TITUS
Biblia Iberica: Psalterium et Odae
Part No. 39
Previous part

Chapter: 39 
Verse: 2  Link to mcat Link to sept Link to armat   თმენით დაუთმე უფალსა, მომხედა მე და ისმინა ლოცვისა ჩემისაჲ.

Verse: 3  Link to mcat Link to sept Link to armat   აღმომიყვანა მე მგჳმისაგან გლახაკებისა, თიჴისაგან და უყისა; დაამტკიცნა კლდესა ზედა ფერჴნი ჩემნი და წარჰმართნა სლვანი ჩემნი.

Verse: 4  Link to mcat Link to sept Link to armat   აღ[ა]ვსო პირი ჩემი გალობითა ახლითა; ქებაჲ ღმრთისა ჩემისაჲ იხილეს მრავალთა, შე[ე]შინა და ესვიდეს უფალსა.

Verse: 5  Link to mcat Link to sept Link to armat   ნეტარ არს კაცი, რომლისა სახელი უფლისაჲ სასო მისა არს, არა მიხედნა მან ცუდსა, არცა უცნებასა ტყუილისასა.

Verse: 6  Link to mcat Link to sept Link to armat   მრავალ ჰყავ შენ, უფალო ღმერთო ჩემო, საკჳრველი შენი, და ზრახვასა შენსა არა არს, ვინ გემსგავსოს შენ; უთხარ და ვიტყოდე, და განმრავლდეს უფროჲს რიცხჳსა.

Verse: 7  Link to mcat Link to sept Link to armat   შესაწირავი და მსხუერპლი (!) არა გთნდა, ხოლო ჴორცნი დამამტკიცენ მე. საკუერთხი ცოდვათათჳს არა ითხოვე.

Verse: 8  Link to mcat Link to sept Link to armat   მაშინ სთქუ: აჰა ესერა მოვალ, თავსა წიგნთასა წერილ არს ჩემთჳს.

Verse: 9  Link to mcat Link to sept Link to armat   ყოფად ნებისა შენისა, ღმერთო ჩემო, ვინებე, და შჯული შენი შუა მუცელსა ჩემსა.

Verse: 10  Link to mcat Link to sept Link to armat   ვახარე სიმართლე შენი კრებულსა შორის დიდძალსა; აჰა ესერა ბაგენი ჩემნი არა დავიპყრენ. უფალო, შენ უწყი:

Verse: 11  Link to mcat Link to sept Link to armat   სიმართლე შენი არა დავფარე, გულსა ჩემსა ჭეშმარიტებაჲ შენი და მაცხოარებაჲ შენი ვთქუ; არა დავფარე წყალობაჲ შენი და ჭეშმარიტებაჲ შენი კრებულსა შორის დიდძალსა.

Verse: 12  Link to mcat Link to sept Link to armat   ხოლო შენ, უფალო, ნუ განმაშორებ წყალობასა შენსა ჩემგან; წყალობამან შენმან და ჭეშმარიტებამან შენმან მარადის შემიწყნარა მე.

Verse: 13  Link to mcat Link to sept Link to armat   რამეთუ მომიცვეს მე ბოროტთა, და რომელთაჲ არა იყო რიცხუ; მეწინეს მე უსჯულოებანი ჩემნი და მე ვერ მეძლო აღხილვად; განმიმრავლდეს მე უფროჲს თმათა თავისა ჩემისათა და გულმან ჩემმან დამიტევა მე.

Verse: 14  Link to mcat Link to sept Link to armat   გინდინ, უფალო, ჴსნაჲ ჩემი; უფალო, შეწევნად ჩემდა მომხედენ.

Verse: 15  Link to mcat Link to sept Link to armat   ჰრცხუენოდენ და კდემებოდენ თანად, რომელნი ეძიებდეს სულსა ჩემსა მიღებად მას; მართლუკუნ იქცენ და სირცხჳლეულ იქმნენ, რომელნი ზრახვიდეს ჩემთჳს ძუირსა.

Verse: 16  Link to mcat Link to sept Link to armat   შეიმოსედ მეყსეულად სირცხჳლი და კდემაჲ, რომელნი მეტყოდეს მე. ვაშა, ვაშა!

Verse: 17  Link to mcat Link to sept Link to armat   გალობდენ და იხარებდენ შენდამი ყოველნი რომელნი გეძიებდენ შენ, უფალო. თქუედ მარადის. დიდ არს ღმერთი! რომელთა უყუარს მაცხოვარებაჲ შენი.

Verse: 18  Link to mcat Link to sept Link to armat   ხოლო მე გლახაკ, და დავრდომილ ვარი მე, ღმერთო, იღუაწე ჩემთჳს; შემწე და შესავედრებელი ჩემი ხარი შენ, ღმერთო ჩემო, ნუ მაყოვნებ.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.