Page of ms. J: B2v სიტყუაჲ უფლისაჲ, რომელ იყო იოველის მიმართ ძისა ბათუჱლისა.
ისმინეთ ესე მოხუცებულთა, და ყურად-იღეთ ყოველთა დამკჳდრებულთა ქუეყანისათა. უკუეთუ იქმნა ესე-ვითარი დღეთა თქუენთა, ანუ დღეთა მამათა თქუენთასა.
[მათთჳს] შვილთა თქუენთა უთხრობდით, და შვილნი თქუენნი Page of ms. J: B3r შვილთა მათთა, და შვილნი მათნი ნათესავსა სხუასა./
რამეთუ ნეშტი იგი ჭიისაჲ შეჭამა მკალმან, და ნეშტი იგი მკლისაჲ შეჭამა ბუზუმან, და ნეშტი იგი ბუზჳსაჲ შეჭამა გესლმან.
განიფრთხვედ რომელთა ეგე გთრავს ღჳნითა თჳსითა, და ტიროდეთ. გოდებდით ყოველნი, რომელნი სუამთ ღჳნოსა სიმთრვალედ, რამეთუ მოღებულ არს პირისაგან თქუენისა შუებაჲ და მხიარულებაჲ.
რამეთუ ნათესავი აღმოჴდა ქუეყანასა ჩუენსა, ძლიერი და ურიცხჳ. კბილნი მათნი, კბილნი ლომთანი, და შუანი მათნი ლეკუთა მათთანი.
დადვა სავენაჴე ჩემი განსარყუნელად, და ლეღუვანი ჩემი შესამუსრველად; გამოძიებით გამოიძია იგი, <და> განაგდო და განა[სპეტაკნა] რტონი მი[სნი].
გო[დებედ] ჩემდამო [სძლისათჳს] შემოსილისა [ძაძითა] ქმარსა ზედა თჳსსა ქ[ა]ლწულებითგანსა.
აღებულ არს სახლისაგან უფლისა შესაწირავი და მსხუერპლი. იგლოვდით მღდელნი მსახურნი საკურთხეველისანი.
რამეთუ უბადრუკ იქმნნეს ველნი, იგლოვდინ ქუეყანაჲ, რამეთუ უბადრუკ იქმნა იფქლი, განჴმა ღჳნოჲ, შემცირდა ზეთი.
განჴმეს ქუეყანის-მოქმედნი, გოდებდით აგარაკნი იფქლისათჳს და ქრთილისა, რამეთუ წარწყმდა სასთულებელი ველთაგან.
ვენაჴი განჴმა, Page of ms. J: B3v და ლეღოვანი შე/მცირდა; ბროწეული [და დანაკის-კუ]დი და ვა[შლი და ყოველი] ხჱ ველი[საჲ განჴმა,] რამეთუ არცხჳნეს სიხა]რულსა ძეთა კაცთასა.
მოირტყენ<ი>თ და იტყებდით მღდელნი. გოდებდით მსახურნი საკურთხეველისანი. შევედით და დაიძინეთ ძაძითა, მსახურთა მაგათ ღმრთისათა, რამეთუ დაესრულა სახლისაგან ღმრთისა თქუენისა შესაწირავი და მსხუერპლი.
წმიდა ყავთ მარხვაჲ, ქადაგებდით კურნებასა; შეკრიბენ<ი>თ მოხუცებულნი ყოველნი დამკჳდრებულნი ქუეყანისანი სახლსა უფლისა ღმრთისა ჩუენისასა. და ღაღადებდით უფლისა მიმართ ერთბამად.
ვაჲ მე, ვაჲ მე, ვაჲ მე, მას დღესა, რამეთუ ახლოს არს დღჱ იგი უფლისაჲ და ვითარცა უბადრუკებაჲ უბადრუკებისაგან მოიწიოს.
წინაშე თუალთა თქუენთა საზრდელი მოაკლდა სახლისაგან ღმრთისა თქუენისა შუებაჲ და სიხარული.
ხლდებოდეს დიაკეულნი ბაგათა მათთა ზედა; განირყუნნეს საუნჯენი, დაირღუეს საწნეხელნი, რამეთუ განჴმა იფქლი.
რაჲ მე დავიუნჯოთ თავისა ჩუენისა. ტიროდეს მროწეულნი ზროხათანი, რამეთუ არა იყო საძოვარ მათა, და სამწყსონი ცხოვართანი განირყუნნეს.
შენდამი უფალო ვღაღადებდე, რამეთუ ცეცხლმან განლია შუენიერებაჲ უდაბნოჲსაჲ, Page of ms. J: B4r და ალი აღატყდა ყოველთა ხეთა ველისათა./
და საცხოვართა ველისათა აღიხილნეს შენდა, რამეთუ განჴმეს გამოსატევებელნი წყალთანი და ცეცხლმან შეჭამა შუენიერებაჲ უდაბნოჲსაჲ.:
