TITUS
Biblia Iberica: Psalterium et Odae
Part No. 56
Previous part

Chapter: 56 
Verse: 2  Link to mcat Link to sept Link to armat   მიწყალე მე, ღმერთო, მიწყალე მე, რამეთუ შენ გესავს სული ჩემი, საფარველსა ფრთეთა შენთასა ვესავ, ვიდრემდის წარჴდეს უსჯულოებაჲ.

Verse: 3  Link to mcat Link to sept Link to armat   ჴმა-ვყავ ღმრთისა მიმართ მაღლისა, ღმრთისა ქველის მოქმედისა ჩემისა.

Verse: 4  Link to mcat Link to sept Link to armat   გამოავლინა მაღლით, შემიწყნარა მე და მისცნა საყუედრელად დამთრგუნველნი ჩემნი; გამოავლინა ღმერთმან წყალობაჲ მისი და ჭეშმარიტებაჲ მისი.

Verse: 5  Link to mcat Link to sept Link to armat   და იჴსნა სული ჩემი შორის მჴეცთა, რამეთუ მეძინა მე ზრუნვით; ძენი კაცთანი, კბილნი მათნი ჭურ და ისარ არიან და ენანი მათნი ვითარცა ჴრმალნი ლესულნი.

Verse: 6  Link to mcat Link to sept Link to armat   მაღალ ხარ ცათა შინა ღმერთი და ყოველსა ქუეყანასა ზედა არს დიდებაჲ შენი.

Verse: 7  Link to mcat Link to sept Link to armat   მახე განუმზადეს ფერჴთა ჩემთა და დაამდაბლეს სული ჩემი. თხარეს წინაშე ჩემსა მთხრებლი და იგინივე შთაითხინეს მას.

Verse: 8  Link to mcat Link to sept Link to armat   განმზადებულ არს გული ჩემი შენდამი, ღმერთო, განმზადებულ არს გული ჩემი კურთხევად და გალობად დიდებისა შენისა.

Verse: 9  Link to mcat Link to sept Link to armat   განიღუიძე, დიდებაო ჩემო, განიღჳძე ფსალმუნითა და კურთხევითა და მე განვიღჳძო განთიად.

Verse: 10  Link to mcat Link to sept Link to armat   აღგიარო შენ ერსა შორის, უფალო, და გიგალობდე შენ თესლებსა შორის.

Verse: 11  Link to mcat Link to sept Link to armat   რამეთუ განდიდნა ცამდე წყალობაჲ შენი და ღრუბლამდე არს ჭეშმარიტებაჲ შენი.

Verse: 12  Link to mcat Link to sept Link to armat   მაღალ ხარ ცათა შინა ღმერთი და ყოველსა ქუეყანასა ზედა არს დიდებაჲ შენი.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.