TITUS
Biblia Iberica: Psalterium et Odae
Part No. 51
Previous part

Chapter: 51 
Verse: 3  Link to mcat Link to sept Link to armat   რად-მე იქადინ უკეთურებითა ძლიერი ურჩულოებასა მარადღე?

Verse: 4  Link to mcat Link to sept Link to armat   სიცრუესა ზრახავნ ენაჲ მისი; ვითარცა მახჳლი, აღლესა მან ზაკუვაჲ.

Verse: 5  Link to mcat Link to sept Link to armat   შეიყუარა მან უსჯულოებაჲ უფროჲს სახიერებისა და სიცრუე უფროჲს სიმართლისა სიტყჳსა.

Verse: 6  Link to mcat Link to sept Link to armat   შეიყუარა მან ყოველი სიტყუაჲ დაქცევისაჲ და ენაჲ მზაკუვარი.

Verse: 7  Link to mcat Link to sept Link to armat   ამისთჳს დაამჴუას იგი ღმერთმან სრულიად, აღფხ[უ]რას და განჴადოს იგი საყოფელთაგან თჳსთა და ძირნი მისნი ქუეყანით ცხოველთაჲთ.

Verse: 8  Link to mcat Link to sept Link to armat   იხილონ მართალთა, შეეშინოს, ეცინოდიან მას და თქუან:

Verse: 9  Link to mcat Link to sept Link to armat   აჰა ესერა კაცი, რომელმან არა იყო ღმერთი მწე მისა, არამედ ესვიდა იგი მრავალსა სიმდიდრესა თჳსსა და განძლიერდებოდა იგი მრავლითა უკეთურებითა თჳსითა.

Verse: 10  Link to mcat Link to sept Link to armat   ხოლო მე ვითარცა ზეთის-ხილი მსხმოჲ სახლსა ღმრთისასა, ვესავ მე წყალობასა ღმრთისასა უკუნისამდე და უკუნითი [უკუნისამდე].

Verse: 11  Link to mcat Link to sept Link to armat   აღგიარო შენ უკუნისამდე, რამეთუ ჰყავ; დაუთმე სახელსა შენსა, რამეთუ ტკბილ ხარ წინაშე წმიდათა შენთა.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.