TITUS
Biblia Iberica: Psalterium et Odae
Part No. 28
Previous part

Chapter: 28 
Verse: 1  Link to mcat Link to sept Link to armat   შესწირევდით უფლისა შვილნი ღმრთისანი, შესწირევდით უფლისა შვილთა ვერძთასა; შესწირევდით უფლისა დიდებასა და პატივსა.

Verse: 2  Link to mcat Link to sept Link to armat   შესწირევდით უფლისა დიდებად სახელსა წმიდასა მისსა. თაყუანის-ეცით უფალსა ეზოსა წმიდასა მისსა.

Verse: 3  Link to mcat Link to sept Link to armat   ჴმაჲ უფლისაჲ წყალთა ზედა, ღმერთი დიდებისაჲ ქუხდა, უფალი წყალთა ზედა მრავალთა.

Verse: 4  Link to mcat Link to sept Link to armat   ჴმაჲ უფლისაჲ წყალთა ზედა ძლიერებით და დიდად შუენიერებით.

Verse: 5  Link to mcat Link to sept Link to armat   ჴმამან უფლისამან შემუსრნის ნაძუნი, შემუსრნის უფაიმან ნაძუნი იგი ლიბანისანი.

Verse: 6  Link to mcat Link to sept Link to armat   დაამწულილნეს იგინი, ვითარცა ახალნერგნი ლიბანისანი; და რომელი საყუარელ არს, ვითარცა შვილი მარტორქისაჲ.

Verse: 7  Link to mcat Link to sept Link to armat   ჴმამან უფლისამან განკუეთის ალი ცეცხლისაჲ.

Verse: 8  Link to mcat Link to sept Link to armat   ჴმამან უფლისამან შეძრის უდაბნოჲ და შეაძრწუნის უფალმან უდაბნოჲ იგი კადისაჲ.

Verse: 9  Link to mcat Link to sept Link to armat   ჴმამან უფლისამან განამტკიცნის ირემნი, განაცხადნის მაღნარნი; ტაძარსა მისსა, და თქუას ყოველმან ერმან დიდებაჲ მისი.

Verse: 10  Link to mcat Link to sept Link to armat   უფალმან წყალი რღუნისაჲ დაამშუიდის, დააწყნარის; დაჯდეს უფალი მეუფედ უკუნისამდე.

Verse: 11  Link to mcat Link to sept Link to armat   უფალმან ძალი ერსა თჳსსა მოსცეს, უფალმან აკურთხოს ერი თჳსი მშჳდობით.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.