Այլ վասն պաշտամանն որ ՛ի սուրբսն է, աւելի́ է ինձ եւ գրել առ ձեզ։
զի գիտեմ զյօժրութի(ւն) ձեր, զոր վ(ա)ս(ն) ձեր պարծեցեալ եմ ՛ի մեջ մակեդովնացւոցն, թէ աքայեցիքն ՛ի հերո́ւն հետէ պատրաստ են. եւ ձեր նախանձն զբազո́ւմս յորդորեաց։
եւ առաքեցաք զեղբարսն, զի մի́ պարծանքն մեր որ վ(ա)ս(ն) ձեր՝ ընդունայն լինիցի ՛ի մասինդ յայդմիկ։ այլ ո(ր)պ(էս) ասէի իսկ, պատրաստագոյնք գտանիջի́ք.
գուցէ́ յորժամ գայցեն ընդ մեզ մակեդովնացիքն, եւ գտանիցեն զձեզ անպատրա́ստս, եւ ամաչեսցուք մեք. զի մի́ ասասցուք՝ թէ դուք, ՛ի մասինդ յայդմիկ պարծանաց։
Արդ՝ կարեւո́ր համարեցայ աղաչել զեղբարս, զի յառաջագոյն եկեսցեն առ ձեզ, եւ յառաջագոյն պատմեսցեն զյառաջագոյն խոստացեալ օրհնու(թ)ի(ւն)ն ձեր ՛ի պատրաստի ունել. այնպէս իբրեւ զօրհնու(թ)ի(ւն), եւ մի́ իբրեւ զագահութի(ւն)։
Քանզի զայդ որ սերմանէ ճժդելով՝ ճժդելով եւ հնձեսցէ. եւ որ սերմանէ առատու(թեամ)բ՝ առատութ(եա́մ)բ եւ հնձեսցէ,
իւրաքանչիւր ո(ր)պ(էս) եւ յօժարեսցի ոք սրտիւ, մի́ առ հարկի եւ տրտմու(թ)ե(ան). քանզի զտուրս զուարթառա́տս սիրէ ա(ստուա)ծ։
Այլ կարօ́ղ է ա(ստուա)ծ զամ(ենայն) շնորհս առաւելուլ ՛ի ձեզ. զի յամենայնի յամ(ենայն) ժամ զամ(ենայն) բաւականութի(ւն) ընկալեալ, առաւելուցո́ւք յամ(ենայն) գործս բարութե(ան),
ո(ր)պ(էս) եւ գրեալ է. սփռեաց եւ ետ տնանկաց՝ արդարութի(ւն) ն(ո)ր(ա) մնա́յ յաւիտեան։
Այլ այն որ պարգեւէ սերմն սերմանահանաց՝ եւ հաց ՛ի կերակուր, պարգեւեսցէ́ եւ բազմացուսցէ զսերմանիս ձեր, եւ աճեցուսցէ́ զարդիւնս արդարու(թ)ե(ան) ձերոյ.
յամ(ենայն)ի́ մեծացեալք ամ(ենայն) առատու(թեամ)բ, որ յօրինէն մեւք գոհութի(ւն) ա(ստուածո)յ։
Զի պաշտօն հարկիս այսորիկ՝ ոչ միայն առ ՛ի լնուլ զպակասու(թ)ի(ւն) ս(ր)բ(ո)ցն է, այլ առաւելո́ւլ բազմօք գոհու(թ)ի(ւն) ա(ստուածո)յ.
հանդիսիւ պաշտամանս այսորիկ. փառաւորե́լ զա(ստուա)ծ ՛ի վ(ե)ր(այ) հնազանդու(թ)ե(ան) խոստովանութե(ան) ձերոյ յաւետարանն ք(րիստո)սի. եւ առատութ(եամ)բ հաղորդութե(ա)ն ՛ի ն(ո)ս(ա) եւ յամենեսին։
եւ ն(ո)ց(ա) աղօթք վ(ա)ս(ն) ձե́ր քանզի անձկացեալ են առ մեզ վ(ա)ս(ն) առաւել շնորհացն ա(ստուածո)յ՝ որ ՛ի մեզ։
Այլ շնորհք ա(ստուածո)յ ՛ի վ(ե)ր(այ) անապատում պարգեւա́ցն ն(ո)ր(ա)։
