TITUS
Biblia Iberica: Psalterium et Odae
Part No. 18
Previous part

Chapter: 18 
Verse: 2  Link to mcat Link to sept Link to armat   ცანი უთხრობენ დიდებასა ღმრთისასა და დაბადებულსა ქმნულსა ჴელთა მისთასა სამყაროჲ.

Verse: 3  Link to mcat Link to sept Link to armat   დღე დღესა აუწყებს სიტყუასა და ღამე ღამესა მიუთხრობს მეცნიერებასა,

Verse: 4  Link to mcat Link to sept Link to armat   არა არიან თქუმულ, არცა სიტყუა ყოველთა, რომელთაჲ-იგი არა ისმის ჴმაჲ მათი.

Verse: 5  Link to mcat Link to sept Link to armat   ყოველსა ქუეყანასა განჴდა ჴმაჲ მათი და კიდეთა სოფლისათა - სიტყუანი მათნი.

Verse: 6  Link to mcat Link to sept Link to armat   მზესა აღუდგა კარავი თჳსი; თავადი იგი ვითარცა სიძე რაჲ გამოვალნ ეზოჲთ თჳსით, იხარებდეს იგი, ვითარცა გმირი სრბად გზასა.

Verse: 7  Link to mcat Link to sept Link to armat   ცის კიდითგან არს გამოსავალი მისი და მიწევნაჲ მისი ვიდრე კიდედ მისდამდე; არა არს ვინ დაეფაროს სიცხესა მისსა.

Verse: 8  Link to mcat Link to sept Link to armat   შჯული უფლისაჲ უბიწო არს და მოაქცევს სულთა; წამებანი უფლისანი სარწმუნო არიან და გონიერ ყვნიან ყრმანი.

Verse: 9  Link to mcat Link to sept Link to armat   სიმართლენი უფლისანი წრფელ არიან და ახარებენ გულთა; მცნებანი უფლისანი მბრწყინვალე არიან და განანათლებენ თუალთა.

Verse: 10  Link to mcat Link to sept Link to armat   შიში უფლისაჲ წმიდა არს და ჰგიეს იგი უკუნისამდე; განკითხვანი უფლისანი ჭეშმარიტებით არიან და მართალ ერთბამად.

Verse: 11  Link to mcat Link to sept Link to armat   გული[ს]-სათქუმელ არიან იგინი უფროჲს ოქროჲსა და ანთრაკისა პატიოსნისა მრავლისა, უტკბილეს არიან იგინი უფროჲს თაფლისა მის გოლეულისა.

Verse: 12  Link to mcat Link to sept Link to armat   რამეთუ მონამანცა მისმან იცვას ესე, ხოლო დაცვასა მისსა მოსაგებელ მრავალ.

Verse: 13  Link to mcat Link to sept Link to armat   შეცოდებანი თჳსნი ვინ-მე გულისხმა-ყვნეს? საიდუმლოთა ჩემთაგან განმწმიდე მე

Verse: 14  Link to mcat Link to sept Link to armat   და უცხოთა შეცოდებათაგან იცევ მონაჲ შენი; არა თუ მეუფლნენ, მაშინ უბიწო ვიყო მე და განვწმდე მე ცოდვისაგან დიდისა.

Verse: 15  Link to mcat Link to sept Link to armat   იყვნენ შენდა სათნო სიტყუანი პირისა ჩემისანი და ზრახვანი გულისა ჩემისანი შენ წინაშე მარადის, უფალო, მწეო ჩემო და მჴსნელო ჩემო.


Next part


This text is part of the TITUS edition of Biblia Iberica: Psalterium et Odae.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.