იყო საკრველთაგან. აღდგა მეყსეულად
Line of ed.: 32     და განვლო ყოველი იგი ლაშქარი უშიშად. და არავინ ცნა
Line of ed.: 33     საქმჱ ესე, ვიდრემდის მოვიდა ქალაქად თესალონიკედ. და მიუთხრობდა
Line of ed.: 34     Ms. page: L_81v   ყოველთა საკჳრველებასა ამას დიდებულსა. და მოვიდა
Line of ed.: 35     წმიდისა მის და ამბორს-უყოფდა წმიდათა ჴელთა მისთა, რომელთა
Line of ed.: 36     მიერ განიჴსნა საკრველთაგან, და მადლობით მიუთხრობდა საკჳრველებასა
Line of ed.: 37     მას მის მიერ მის ზედა აღსრულებულსა. ჰრქუა მას:
Line of ed.: 38     "შვილო! ენება ღმერთსა ჴსნაჲ შენი. ამისთჳს-ცა ანგელოზი თჳსი
Page of ed.: 27   Line of ed.: 1     მოავლინა ხატითა ჩემითა, ვინაჲთგან შენ სარწმუნოებით ჩემ ცოდვილისა
Line of ed.: 2     სახელსა ხადოდე, და გამოგიჴსნა მწარისა ტყუეობისაგან.
Line of ed.: 3     ამისთჳს-ცა ჰმადლობდი ღმერთსა მოქმედსა საკჳრველებათასა". ხოლო
Line of ed.: 4     იგი წარვიდა სახედ თჳსად განთავისუფლებული და ადიდებდა
Line of ed.: 5     ღმერთსა.

Paragraph: 28 
Line of ed.: 6        28. და დაყო წმიდამან ილარიონ ქალაქსა შინა თესალონიკესა
Line of ed.: 7     ბუნებათა უაღრესითა მოღუაწებითა ჟამი რაჲოდენი-მე, რამეთუ
Line of ed.: 8     ყოველთა მათ ზემო-ჴსენებულთა სიჭაბუკისა ღუაწლთა დაივიწყებდა
Line of ed.: 9     და ვითარცა ახლად შემავალი სტადიონსა მას მოღუაწებისასა უმჴურვალეს
Line of ed.: 10     პირველისა სურვიელ იყო, რამეთუ სიტყჳსაებრ მოციქულისა
Line of ed.: 11     პირველ გარდასრულთა მათ შრომათა ყოლად-ვე არა იჴსენებდა
Line of ed.: 12     და შემდგომთა მიწთომად მოსწრაფე იყო. ამისთჳს-ცა
Line of ed.: 13     ღმერთმან სასწაულთა მიერ და კურნებათა ცხორებასა-ვე ამას შინა
Line of ed.: 14     ადიდა, რამეთუ რომელთა-მე ჴორციელთა სნეულებათაგან განჰკურნებდა
Line of ed.: 15     და კუალად რომელთა-მე სულიერთა ვნებათა და სალმობათაგან
Line of ed.: 16     იჴსნიდა და ესრეთ ურიცხუნი სულნი შეაწყნარნა ღმერთსა.

Next part


This text is part of the TITUS edition of Old Georgian Hagiographical Texts, vol. II.

Copyright TITUS Project, Frankfurt a/M, 31.10.2010. No parts of this document may be republished in any form without prior permission by the copyright holder.