TITUS
Biblia Iberica: Psalterium et Odae
Part No. 49
Previous part

Chapter: 49 
Verse: 1  Link to mcat Link to sept Link to armat   ღმერთი ღმერთთაჲ უფალი იტყოდა და უწოდა ყოველსა ქუეყანასა მზის აღმოსავალითგან მზის დასავალამდე .

Verse: 2  Link to mcat Link to sept Link to armat   სიონით გამო არს შუენიერებაჲ ჰაეროვნებისა მისისაჲ .

Verse: 3  Link to mcat Link to sept Link to armat   ღმერთი ცხადად მოვიდეს და ღმერთი ჩუენი არა დადუმნეს. ცეცხლი მის წინაშე აღტყდეს და გარემოჲს მისა ნიავქარი ფრიად.

Verse: 4  Link to mcat Link to sept Link to armat   მოუწოდოს ცათა ზესკნელ და ქუეყანასა განკითხვად ერისა თჳსისა,

Verse: 5  Link to mcat Link to sept Link to armat   და შეკრებად მისა ყოველთა წმიდათა მისთა, რომელთა შეწირიან მსხუერპლი აღთქუმისაჲ საკურთხეველსა ზედა.

Verse: 6  Link to mcat Link to sept Link to armat   უთხრობენ ცანი სიმართლესა მისსა, რამეთუ ღმერთი მსაჯულ არს.

Verse: 7  Link to mcat Link to sept Link to armat   ისმინე, ერო ჩემო, გეტყოდი შენ და ისრაელო, გიწამო შენ, რამეთუ ღმერთი, ღმერთი შენი ვარი მე

Verse: 8  Link to mcat Link to sept Link to armat   არა თუ მსხუერპლთა შენთათჳს განგიკითხავ შენ, რამეთუ საკუერთხნი შენნი ჩემ წინაშე არიან მარადის.

Verse: 9  Link to mcat Link to sept Link to armat   არა შევიწირავ მე სახლისა შენისაგან ზუარაკთა, არცა არვისა შენისაგან ვაცთა.

Verse: 10  Link to mcat Link to sept Link to armat   რამეთუ ჩემი არს ყოველი მჴეცი მაღნარისაჲ. ნადირი მთათაჲ და ყოველი პირუტყჳ;

Verse: 11  Link to mcat Link to sept Link to armat   ვიცნი მე მფრინველნი ცისანი, და შუენიერებაჲ ველთაჲ ჩემ თანა არს.

Verse: 12  Link to mcat Link to sept Link to armat   შე-თუ-მემშიოს, არავე შენ გეტყოდი; რამეთუ ჩემი არს ყოველი სოფელი სავსებითურთ მისით.

Verse: 13  Link to sept Link to armat   არა ვჭამ მე ჴორცსა ზუარაკთა შენთასა, არცა სისხლსა ვაცთა შენთასა ვსუამ მე.

Verse: 14  Link to mcat Link to sept Link to armat   შეწირე ღმრთისა მსხუერპლი ქებისაჲ და მიუსრულენ მაღალსა აღნათქუემნი შენნი.

Verse: 15  Link to mcat Link to sept Link to armat   მხადო მე დღესა ჭირისა შენისასა, მე გიჴსნა და შენ მადიდო მე.

Verse: 16  Link to mcat Link to sept Link to armat   ხოლო ცოდვილსა მას ჰრქუა ღმერთმან: აწ შენ ვითარ იტყჳ სიმართლეთა ჩემთა, აღიღებ აღნათქუემთა ჩემთა პირითა შენითა?

Verse: 17  Link to mcat Link to sept Link to armat   შენ ეგერა მოიძულე სწავლულებაჲ, განიშორენ და განსთხიენ ყოველნი სიტყუანი, პირისა ჩემისანი.

Verse: 18  Link to mcat Link to sept Link to armat   იხილი თუ მპარავი, თანა-ურბიოდი მას და მეძავთა თანა დასდვი ნაწილი შენი;

Verse: 19  Link to mcat Link to sept Link to armat   პირმან შენმან განამრავლა უკეთურებაჲ, და ენაჲ შენი ნივთებდა ზაკუვასა;

Verse: 20  Link to mcat Link to sept Link to armat   ჰშჯდი და ძმისა შენისათჳს ბოროტსა იტყოდი, და ძისათჳს დედისა შენისა დასდვი საცთური.

Verse: 21  Link to mcat Link to sept Link to armat   ესე ყოველი ჰყავ და დაგიდუმე შენ, ჰგონებ სამე, ურჩულოო, გულსა შენსა, ვითარმცა შენვე გემსგავსე; აწ შეგატყუა და წარმოგიდგინო ესე ყოველი შენ წინაშე.

Verse: 22  Link to mcat Link to sept Link to armat   გულისჴმა-ყავთ ყოველთა, რომელთა დაიგვიწყებიეს ღმერთი, ნუუკუე წარ-სადა-ვინმე-გიტაცნეს თქუენ და არავინ იყოს მჴსნელ თქუენდა.

Verse: 23  Link to mcat Link to sept Link to armat   მსხუერპლმან ქებისამან მადიდოს მე, და მუნ არს გზაჲ, სადა უჩუენო მათ მაცხოვარებაჲ ჩემი.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.