TITUS
Biblia Iberica: Psalterium et Odae
Part No. 32
Previous part

Chapter: 32 
Verse: 1  Link to mcat Link to sept Link to armat   იხარებდით მართალნი უფლისა მიმართ, და წრფელთა ჰშუენის ქებაჲ.

Verse: 2  Link to mcat Link to sept Link to armat   აღუვარებდით უფალსა კურთხევითა, ქებითა ათძალითა მით საფსალმუნისაჲთა უგალობდით მას.

Verse: 3  Link to mcat Link to sept Link to armat   აქებდით უფალსა ქებითა ახლითა, კეთილად უგალობდით მას კურთხევითა.

Verse: 4  Link to mcat Link to sept Link to armat   რამეთუ წრფელ არს სიტყუაჲ უფლისაჲ და ყოველნი საქმენი მისნი სარწმუნოებით არიან;

Verse: 5  Link to mcat Link to sept Link to armat   უყუარს წყალობაჲ და სამართალი უფალსა, წყალობითა უფლისაჲთა სავსე არს ქუეყანაჲ.

Verse: 6  Link to mcat Link to sept Link to armat   სიტყჳთა უფლისაჲთა ცანი დაემტკიცნეს და სულითა პირისა მისისაჲთა -- ყოველი ძალი მათი.

Verse: 7  Link to mcat Link to sept Link to armat   შეჰკრებს იგი, ვითარცა თხიერთა, წყალთა ზღჳსათა, დასხამს საუნჯეთა უფსკრულთასა.

Verse: 8  Link to mcat Link to sept Link to armat   გეშინოდენ უფლისა ყოველსა ქუეყანასა და მისგან შეძრწუნდით ყოველნი დამკუიდრებულნი სოფლისანი.

Verse: 9  Link to mcat Link to sept Link to armat   რამეთუ მან თქუა და იქმნეს, თავადმან ბრძანა და დაებადნეს.

Verse: 10  Link to mcat Link to sept Link to armat   უფალმან განაქარვის ზრახვაჲ წარმართთაჲ, შეურაცხ-ყვის უფალმან ზრახვაჲ ერისაჲ და შეურაცხ-ყვნის უფალმან ზრახვანი იგი მთავართანი.

Verse: 11  Link to mcat Link to sept Link to armat   ხოლო ზრახვაჲ უფლისაჲ უკუნისამდე ჰგიეს და გულისჴმაჲ გულისა მისისაჲ - თესლითი თესლამდე.

Verse: 12  Link to mcat Link to sept Link to armat   ნეტარ არს იგი ნათესავი, რომლისა უოალი ღმერთი შემწე არს მისა, ერი, რომელ გამოირჩია სამკჳდრებელად თჳსა.

Verse: 13  Link to mcat Link to sept Link to armat   ზეცით მოხედნა უფალმან ყოველთა ზედა ძეთა კაცთასა.

Verse: 14  Link to mcat Link to sept Link to armat   განმზადებულით სამკჳდრებელიო თჳსით მოხედნა უფალმან ყოველთა დამკჳდრებულთა სოფლისათა,

Verse: 15  Link to mcat Link to sept Link to armat   რომელმან დაჰბადნა მხოლომან გულნი მათნი, რომელმან გულისხმა-ყვნა ყოველნი ზრახვანი მათნი.

Verse: 16  Link to mcat Link to sept Link to armat   არა განერეს მეფე მრავლითა ერითა თჳსითა, არცა გმირი დიდითა ძალითა თჳსითა.

Verse: 17  Link to mcat Link to sept Link to armat   წყუვინ ცხენი განრინებად, დიდითა ძალითა თჳსითა ვერ განარინოს მჴედარი.

Verse: 18  Link to mcat Link to sept Link to armat   თუალნი უფლისანი მოშიშთა მისთა ზედა, რომელნი ესვენ წყალობათა მისთა,

Verse: 19  Link to mcat Link to sept Link to armat   ჴსნად სიკუდილისაგან სულთა მათთა და გამოზრდად მათდა სიყმილსა.

Verse: 20  Link to mcat Link to sept Link to armat   სულმან ჩემმან დაუთმენ უფალსა, რამეთუ მწე და მფარველ არს იგი ჩემდა;

Verse: 21  Link to mcat Link to sept Link to armat   რამეთუ მისა მიმართ იხარებდეს გული ჩემი და სახელსა წმიდასა მისსა ესვიდეს.

Verse: 22  Link to mcat Link to sept Link to armat   იყავნ, უფალო, წყალობაჲ შენი ჩუენ ზედა, ვითარცა ჩუენ გესავთ შენ.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.