TITUS
Biblia Iberica: Psalterium et Odae e codice Gracensi
Part No. 7
Previous part

Chapter: 7   Manuscript page: 6v 
ზ̂, გალობაჲ, დავითი, რომლითა აქებდა უფალსა სიტყჳსა მისთჳს ქუსისა იემენელისა


Verse: 2   Link to psa   უფალო ღმერთო ჩემო, შენ გესავ, მაცხოვნე და ყოველთა მდევართა ჩემთაგან მიჴსენ მე.

Verse: 3   Link to psa   ნუსადა წარიტაცოს ვითარცა ლომმან სული ჩემი, არავინ იყოს მჴსნელ ჩემდა, არცა მაცხოვარ.

Verse: 4   Link to psa   უფალო ღმერთო ჩემო, უკუეთუ ჰყავ ესე, არს თუ უშჯულოებაჲ14 ჴელთა ჩემთა,
Verse: 4V        (14) უჯულოებაჲ.

Verse: 5   Link to psa   ანუ თუ მისა დავაგე მე ბოროტი, რომელთა მომაგეს მე ბოროტი, ბ̂, Manuscript page: 7რ  ნუუკუე გან-სადა-ვარდე მეცა მტერთა ჩემთა მიერ ცუდი;

Verse: 6   Link to psa   დევნოს სამე მტერმან სული ჩემი და ეწიოს, დათრგუნოს ქუეყანასა ზედა ცხორებაჲ ჩემი და დიდებაჲ ჩემი მიწასა დაამკჳდროს.

Verse: 7   Link to psa   აღდეგ, უფალო, რისხვითა შენითა ამაღლდი მოსრულებად ყოველთა ზედა მტერთა ჩემთა, განიღჳძე, უფალო ღმერთო ჩემო, ბრძანებითა მით, რომელ ამცენ შენ,

Verse: 8   Link to psa   და კრე\ბული Manuscript page: 6v  ერისაჲ გარემოგადგეს შენ; ამისთჳს მაღლად მოიქეც, უფალო.

Verse: 9   Link to psa   უფალმან განსაჯოს ერი. მისაჯე მე, უფალო, სიმართლითა შენითა და უბიწოებითა შენითა ჩემდამო.

Verse: 10   Link to psa   აღესრულენ ძჳრი ცოდვილთა ზედა და შენ წარუმართე მართალსა, უფალო, რომელი განიკითხავ გულსა და თირკუმელთა ღმერთი მართალი.

Verse: 11   Link to psa   ჭეშმარიტ არს შეწევნაჲ ჩემი ღმრთისა მიერ, რომელმან განარინნის წრფელნი გულითა.

Verse: 12   Link to psa Manuscript page: 8r     ღმერთი მართალ, მსაჯულ, ძლიერ, სულგრძელ, რომელმან არა მოავლინის რისხვაჲ მისი მარადღე.

Verse: 13   Link to psa   არა თუ მოიქცეს, მახჳლი მისი ლესულ არს; მშჳლდსა მისსა გარდაუცუამს და განუმზადებიეს იგი;

Verse: 14   Link to psa   მის თანა განუმზადებიან ჭურნი სიკუდილისანი და ისარნი მისნი შემწუველად ქმნნა.

Verse: 15   Link to psa   აჰა ესერა არა ძლებულ იქმნა სიცრუვით, მუცლად-იღო სალ\მობაჲ Manuscript page: 8v  და შვა უშჯულოებაჲ.

Verse: 16   Link to psa   ჴნარცუ თხარა, აღმოჰკუეთა და შთავარდა იგი მთხრებლსა მას, რომელცა ქმნა.

Verse: 17   Link to psa   მიექცეს სალმობაჲ მისი თავსა მისსა და სიცრუვჱ მისი თხემსა მისსა ზედა დაუჴდეს.

Verse: 18   Link to psa   აღუვარო უფალსა სიმართლითა მისითა და უგალობდე სახელსა უფლისა მაღლისასა.



Next part


This text is part of the TITUS edition of Biblia Iberica: Psalterium et Odae e codice Gracensi.

Copyright TITUS Project, Frankfurt a/M, 1.12.2024. No parts of this document may be republished in any form without prior permission by the copyright holder.