TITUS
Biblia Iberica: Psalterium et Odae
Part No. 52
Previous part

Chapter: 52 
Verse: 2  Link to mcat Link to sept Link to armat   თქუა უგუნურმან გულსა თჳსსა: არა არს ღმერთი. განირყუნეს და შეიგინნეს იგინი უსჯულოებითა მათითა, არავინ არს, რომელმანმცა ქმნა კეთილი.

Verse: 3  Link to mcat Link to sept Link to armat   ღმერთმან ზეცით მოხედნა ყოველთა ზედა ძეთა კაცთასა ხილვად, იყოს თუ ვინმე გულისჴმის-მყოფელ ანუ გამომეძიებელ ღმრთისა.

Verse: 4  Link to mcat Link to sept Link to armat   ყოველნივე მიდრკეს ერთბამად და შეიგინნეს; არავინ არს, რომელი იქმს კეთილსა, არავინ არს მიერთამდე.

Verse: 5  Link to mcat Link to sept Link to armat   არა გულისჴმა-ყვეს ყოველთა, რომელნი იქმან უსჯულოებასა, რომელნი შეშჭამენ ერსა ჩემსა ვითარცა ჭამადსა პურისასა; და ღმერთსა არა ხადეს.

Verse: 6  Link to mcat Link to sept Link to armat   მუნ შეეშინოს მათ შიშით, სადა-იგი არა იყოს შიში, რამეთუ ღმერთმან განაბნინეს ძუალნი კაცთ-მოთნეთანი; ჰრცხუენოდის მათ, რამეთუ ღმერთმან შეურაცხ-ყვნეს იგინი.

Verse: 7  Link to mcat Link to sept Link to armat   ვინ მოსცეს სიონით ცხორებაჲ ისრაელსა? რაჟამს მოაქცევდეს უფალი ტყუესა ერისა თჳსისასა, იხარებდეს იაკობ და იშუებდეს ისრაელი.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.