TITUS
Biblia Mcxetica
Part No. 492
Previous part

Chapter: 8 
Verse: 1  Link to oskijerLink to sept   მიუგო ბალდად სავქელმან და ჰრქუა:

Verse: 2  Link to oskijerLink to sept   ვიდრემე იტყოდი მაგას სულითა მრავლისმეტყუელითა პირითა შენითა?

Verse: 3  Link to oskijerLink to sept   ნუუკუე უფალმან ნაწილი საჯოს. ანუ, რომელმან ყოველივე შექმნა, ცვალოს სამართალი?

Verse: 4  Link to oskijerLink to sept   უკუეთუ ძეთა შენთა ცოდეს წინაშე მისსა, მოუვლინა ჴელითა უსჯულოებისა მათისათჳს.

Verse: 5  Link to oskijerLink to sept   ხოლო შენ აღიმსთუე უფლისა მიმართ, ყოვლისა მპყრობელისა, ვედრებით.

Verse: 6  Link to oskijerLink to sept   უკუეთუ წმიდა იყო და ჭეშმარიტ, ვედრებისა შენისა ისმინოს და მოგაგოს ნაყოფი სიმართლისა.

Verse: 7  Link to oskijerLink to sept   და იყოს პირველი იგი შენი მცირედ, ხოლო უკუნასკნელი შენი ურიცხჳ.

Verse: 8  Link to oskijerLink to sept   ჰკითხეღა ნათესავსა მას პირველსა და გამოიძიე ნათესავითა ნათესავად მამათა,

Verse: 9  Link to oskijerLink to sept   * რამეთუ საწუთონი ვართ და არა ვიცით, რამეთუ აჩრდილ არს ცხორებაჲ ჩუენი ქუეყანასა ზედა.

Verse: 10  Link to oskijerLink to sept   ანუ არა ამათ გასწაონ და გითხრან შენ და გულისაგან გამოიხუნენ სიტყუანი?

Verse: 11  Link to oskijerLink to sept   ნუუკუე აღმოსცენდის ჭილი თჳნიერად წყლისა, ანუ აღმაღლდის ბანჯარი ურწყუელად? ძირთა ზედაღა იყოს

Verse: 12  Link to oskijerLink to sept   და ვერ მოითიბოს პირველ, ვიდრე არა მოირწყოს ყოველივე მწუანვილი, გაჴმეს იგი.

Verse: 13  Link to oskijerLink to sept   ესრე იყოს აწ აღსასრული ჟამთაჲ, რომელთა დაჰვიწყებიეს უფალი, რამეთუ სასოებაჲ უღმრთოთა წარწყმდეს.

Verse: 14  Link to oskijerLink to sept   და უმკჳდრო იყვნენ სახლნი მათნი, დედაზარდლის ქსელ იყვნენ სახლნი მათნი.

Verse: 15  Link to oskijerLink to sept   და-ღათუ-მტკიცნენ სახლნი მათნი. ვერვე დგენ, შე-ღათუ-იკრძალონ იგი, ვერვე დაუთმოს,

Verse: 16  Link to oskijerLink to sept   რამეთუ ნედლ არს იგი მზისაგან და სიხენეშისაგან მისისა მორჩი მისი გამოჴდეს.

Verse: 17  Link to oskijerLink to sept   შესაკრებელსა ქვათასა დაწვეს და შორის ღჳნჭათა ცხონდეს.

Verse: 18  Link to oskijerLink to sept   უკუეთუ შთანთქას, ადგილი იგი უარის-ყოფად დგეს მისა, არა გიხილავსა ესევითარი?

Verse: 19  Link to oskijerLink to sept   რამეთუ დაქცევაჲ უღმრთოთა ესე არს, ხოლო ქუეყანით სხუაჲ აღმოაცენის,

Verse: 20  Link to oskijerLink to sept   რამეთუ უფალმან არა განიშოროს უბიწოჲ იგი, ხოლო ყოველი ძღუენი უღმრთოთაჲ არა შეიწიროს.

Verse: 21  Link to oskijerLink to sept   და პირნი ჭეშმარიტთანი აღავსნეს სიცილითა და ბაგენი მათნი აღსარებითა.

Verse: 22  Link to oskijerLink to sept   ხოლო მტერთა მათთა შეიმოსონ სირცხვილი და ნაწილი უღმრთოთა არა იყოს.

Section:  

Next part


This text is part of the TITUS edition of Biblia Mcxetica.

Copyright TITUS Project, Frankfurt a/M, 22.3.2021. No parts of this document may be republished in any form without prior permission by the copyright holder.