TITUS
Biblia Iberica: Psalterium et Odae
Part No. 27
Previous part

Chapter: 27 
Verse: 1  Link to mcat Link to sept Link to armat   შენდამი, უფალო, ჴმა-ვყავ; ღმერთო ჩემო, ნუ დასდუმნები ჩემგან, ნუცა დაიდუმო ჩემი და ვემსგავსო მათ, რომელნი შთავლენან მღჳმესა.

Verse: 2  Link to mcat Link to sept Link to armat   ისმინე, უფალო, ჴმაჲ ლოცვისა ჩემი საჲ, რაჟამს ვილოცვიდე მე შენდამი, აპყრობასა ჴელთა ჩემთასა ტაძარსა წმიდასა შენსა.

Verse: 3  Link to mcat Link to sept Link to armat   ნუ შემრაცხებ მე ცოდვილთა თანა და მოქმედთა თანა უშჯულოებისათა ნუსადა წარმწყმედ მე, რომელნი იტყჳან მშჳდობასა მოყუსისა თჳსისა, ხოლო უკეთურებაჲ არნ გულსა მათსა;

Verse: 4  Link to mcat Link to sept Link to armat   მიაგე მათ საქმითა მათითა და უკეთურებითა სლვისა მათისაჲთა მიაგე მათ; საქმითა ჴელთა მათთაჲთა მიაგე მისაგებელი მათი მათვე.

Verse: 5  Link to mcat Link to sept Link to armat   რამეთუ არა გულისსმა-ყვნეს მათ საქმენი ღმრთისანი, არცა ქმნულსა ჴელთა მისთასა მიხედეს, დაამჴუენ იგინი, რაჲთა არა აგვშჱნნენ.

Verse: 6  Link to mcat Link to sept Link to armat   კურთხეულ არს უფალი, რამეთუ ისმინა უფალმან ჴმაჲ ლოცვისა ჩემისაჲ.

Verse: 7  Link to mcat Link to sept Link to armat   უფალი შემწე ჩემდა და მფარველ ჩემდა; მას ესვიდა გული ჩემი და შემეწია მე, მხიარულ იყვნენ ჴორცნი ჩემნი, და მე ნებითა ჩემითა აუვარო მას.

Verse: 8  Link to mcat Link to sept Link to armat   უფალი ძალ არს ერისა თჳსისა და შესავედრებელ არს იგი ცხორებად ცხებულისა თჳსისა.

Verse: 9  Link to mcat Link to sept Link to armat   აცხოვნე, უფალო, ერი შენი და აკურთხე სამკჳდრებელი შენი. დაამწყსენ და აღამაღლენ იგინი უკუნისამდე.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.