TITUS
Biblia Iberica: Psalterium et Odae e codice Gracensi
Part No. 6
Previous part

Chapter: 6  
ვ̂, დასასრულსა, მერვისათჳს, გალობაჲ დავითისი


Verse: 2   Link to psa   უფალო, ნუ გულისწყრომითა შენითა მამხილებ მე, ნუცა რისხვითა შენითა მსწავლი მე,

Verse: 3   Link to psa   მიწყალე მე, უფალო, რამეთუ უძლურ ვარ; მილხინე მე, უფალო, რამეთუ შემიძრწუნდეს ძუალნი ჩემნი.

Verse: 4   Link to psa Manuscript page: 5v     სული ჩემი შეძრწუნდა ფრიად; შენ, უფალო, ვიდრემდის?

Verse: 5   Link to psa   მოიქეც, უფალო, იჴსენ სული ჩემი, მაცხოვნე მე წყალობითა შენითა,

Verse: 6   Link to psa   რამეთუ არა არს, ვინ სიკუდილსა შინა მოგიჴსენოს შენ, უფალო, ანუ ჯოჯოხეთს შინა ვინ აგიაროს. შენ.

Verse: 7   Link to psa   დავშუერი მე სულთქუმითა ჩემითა, დავბანე მარად ღამე ცხედარი ჩემი, ცრემლითა ჩემითა სარეცელი ჩემი დავალტვე.

Verse: 8   Link to psa Manuscript page: 6r     განმირისხნა მე გულისწყრომით თუალი12 ჩემი, განვკფდი მე ყოველთა ზედა მტერთა ჩემთა.
Verse: 8V        (12) გულისწყრომით თუალი] გულისწყრომითუალი.

Verse: 9   Link to psa   განმეშორენით ჩემგან ყოველნი მოქმედნი უშჯულოებისანი, რამეთუ ესმა უფალსა ჴმაჲ ტირილისა ჩემისაჲ;

Verse: 10   Link to psa   ისმინა უფალმან ჴმაჲ ლოცვისა ჩემისაჲ. უფალმან თაყუანისცემაჲ ჩემი შეიწირა.

Verse: 11   Link to psa   ჰრცხუენოდენ13 და შეძრწუნდენ ყოველნი მტერნი ჩემნი, მართლუკუნიქცენ, ჰრცხუენოდენ ფრიად და მსთუად.
Verse: 11V        (13) ჰრცხნენოდენ.



Next part


This text is part of the TITUS edition of Biblia Iberica: Psalterium et Odae e codice Gracensi.

Copyright TITUS Project, Frankfurt a/M, 1.12.2024. No parts of this document may be republished in any form without prior permission by the copyright holder.