TITUS
Biblia Iberica: Psalterium et Odae
Part No. 22
Previous part

Chapter: 22 
Verse: 1  Link to sept Link to armat   უფალმან მმწყსოს მე და მე არაჲ მაკლდეს .

Verse: 2  Link to mcat Link to sept Link to armat   ადგილსა მწუანვილსა მუნ დამამკუიდროს მე; წყალთა ზედა განსასუენებელთასა მუნ გამომზარდოს მე.

Verse: 3  Link to mcat Link to sept Link to armat   მოაქციე სული ჩემი ჩემდა და მიძღოდე მე გზათა სიმართლისა შენისათა სახელისა შენისათჳს, უფალო.

Verse: 4  Link to mcat Link to sept Link to armat   ვიდოდი ღათუ შორის აჩრდილთა სიკუდილისათა, არა შემეშინოს მე ბოროტისაგან, რამეთუ შენ, უფალი, ჩემ თანა ხარ; კუერთხმან შენმან და არგანმან შენმან მათგან ნუგეშინის-მცეს მე.

Verse: 5  Link to mcat Link to sept Link to armat   განჰმზადე წინაშე ჩემსა ტაბლაჲ საშურებელად მაჭირებელთა ჩემთა; ჰსცხე ზეთი თავსა ჩემსა და სასუმელმან შენმან დამათრო მე ვითარცა ურწყულმან.

Verse: 6  Link to mcat Link to sept Link to armat   წყალობაჲ შენი, უფალო, თანა-მავალ მეყავნ ჩუენ ყოველთა დღეთა ცხორებისა ჩუენისათა, დამკჳდრებად ჩუენდა სახლსა უფლისასა განსაგრძობელად დღეთა.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.