TITUS
Biblia Iberica: Psalterium et Odae
Part No. 26
Previous part

Chapter: 26 
Verse: 1  Link to mcat Link to sept Link to armat   უფალი ნათელ ჩემდა და მაცხოვარ ჩემდა; მე ვისგან მეშინოდის? უფალი შესავედრებელ არს ცხორებისა ჩემისა; მე ვისგან შევძრწუნდე?

Verse: 2  Link to mcat Link to sept Link to armat   მოხებასა ჩემ ზედა უკეთურთასა შეჭამად ჴორცთა ჩემთა, მაჭირებელნი ჩემნი და მტერნი ჩემნი - იგინი მოუძლურდეს და დაეცნეს.

Verse: 3  Link to mcat Link to sept Link to armat   გან-თუ-ეწყოს ჩემ ზედა ერი, არა შეეშინოს გულსა ჩემსა, აღ-თუ-დგეს ჩემ ზედა ბრძოლაჲ, ამისთჳსცა მე შენ გესავ.

Verse: 4  Link to mcat Link to sept Link to armat   ერთ ვითხოე უფლისაგან და ამასცა ვილოცავ: დამკჳდრებად ჩემდა სახლსა უფლისასა ყოველთა დღეთა ცხორებისა ჩემისათა. ხილვად ჩემდა შუენიერებაჲ უფლისაჲ და ფლობილებაჲ ტაძრისა მისისაჲ.

Verse: 5  Link to mcat Link to sept Link to armat   რამეთუ დამფარა მე კარავსა მისსა დღესა ბოროტსა, შემივედრა მე საფარველსა კარვისა მისისა, კლდესა ზედა ამამაღლა მე.

Verse: 6  Link to mcat Link to sept Link to armat   აწ ესერა ამაღლდა თავი ჩემი ზედა მტერთა ჩემთა; გარე-მოვადგე კარავსა მისსა, შევწირო მსხუერპლი ქებისაჲ, ვაკურთხევდე და უგალობდე უფალსა.

Verse: 7  Link to mcat Link to sept Link to armat   ლსმინე, უფალო, ჴმაჲ ლოცვისა ჩემისაჲ, რომლითა ღაღად-ვყ[ავ] შენდამი, მიწყალე მე და ისმინე ჩემი.

Verse: 8  Link to mcat Link to sept Link to armat   შენ გრქუა გულმან ჩემმან, ვეძიებ პირსა შენსა, უფალო.

Verse: 9  Link to mcat Link to sept Link to armat   ნუ გარე-მიიქცევ პირსა შენსა ჩემგან და ნუ მიიქცევ რისხვით მონისა შენისაგან. შემწე ჩემდა იყავ, ნუ შეურაცხ-მყოფ და ნუ დამაგდებ მე, ღმერთო, მაცხოვარო ჩემო.

Verse: 10  Link to mcat Link to sept Link to armat   რამეთუ მამამან ჩემმან და დედამან ჩემმან დამაგდეს, ხოლო უფალმან შემიწყნარა მე.

Verse: 11  Link to mcat Link to sept Link to armat   შჯულიერ მყავ მე, უფალო, გზათა შენთა და მიძეღუ მე ალაგთა შენთა წრფელთა მტერთა ჩემთათჳს.

Verse: 12  Link to mcat Link to sept Link to armat   ნუ მიმცემ მე ჴელთა მაჭირებელთა ჩემთასა, რამეთუ აღდგეს ჩემ ზედა მოწამენი სიცრუვისანი და ტყუოდეს უშჯულოებითა მათითა.

Verse: 13  Link to mcat Link to sept Link to armat   მრწმენა მე ხილვად კეთილი უფლისაჲ ქუეყანასა მას ცხოველთასა.

Verse: 14  Link to mcat Link to sept Link to armat   დაუთმე უფალსა; მჴნე იყავნ გული ჩემი და განძლიერდინ, დაუთმენ უფალსა.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.