დაჰბერეთ ნესტუსა სიონს შინა. ქადაგებდით მთასა წმიდასა ჩემსა, და შეკრბედ ყოველნი დამკჳდრებულნი ქუეყანისანი, რამეთუ მოწევნულ არს დღჱ იგი უფლისაჲ, რამეთუ ახლოს არს
დღჱ ბნელისაჲ და წყუდიადისაჲ, დღჱ ღრუბლისაჲ და ნისლისაჲ, ვითარცა ცისკარი მოეფინოს მთათა ზედა ერი მრავალი და ძლიერი, მსგავსი მისი არა იყო საუკუნითგან, და მისა შემდგომად არა შეეძინოს. ვიდრე წლადმდე თესლითი თესლად.
წინაშე მისა ცეცხლ განმლეველ, და უკუანა კერძო მისა აღატყდეს ალი, ვითარცა სამოთხჱ [საშუე]ბლისაჲ ქუეყანაჲ [წინაშე პი]რსა მისსა, და შე[მდგომად მისა] ველ განრყუნილ[ების], და განრინებული არა იყოს მისგან.
ვითარცა ხილვაჲ ჰუნეთაჲ ხილვაჲ მათი, და ვითარცა მჴედარნი ეგრე სდევნიდენ.
ვითარცა ჴმაჲ ეტლებისაჲ თხემთა ზედა მთათასა ხლდებოდიან, და ვითარცა ჴმაჲ ალისა ცეცხლისაჲ, რომელი შეშჭამნ ლერწამსა, და ვითარცა ერი მრავალი <და> ძლიერი განწყობილი ბრძოლად .
წინაშე პირსა მისსა შეიმუსრნან ერნი. ყოველი პირი ვითარცა ქოთნასაჲ სიცხითა,
და ვითარცა მბრძოლნი რბიოდიან, და ვითარცა კაცნი მბრძოლნი აღჴდენ ზღუდესა, და <აწ> კაცად-კაცადი გზასა თჳსსა წარვიდეს, და არა მიაქცი/ონ Page of ms. J: B4v ალაგთა მათთა [გან.
და] კაცად-კაცადი ძმისა [გან თჳსის]ა და მოყუსი[სა] არა განეშ[ოროს. დ]ამძიმებულ[ნი საჭუ]რველითა მათითა ვიდოდიან, და ისრებითა მათითა დაეცნენ, და არა მოესრულნენ.
ქალაქსა შეევედრნან, და ზღედეთა ზედა რბიოდიან, სახლებსა ზედა აღვიდენ, და სარკუმლებით შევიდენ ვითარცა მპარავნი.
წინაშე პირსა მისსა დაეპშას ქუეყანაჲ, და შეიძრას ცაჲ, მზჱ და მთოვარჱ დაბნელდენ, და ვარსკულავთა დაიფარონ ნათელი თჳსი.
და უფალმან მოსცეს ჴმაჲ თჳსი წინაშე პირსა ძლიერებისა მისისასა, რამეთუ დიდ არს ფრიად ბანაკი მისი, რამეთუ ძლიერ არს საქმჱ სიტყუათა მისთაჲ, რამეთუ დიდ არს დღჱ იგი უფლისაჲ. დიდ არს, და გამოჩინებულ ფრიად, და ვინ მე იყოს შემძლებელ მისა.
და აწ იტყჳს უფალი ღმერთი თქუენი, მოიქეცით ჩემდა ყოვლითა გულითა თქუენითა, და მარხვითა, და ტირილითა, და ტყებითა.
და დაიჴენით გულნი თქუენნი, და ნუ სამოსელნი <თქუენნი>, და მოიქეცით უფლისა ღმრთისა თქუენისა, რამეთუ მოწყალე და შემწყნარებელ არს, სულ-გრძელ და დიდად მოწყალე; და შეინანის ბოროტის-ყოფისათჳს.
ვინ უწყის, უკუეთუ მოიქცეს, და შეინანოს, და დაუტეოს შემდგომად მისა კურთხევაჲ მსხუერპლი, და შესაწირავი უფალსა ღმერთსა ჩუენსა.
დაჰბერეთ Page of ms. O: 380r ნესტუსა სიონს შინა, წმიდა ყავთ/ [მარხვაჲ; ქადაგებდით მსახურებასა.
შეკრიბეთ ერი, წმიდა ყავთ ეკლესიაჲ; გამოირჩიენით მოხუცებულნი, და შემოკრიბენით ჩჩჳლნი მწოვარნი ძუძუთანი; გამოვედინ სიძჱ სასუენებელით თჳსით, და სძალი სასძლოჲთ თჳსით.
და შორის ხარისხსა საკურთხეველისასა ტიროდენ მღდელნი, რომელნი ჰმსახურებენ უფალსა; და იტყოდედ; ულხინე უფალო, ერსა შენსა, და ნუ მისცემ სამკჳდრებელსა შენსა საყუედრელად, რაჲთა არა ჰმთავრობდენ წარმართნი, რაჲთა ნუ უკუე თქუან წარმართთა, სადა არს ღმერთი იგი მათი.
და შეიშურა უფალმან ქუეყანისა მისთჳს, და ჰრ<ი>და ერსა თჳსსა.
და მიუგო უფალმან ერსა თჳსსა, და ჰრქუა მას; აჰა ესერა მე გამოგივლინო თქუენ იფქლი და ღჳნოჲ და ზეთი, და განსძღეთ მითა, და არღარა მიგცნე თქუენ საყუედრელად წარმართთა შორის.
და ჩრდილოჲსანი იგი განვდევნნე თქუენგან, და განვჴადნე იგი ურწყულსა, და განვრყუნე პირი მისი ზღუასა მას პირველსა, და შემდგომი მისი ზღუა<სა> მას უკუანაჲსკნელსა, და Page of ms. J: B4v აღვიდოდის სიხენეშჱ მისი, და აღვიდოდის მყრალობაჲ მისი,/ რამეთუ განდიდნეს საქმენი მისნი.
ნუ გეშინინ ქუეყანაო; გიხაროდენ და მხიარულ იყავ, რამეთუ განადიდა უფალმან ყოფაჲ.
ნუ გეშინინ საცხოვართა ველისათა, რამეთუ მწუანჱ გამოიღეს ველთა უდაბნოჲსათა, და ხემან გამოიღო ნაყოფი თჳსი, ლეღუმან და ვენაჴმან მოსცეს ძალი თჳსი.
და შვილთა სიონისათა გიხაროდენ და მხიარულ იყვენით უფლისა მიმართ ღმრთისა თქუენისა, რამეთუ მოგცა თქუენ საზრდელი სიმართლედ, და გიწჳმოს თქუენ წჳმაჲ მსთუა და მცხუედი, ვითარცა იგი პირველ.
და აღივსნენ კალონი იფქლითა, და გარდაეცვმოდიან საწნეხელნი ღჳნითა და ზეთითა.
და მოგაგოს თქუენ მათ წელთა წილ რომელი შეჭამა მკალმან და ბუზმან და მგრაგნალმან და ჭიამან, ძალმან ჩემმან დიდმან რომელი გამოვავლინე თქუენდა.
და შჭამდეთ ჭამით და განსძღეთ, და აქებდეთ სახ<ე>ლსა უფლისა ღმრთისა თქუენისასა, რომელი ყო თქუენ თანა საკჳრველი, და არა ჰრცხუენეს ერსა ჩემსა უკუნისამდე.
და სცნათ რამეთუ ისრაჱლსა შორის მე ვარ და მე ვარ უფალი ღმერთი თქუენი და არა ვინ არს სხუაჲ ჩემსა გარეშჱ, და არღარა ჰრცხუენეს ერსა ჩემსა უკუნისამდე.
და იყოს ამისა შემდგომად, იტყჳს უფალი ღმერთი; მივჰფინო სულისაგან ჩემისა ყოველსა ჴორციელსა, და წინაწარმეტყუელებდენ ძენი თქუენნი და ასულნი თქუენნი, და მოხუცებულნი თქუენნი Page of ms. O: 381r საჩუენებლით იხილვიდენ, და ჭაბუკნი თქუენნი ხილვით ჰხედვიდენ./
და მონათა ჩემთა ზედა და მჴევალთა ჩემთა ზედა მათ დღეთა შინა მივჰფინო სულისაგან ჩემისა,
და ვსცე ნიშებ ცათა შინა, და სასწაულ ქუეყანასა ზედა, სისხლი და ცეცხლი და არმური კუამლისაჲ.
მზჱ გარდაიქცეს ბნელად, და მთოვარჱ სისხლად ვიდრე მოსლვადმდე დღისა მის უფლისა დიდისა და განჩინებულისა.
და იყოს ყოველმან რომელმან ჰხადოს სახელსა უფლისასა ცხონდეს, რამეთუ მთასა წმიდასა ჩემსა სიონსა და იჱრუსალემს იყოს განრინებული იგი ვითარცა თქუა უფალმან და მახლობელთა რომელთა მოუწოდის უფალი ჩუენი.:
