TITUS
Biblia Iberica: Psalterium et Odae
Part No. 33
Previous part

Chapter: 33 
Verse: 2  Link to mcat Link to sept Link to armat   ვაკურთხოთ უფალი ყოველსა ჟამსა, მარადის ქებაჲ მისი პირსა ჩუენსა.

Verse: 3  Link to mcat Link to sept Link to armat   უფლისა მიერ იქოს სული ჩუენი, ესმოდის მშჳდთა და იხარებდენ.

Verse: 4  Link to mcat Link to sept Link to armat   განვადიდოთ უფალი ჩუენ თანა და ავამაღლოთ სახელი მისი თანად.

Verse: 5  Link to mcat Link to sept Link to armat   გამოვიძიოთ უფალი, ისმინოს ჩუენი და ყოველთა ჭირთა ჩუენთაგან გჳჴსნეს ჩუენ.

Verse: 6  Link to mcat Link to sept Link to armat   მოედით უფლისა, მიიღეთ ნათელი, და პირთა თქუენთა არა ჰრცხუენეს.

Verse: 7  Link to mcat Link to sept Link to armat   ამან გლახაკმან ჴმა-ყო უფლისა მიმართ; უფალმან ისმინა მისი და ყოველთა ჭირთა მისთაგან იჴსნა იგი.

Verse: 8  Link to mcat Link to sept Link to armat   ბანაკი ანგელოზთა უფლისათა[ჲ] გარემოადგს მოშიშთა მისთა და იჴსნეს იგინი.

Verse: 9  Link to mcat Link to sept Link to armat   განიცადეთ და იხილეთ, რამეთუ ტკბილ არს უფალი; ნეტარ არს კაცი, რომელი ესავს მას.

Verse: 10  Link to mcat Link to sept Link to armat   გეშინოდენ უფლისა ყოველთა წმიდათა მისთა, რამეთუ არა არს ნაკლულევანებაჲ მოშიშთა მისთა.

Verse: 11  Link to mcat Link to sept Link to armat   მდიდარნი დაგლახაკდეს, შეემშია, ხოლო რომელნი ესვენ უფალსა, არა ნაკლულევან იქმნენ ყოვლისაგან კეთილისა.

Verse: 12  Link to mcat Link to sept Link to armat   მოვედით, შვილნო, ისმინეთ ჩემი, და შიში უფლისაჲ გასწაო თქუენ.

Verse: 13  Link to mcat Link to sept Link to armat   ვინ არს კაც, რომელსა ჰნებავს ცხორებაჲ და უყუარან მას ხილვად დღენი კეთილისანი?

Verse: 14  Link to mcat Link to sept Link to armat   დააცხრვე ენაჲ შენი ბოროტისაგან და ბაგენი შენნი ნუ იტყჳან ზაკუვასა;

Verse: 15  Link to mcat Link to sept Link to armat   მოიქეც ბოროტისაგან, ქმენ კეთილი, მოიძიე მშჳდობაჲ და მისდევდი მას.

Verse: 16  Link to mcat Link to sept Link to armat   თუალნი უფლისანი მართალთა ზედა და ყურნი მისნი ლოცვათა მათთა ზედა;

Verse: 17  Link to mcat Link to sept Link to armat   პირი უფლისაჲ მოქმედთა ზედა ძჳრისათა მოსპოლვად ქუეყანით საჴსენებელი მათი.

Verse: 18  Link to mcat Link to sept Link to armat   ჴმობდეს მართალნი უფლისა მიმართ, უფალმან ისმინა მათი და ყოველთა ჭირთა მათთაგან იჴსნნა იგინი.

Verse: 19  Link to mcat Link to sept Link to armat   მახლობელ არს უფალი მათდა, რომელნი განკაფულ არიან გულითა და მდაბალნი სულითა აცხოვნნეს.

Verse: 20  Link to mcat Link to sept Link to armat   მრავალ არს ჭირი მართლისაჲ და ყოვლისავე მისგან იჴსნეს იგი უფალმან.

Verse: 21  Link to mcat Link to sept Link to armat   უფალმან დაიცვნეს ყოველნი ძუალნი მათნი და ერთიცა მათგანი არა შეიმუსროს.

Verse: 22  Link to mcat Link to sept Link to armat   სიკუდილი ცოდვილთათჳს ბოროტ არს, ხოლო რომელთა სძულდეს მართალი, მათ ინანონ.

Verse: 23  Link to mcat Link to sept Link to armat   იცვნეს უფალმან სულნი წმიდათა მისთანი და არა ინანონ ყოველთა, რომელნი ესვენ მას.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.