TITUS
Biblia Mcxetica
Part No. 493
Previous part

Chapter: 9 
Verse: 1  Link to oskijerLink to sept   მიუგო იობ და ჰრქუა:

Verse: 2  Link to oskijerLink to sept   ჭეშმარიტად უწყი, რამეთუ ეგე ეგრე არს. ვითარმე უკუე იყოს კაცი მართალი წინაშე უფლისა?

Verse: 3  Link to oskijerLink to sept   დაღათუ უნდეს სასჯელად მისა, არავე ისმინოს მისი, რათა არა სიტყუაუგოს მას ერთისა წილ სიტყჳსა მისისა ათასისაგან,

Verse: 4  Link to oskijerLink to sept   რამეთუ ბრძენ არს გონებითა, ძლიერ არს და დიდ. ვინმე უკუე ფიცხელ იქმნა მის წინაშე და დაუთმო?

Verse: 5  Link to oskijerLink to sept   რომელი დააძუელებს მთათა და არა იციან, რომელმან დააქცინის იგინი რისხვითა.

Verse: 6  Link to oskijerLink to sept   რომელმან შეძრის ცაჲ ქუეშე საფარველითურთ და სუეტნი მისნი იძრვიედ.

Verse: 7  Link to oskijerLink to sept   რომელმან უბრძანოს მზესა და არა აღმოჰჴდეს და ვარსკულავთა ზედა დაჰბეჭდოს.

Verse: 8  Link to oskijerLink to sept   რომელმან გარდაართხნა ცანი მხოლომან და ვალს იგი ზღუასა ზედა, ვითარცა ჴმელსა.

Verse: 9  Link to oskijerLink to sept   რომელმან შექმნა ჴომნი და მწუხრისა ვარსკვლავი და ურემ-ჴარნი და საუნჯე სამხრისაჲ.

Verse: 10  Link to oskijerLink to sept   რომელმან ქმნნა დიდ-დიდნი და გამოუკულეველნი დიდებულნი და საკჳრველნი, რომელთა არა არს რიცხჳ.

Verse: 11  Link to oskijerLink to sept   უკუეთუ ზედაგარდამჴდეს, მე ვერ ვიხილო, ანუ თუ თანაწარმჴდეს მე, ვერცა ეგრეთ ვცნა.

Verse: 12  Link to oskijerLink to sept   უკუეთუ გარემიიქცეს, ვინ მოაქციოს? ანუ ვინ ჰრქუას მას ვითარმედ: რაჲ ეგე ჰყავ?

Verse: 13  Link to oskijerLink to sept   რამეთუ მან თავადმან გარემიიქციოს რისხვაჲ და მის მიერ დამდაბლდეს ვეშაპნი იგი ცასა ქუეშე.

Verse: 14  Link to oskijerLink to sept   უკუეთუ ისმინოს ჩემი უფალმან. ანუ თუ განსაჯნეს სიტყუანი ჩემნი?

Verse: 15  Link to oskijerLink to sept   ვიყოღა თუ მართალ, არავე ისმინოს ჩემი, სამართალთა მისთა ვევედრებოდი.

Verse: 16  Link to oskijerLink to sept   უკუეთუ ვხადოდი და ისმინოს, არავე მრწმენეს, ვითარმედ ისმინა ჩემი.

Verse: 17  Link to oskijerLink to sept   ნუ წყუდიადითა შემმუსროს მე? რამეთუ მრავალი შემუსრვაჲ ყო ჩემ ზედა ცუდად.

Verse: 18  Link to oskijerLink to sept   არა მიტევებს მე სულისა აღმოტევებად, რამეთუ აღმავსო მე სიმწარითა,

Verse: 19  Link to oskijerLink to sept   და რამეთუ ძალითა ძლიერ არს, ვინმე უკუე განკითხვათა მისთა წინააღუდგეს?

Verse: 20  Link to oskijerLink to sept   დაღათუ ვარ მართალ, პირი ჩემი უსჯულოვე არს, დაღათუ უბიწო ვარ, ეგრეთცა დრკუდვე გამოვჩნდე?

Verse: 21  Link to oskijerLink to sept   უღმრთო თუ რაჲ ვქმენ, არა ვიცი სულითა ჩემითა, გარნა რამეთუ მიღებულ არს ცხორებაჲ ჩემი.

Verse: 22  Link to oskijerLink to sept   ამისთჳს ვთქუ: დიდი და ძლიერი წარწყმიდის რისხვამან.

Verse: 23  Link to oskijerLink to sept   რამეთუ უკეთურნი იგი სიკუდილითა განსაკჳრვებელითა მოისრნენ, რამეთუ მართალნი საცინელ იქმნეს.

Verse: 24  Link to oskijerLink to sept   მიცემულ არიან იგინი ჴელთა უღმრთოთასა, პირი მსაჯულთა მისთაჲ დაფაროს, უკუეთუ არა, იგივე თავადი არს?

Verse: 25  Link to oskijerLink to sept   ხოლო ცხორებაჲ ჩემი უმალეს არს მსრბოლისა, წარივლტოდეს და არა იხილეს.

Verse: 26  Link to oskijerLink to sept   ანუ არს ნავისა კუალი გზისაჲ, ანუ თუ ორბისა მფრინვალისაჲ, რომელი ეძიებნ საჭმელსა?

Verse: 27  Link to oskijerLink to sept   დაღათუ ვიტყოდე, და-ვე-მავიწყდის სიტყუად, დავიკიდო პირი ჩემი და სულთვითქუნე.

Verse: 28  Link to oskijerLink to sept   და ვძრვიდე ყოველთა ასოთა ჩემთა. ვიცი, რამეთუ არა უბრალოდ განმიტეო მე.

Verse: 29  Link to oskijerLink to sept   და რამეთუ ვარ მე უღმრთოჲ, რაჲსა არა მოვკუედი?

Verse: 30  Link to oskijerLink to sept   გინა ღათუ ვიბანო თოვლითა და განვწმიდნე ჴელითა წმიდითა, ეგრეცა

Verse: 31  Link to oskijerLink to sept   დიდად მწინკულითა შემღებე მე, მომიძაგა მე სამოსელმან ჩემმან,

Verse: 32  Link to oskijerLink to sept   რამეთუ არა ხარ კაცი ჩემებრი, რომელსამცა სიტყუა-უგე, რათა მოვიდეთ ერთბამად სასჯელად.

Verse: 33  Link to oskijerLink to sept   იყო ხოლო თუმცა ვინ შუამდგომელ და მამხილებელ და რომელმანცა ისმინა შორის ჩუენსა,

Verse: 34  Link to oskijerLink to sept   განმაშორენ ჩემგან კუერთხი მისი და შიში მისი ნუ შემაძრწუნებნ მე.

Verse: 35  Link to oskijerLink to sept   და არა მეშინოდის, არამედ ვიტყოდი, არა ეგრე შემიცნობიეს თავსა ჩემსა, რავდენ ესე.

Section:  

Next part


This text is part of the TITUS edition of Biblia Mcxetica.

Copyright TITUS Project, Frankfurt a/M, 22.3.2021. No parts of this document may be republished in any form without prior permission by the copyright holder.