TITUS
Vetus Testamentum iberice: codd. Oshki & Jerusalem
Part No. 25
Previous part

Chapter: 36  
Verse: 1   Link to mcatLink to sept   ესე შობანი არიან ესავისნი, ესე-იგი არს ედომ.

Verse: 2   Link to mcatLink to sept   და მოიყვანნა ცოლნი მისნი ასულთაგან ქანაანისთა: ადან, ასული ელომისი ქეტელისაჲ, და ელიბემათ, ასული ენანისი ეველისაჲ,

Verse: 3   Link to mcatLink to sept   და ბასემათ, ასული ისმაელისი, დაჲ Page of ms. O: 41v  ნაბეოთისი.

Verse: 4   Link to mcatLink to sept   უშვა მას ადან ელიფას და ბასემათ უშვა მას რაგუელ,

Verse: 5   Link to mcatLink to sept   და ელიბემათ უშვა მას იეულ და იეგლომ და კორე. ესე ძენი ესავისნი, რომელ ესხნეს მას ქუეყანასა ქანაანისასა.

Verse: 6   Link to mcatLink to sept   წარიყვანნა ესავ ცოლნი თჳსნი და ძენი და ასულნი თჳსნი და ყოველი კაცი სახლისა თჳსისაჲ და ყოველი მონაგები თჳსი და ყოველი საცხოვარი და ყოველი, რაჲცა მოეგო ქუეყანასა ქანაანისასა, და ყოველი, რაჲცა მოეპოვა. და წარვიდა ქუეყანით ქანაანით პირისაგან იაკობისა, ძმისა თჳსისაჲთ.

Verse: 7   Link to mcatLink to sept   რამეთუ იყო მონაგები მათი ფრიად და ვერ ეძლო ქუეყანასა მწირობისა მათისასა ტჳრთვად მათა სიმრავლისაგან მონაგებთა მათთაჲსა.

Verse: 8   Link to mcatLink to sept   და დაეშჱნა ესავ მთასა მას სეირსა, ესე-იგი არს ედომი.

Verse: 9   Link to mcatLink to sept   ესე შობანი არიან ესავისნი, მამისა ედომისნი, მთასა სეირსა.

Verse: 10   Link to mcatLink to sept   და ესე არს სახელები ძეთა ესავისთაჲ: ელიფას, ძჱ ადაჲსი, ცოლისა ესავისი, და რაგუელ, ძისა ბასემათისი, ცოლისა ესავისი.

Verse: 11   Link to mcatLink to sept   იყვნეს ძენი ელიფასისნი: თემან, ოჰმან, სოფარ, გოთომ, კენეზ.

Verse: 12   Link to mcatLink to sept   ხოლო თამნა, ხარჭმან ელიფასისმან, ძისა ესავისმან, უშვა ელიფასს ამალეკი. ესე ძენი ადაჲსნი, ცოლისა ესავისნი.

Verse: 13   Link to mcatLink to sept   ესე არიან ძენი რაგუელისნი: ნაგეთ, ზარეთ, Page of ms. O: 42r  ოჰმეთ, მოზე ესე იყვნეს ძენი ბასიმათისნი, ცოლისა ესავისნი.

Verse: 14   Link to mcatLink to sept   ესე იყვნეს ძენი ელიბემაჲსნი, ასულისა ენანისნი, ძისა სებეგორისნი, ცოლისა ესავისნი. და უშვა ესავს იეულ და იგლონ და კორე.

Verse: 15   Link to mcatLink to sept   ესე იყვნეს მთავარნი, ძენი ესავისნი: ელიფას, პირმშოჲ ესავისი. ძენი ელიფასისნი, პირმშოჲსა ესავისნი: მთავარი ... გოთომ, მთავარი კენეზ,

Verse: 16   Link to mcatLink to sept   ... მთავარი ამალეკ. ესე არიან მთავარნი ელიფასისნი ქუეყანასა იდუმიაჲსასა. ესე ძენი ადაჲსნი.

Verse: 17   Link to mcatLink to sept   და ესე ძენი რაგუელისნი, ძისა ესავისნი: მთავარი ნაქეთ, მთავარი ზარეთ, მთავარი ოჰმეთ, მთავარი ოზე. ესე მთავარნი რაგუელისნი ქუეყანასა ედომისასა. ესე ძენი ბასიმათისნი, ცოლისა ესავისნი.

Verse: 18   Link to mcatLink to sept   და ესე ძენი ელიბემაჲსნი, ცოლისა ესავისნი: მთავარი იულ, მთავარი ეგლომ, მთავარი კორე. ესე მთავარნი ელიბემაჲსნი.

Verse: 19   Link to mcatLink to sept   და ესე ძენი ესავისნი და ესე მთავარნი მათნი. ესე არიან ედომისნი.

Verse: 20   Link to mcatLink to sept   ხოლო ესე ძენი სეირისნი ქორიზისანი, რომელი დამკჳდრებულ იყო ქუეყანასა მას ლოტანისასა: სობალ, სებეგონ, ანა,

Verse: 21   Link to mcatLink to sept   დესონ, ასარ და რისონ. ესე მთავარნი სერის ქორელისანი Page of ms. O: 42v  ქუეყანასა ედომისსა.

Verse: 22   Link to mcatLink to sept   ხოლო იყვნეს ძენი ლოტანისნი: ქორრი და ემან, ხოლო დაჲ ლოტანისი თამნა.

Verse: 23   Link to mcatLink to sept   და ესე ძენი საბალისნი: გოზომ და მანაქათ, გებელ, სოფ და ონან.

Verse: 24   Link to mcatLink to sept   და ესე ძენი სებეგორისნი: ეე და ენან. ესე იგი არს ენან, რომელმან პოვა იამენი უდაბნოსა, ოდეს-იგი აძოვებდა მეუღლეთა სებეგორისთა, მამისა თჳსისათა.

Verse: 25   Link to mcatLink to sept   და ესე არიან ძენი ენანისნი: დესონ და ელიბემა, ასული ენანისი.

Verse: 26   Link to mcatLink to sept   ხოლო ესე ძენი დესონისნი: ამადა, აბამა, იეთრამ და ქარრამ.

Verse: 27   Link to mcatLink to sept   ესე ძენი ასარისნი: ბალაამ და ლუკამ და იოვიკამ და უსამ.

Verse: 28   Link to mcatLink to sept   და ესე ძენი რუსანისნი: ოს და არრან.

Verse: 29   Link to mcatLink to sept   ესე მთავარნი ქორისნი: მთავარი ლოტან, მთავარი ზობალ, მთავარი სებეგორ, მთავარი ენან,

Verse: 30   Link to mcatLink to sept   მთავარი ასარ, მთავარი დესონ, მთავა[რი] რისონ. ესე მთავარნი ქორისნი სამთავროსა მათსა ზედა ქუეყანასა მას ედომისასა.

Verse: 31   Link to mcatLink to sept   და ესე მეფენი, რომელნი მეფობდეს ქუეყანასა ედომისასა ვიდრე მეფისა ყოფადმდე ისრაჱლსა ზედა:

Verse: 32   Link to mcatLink to sept   და მეფობდა ედომს ბალააკ, ძჱ ბეორისი, და სახელი ქალაქისა მისისაჲ დენაბა.

Verse: 33   Link to mcatLink to sept   მოკუდა ბალააკ და მეფობდა მის წილ იობაბ, ძჱ ზარჱსი, ბოსორელი.

Verse: 34   Link to mcatLink to sept   მოკუდა იობაბ და მის წილ მეფობდა ასონ ქუეყანისაგან თემანელთაჲსა.

Verse: 35   Link to mcatLink to sept   Page of ms. O: 43r  მოკუდა ასონ და მეფობდა მის წილ ადად, ძე ბარადისი, რომელმან მოსრა მადიამი ველსა მას მოაბისასა, და სახელი ქალაქისაჲ მის გეთემ.

Verse: 36   Link to mcatLink to sept   მოკუდა ადად და მეფობდა მის წილ სამალაკ, რომელი იყო მასეკკაჲთ.

Verse: 37   Link to mcatLink to sept   მოკუდა სამალაკ და მეფობდა მის წილ საულ, რომელი იყო როფოთით, რომელ არს მდინარესა ზედა.

Verse: 38   Link to mcatLink to sept   მოკუდა საულ და მეფობდა მის წილ ბალაენონ, ძჱ აქობორისი.

Verse: 39   Link to mcatLink to sept   [მოკუდა ბალაენონ] და მეფობდა მის წილ ადად, ძჱ არადისი, და სახელი ქალაქისა მისისაჲ ფოგორ. და სახელი ცოლისა მისისაჲ მატაბიელ. ასული მადრადისი, ძისა მეზოჰფისი.

Verse: 40   Link to mcatLink to sept   და ესე სახელები არს მთავართა მათ ესავისთაჲ და ტომთა მათთაჲ ადგიდ-ადგიდსა მათსა და სოფლებსა მათსა და ნათესავსა შოვრის მათსა: მთავარი თემნა. მთავარი გოლა, მთავარი იეთომ.

Verse: 41   Link to mcatLink to sept   მთავარი ელიბემა, მთავარი ელას, მთავარი ფინან,

Verse: 42   Link to mcatLink to sept   მთავარი კინეზ, მთავარი თემან, მთავარი მაზარ,

Verse: 43   Link to mcatLink to sept   მთავარი მიგედილ, მთავარი ზეფაიმ. ესე მთავარნი ედომისნი დაშჱნებულთა შინა . ..

Next part


This text is part of the TITUS edition of Vetus Testamentum iberice: codd. Oshki & Jerusalem.

Copyright TITUS Project, Frankfurt a/M, 18.11.2023. No parts of this document may be republished in any form without prior permission by the copyright holder.