TITUS
Biblia Iberica: Psalterium et Odae
Part No. 55
Previous part

Chapter: 55 
Verse: 2  Link to mcat Link to sept Link to armat   მიწყალე მე, ღმერთო, რამეთუ დამთრგუნა მე კაცმან, მარადღე ბრძოლითა მაჭირეს მე.

Verse: 3  Link to mcat Link to sept Link to armat   და დამთრგუნეს მტერთა ჩემთა მარადღე; რამეთუ განმრავლდეს, რომელნი მბრძოდეს მე მაღლით.

Verse: 4  Link to mcat Link to sept Link to armat   დღისი არა მეშინოდის მე, რამეთუ უფალსა ვესავ.

Verse: 5  Link to sept Link to armat   ღმრთისა მიერ ვაქნე სიტყუანი ჩემნი, ღმერთსა ვესავ, არა მეშინოდის; რაჲ მიყოს მე ჴორციელმან?

Verse: 6  Link to mcat Link to sept Link to armat   მარადღე სიტყუანი ჩემნი მოიძაგნეს და ჩემთჳს იყვნეს ყოველნი ზრახვანი მათნი ბოროტებით.

Verse: 7  Link to mcat Link to sept Link to armat   მწირ იქმნედ იგინი და დაეფარნედ, რამეთუ იგინი ბრჭალსა ჩემსა უმზირდეს, რაჲთამცა უმზირდეს სულსა ჩემსა.

Verse: 8  Link to mcat Link to sept Link to armat   ამისთჳს არარაჲთა აცხოვნენ იგინი და რისხვითა ერი მოსარ, ღმერთო.

Verse: 9  Link to mcat Link to sept Link to armat   ცხორებაჲ ჩემი შენ გითხრა, დავსხნე ცრემლნი ჩემნი შენ წინაშე. ვითარცა აღმითქუ მე.

Verse: 10  Link to mcat Link to sept Link to armat   მაშინ მი[ი]ქცენ მტერნი ჩემნი მართლუკუნ, რომელსა დღესა გხადოდი შენ; აჰა ესერა მიცნობიეს მე, რამეთუ ღმერთი, ღმერთი ჩემი ხარი შენ.

Verse: 11  Link to mcat Link to sept Link to armat   ღმერთი ვაკურთხო სიტყჳთა ჩემითა და უფალი ვაქო თქუმულითა ჩემითა.

Verse: 12  Link to mcat Link to sept Link to armat   ღმერთსა ვესავ, არა შემეშინოს; რაჲ მიყოს მე კაცმან?

Verse: 13  Link to mcat Link to sept Link to armat   შეიწირე აღნათქუემი ჩემი, ღმერთო, რომელ მიგეც შენ ქებისაჲ;

Verse: 14  Link to sept Link to armat   რამეთუ იჴსენ სული ჩემი სიკუდილისაგან, თუალნი ჩემნი ცრემლთაგან და ფერჴნი ჩემნი - ბრკომისაგან, რაჲთა სათნო-ვეყო მე უფალსა წინაშე სოფელსა მას ცხოველთასა.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.