TITUS
Biblia Mcxetica
Part No. 497
Previous part

Chapter: 13 
Verse: 1  Link to oskijerLink to sept   აჰა, ესერა, ესე ყოველი იხილა თუალმან ჩემმან და ესმა ყურთა ჩემთა

Verse: 2  Link to oskijerLink to sept   და ვიცი, რავდენიცა თქუენ გიცნობიეს და არა უუგულისჴმოეს ვარ თქუენსა.

Verse: 3  Link to oskijerLink to sept   არა ხოლო ეგრე, არამედ მე უფლისა მიმართ ვიტყოდი და ვამხილო მის წინაშე, უკუეთუ ინებოს.

Verse: 4  Link to oskijerLink to sept   ხოლო თქუენ ხართვე მკურნალნი ცრუნი და მლხინებელ ბოროტ ყოველნი,

Verse: 5  Link to oskijerLink to sept   იყავნ თქუენდა დუმილი და შეგერაცხოს თქუენ სიბრძნედ.

Verse: 6  Link to oskijerLink to sept   ისმინენით მხილებანი პირისა ჩემისანი. და საშჯელსა ბაგეთა ჩემთასა მხედევდით,

Verse: 7  Link to oskijerLink to sept   ვითარმე არს ესე, ანუ არა წინაშე უფლისა იტყჳთ და მის წინაშე ჰზრახავთ ზაკუასა,

Verse: 8  Link to oskijerLink to sept   ანუ თუ მერიდებით თქუენ? და თჳთ მსაჯულ იქმნებით.

Verse: 9  Link to oskijerLink to sept   კეთილმე არსა, უკუეთუ გამოიკულიოს თქუენიცა, დაღათუ ყოველივე ჰყოთ და შეეძინნეთ მას?

Verse: 10  Link to oskijerLink to sept   არა ვერაჲ ნაკლულად გამხილოს თქუენ, დაღათუ ფარულითა პირითა თუალ-გახუნეს.

Verse: 11  Link to oskijerLink to sept   არამეა შიშმან მისმან შეგაძრწუნნეს თქუენ და ზარი მისი დაგეცეს თქუენ ზედა?

Verse: 12  Link to oskijerLink to sept   და გექმნეს თქუენ ეგე ზახებაჲ სწორ ნაცრისა, ხოლო ჴორცნი თქუენნი თიჴისანი.

Verse: 13  Link to oskijerLink to sept   დადუმენით, რათა ვიტყოდი და განვისუენო გულისწყრომისაგან.

Verse: 14  Link to oskijerLink to sept   ვიპყრნე ჴორცნი ჩემნი კბილითა ჩემითა და სული ჩემი დავდვა ჴელსა ზედა ჩემსა.

Verse: 15  Link to oskijerLink to sept   უკუეთუ ჴელთ-მიდვას მე ძლიერმან მან, ვითარცა-ესე უწყიეს, ანუ ვიტყოდი და ვამხილო წინაშე მისსა.

Verse: 16  Link to oskijerLink to sept   და ესე გეყოს თქუენ საცხორებელად, რამეთუ მის წინაშე ზაკუა არა შევიდეს.

Verse: 17  Link to oskijerLink to sept   ისმინენით სიტყუანი ჩემნი, ისმინენით. რამეთუ გითხრა თქუენ, ისმენდეთ თუ:

Verse: 18  Link to oskijerLink to sept   აჰა, ესერა, მიახლებულ ვარ მე სამართალსა ჩემსა მე ვიცი, რამეთუ მართლად გამოჩინებად ვარ.

Verse: 19  Link to oskijerLink to sept   ვინ არს მოსაჯული ჩემი? რამეთუ აწ დავდუმნე და მოვაკლდე.

Verse: 20  Link to oskijerLink to sept   ორნი რაჲმე ჯერ არს ჩემდა და მაშინ პირისა შენისაგან არა დაგემალო

Verse: 21  Link to oskijerLink to sept   ჴელი შენი ჩემგან განმაყენე და შიში შენი ნუ განმაკრთობნ მე.

Verse: 22  Link to oskijerLink to sept   და მაშინ მიწოდე მე და მე ვისმინო შენი, მეტყოდი და მე მიგაგებო შენ სიტყუაჲ.

Verse: 23  Link to oskijerLink to sept   რავდენ არიან ცოდვანი ჩემნი და უსჯულოებანი ჩემნი, მასწავე მე, ვინ არიან.

Verse: 24  Link to oskijerLink to sept   რაჲსათჳს ჩემგან მეფარვი და შეგირაცხე მე ვითარცა წინააღმდგომი შენი,

Verse: 25  Link to oskijerLink to sept   ანუ ფურცლისა ქარისაგან აღძრულისა გეშინოდისმე, ანუ თივაჲ რომელი მოაქუნ ნიავქარსა? წინააღმიდგები მე.

Verse: 26  Link to oskijerLink to sept   რამეთუ აღსწერენ ჩემ ზედა ყოველნი ძჳრნი და გარემომადგინენ მე სიჭაბუკისა ჩემისა ცოდვანი.

Verse: 27  Link to oskijerLink to sept   და დასხენ ფერჴნი ჩემნი დაბრკოლებასა შინა და დამიმარხენ მე ყოველნი საქმენი ჩემნი და ძირსა ფერჴთა ჩემთასა მისწუედი,

Verse: 28  Link to oskijerLink to sept   რომელი დაძუელებად არს, ვითარცა თხიერი, ანუ ვითარცა სამოსელი მღილთა დაჭმული.

Section:  

Next part


This text is part of the TITUS edition of Biblia Mcxetica.

Copyright TITUS Project, Frankfurt a/M, 22.3.2021. No parts of this document may be republished in any form without prior permission by the copyright holder.