TITUS
Biblia Iberica: Psalterium et Odae
Part No. 25
Previous part

Chapter: 25 
Verse: 1  Link to mcat Link to sept Link to armat   მისაჯე მე, უფალო, რამეთუ მე უბიწოებითა ჩემითა ვიდოდე; უფალსა ვესავ, რაჲთა არა მოუძლურდე.

Verse: 2  Link to mcat Link to sept Link to armat   განმცადე მე, უფალო, და განმიკითხე, გამოცადე გული ჩემი და თირკუმელნი ჩემნი.

Verse: 3  Link to mcat Link to sept Link to armat   რამეთუ წყალობაჲ შენი წინაშე თუალთა ჩემთა არს მარადის და სათნო-ვეყო მე ჭეშმარიტებასა შენსა.

Verse: 4  Link to mcat Link to sept Link to armat   არა დავჯდე მე საჯდომელსა ამაოთასა და უშჯულოთა თანა მე არა შევიდე.

Verse: 5  Link to mcat Link to sept Link to armat   მოვიძულო მე კრებული უკეთურთაჲ და უღმრთოთა თანა მე არა დავდგე.

Verse: 6  Link to mcat Link to sept Link to armat   დავიბანენ სიწმიდითა ჴელნი ჩემნი და გარე-მოვადგე საკუთხეველსა შენსა, უფალო;

Verse: 7  Link to mcat Link to sept Link to armat   სმენად ჴმაჲ ქებისა შენისაჲ, უფალო, მითხრობად ყოველი საკჳრველებაჲ შენი.

Verse: 8  Link to mcat Link to sept Link to armat   უფალო, შევიყუარე შუენიერებაჲ სახლისა შენისაჲ და ადგილი საყოფელი დიდებისა შენისა[ჲ].

Verse: 9  Link to mcat Link to sept Link to armat   ნუ წარსწყმედ უღმრთოთა თანა სულსა ჩემსა და კაცთა მოსისხლეთა თანა ცხორებასა ჩემსა.

Verse: 10  Link to mcat Link to sept Link to armat   რომელთანი ჴელნი მათნი უშჯულოებასა შინა არიან მარადის და მარჯუენაჲ მათი სავსე არს ქრთამითა.

Verse: 11  Link to mcat Link to sept Link to armat   ხოლო მე უბიწოებითა ჩემითა ვიდოდი; მიჴსენ მე, უფალო, და მიწყალე მე.

Verse: 12  Link to mcat Link to sept Link to armat   ფერჴნი ჩემნი დადგეს სიწრფელესა, ეკლესიასა შინა გაკურთხევდე შენ, უფალო.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.