TITUS
Armenian NT (Zohrab Bible)
Part No. 62
Previous part

Chapter: 18  
(Ժ՜Ը)


Section: 61  
Passage: 6-5 
Verse: 1   Link to gnt   Ասաց եւ առակ մի նոցա, առ այն՝ թէ պարտ է յամենայն ժամ կալ նոցա յաղօթս՝ եւ մի ձանձրանալ։

Verse: 2   Link to gnt   Ասէ դատաւոր մի էր ի քաղաքի ուրեմն, յԱստուծոյ ոչ երկնչէր՝ եւ ի մարդկանէ ոչ ամաչէր։

Verse: 3   Link to gnt   Եւ այրի մի էր ի նմին քաղաքի, գայր առ նա եւ ասէր. դատ արա ինձ յոսոխէ իմմէ։

Verse: 4   Link to gnt   Եւ ոչ կամէր ի բազում ժամանակս, յետ այնորիկ ասէ ի մտի իւրում, թէ եւ յԱստուծոյ ոչ երկնչիմ, եւ ի մարդկանէ ոչ ամաչեմ.

Verse: 5   Link to gnt   Գոնէ վասն աշխատ առնելոյ զիս այրւոյն՝ արարից նմա դատ, զի մի ի սպառ եկեալ թախանձիցէ զիս։

Verse: 6   Link to gnt   Եւ ասէ տէր. լուարուք զինչ դատաւորն անիրաւութեան ասէր։

Verse: 7   Link to gnt   Իսկ Աստուած՝ ոչ առնիցէ վրէժխնդրութիւն ծառայից իւրոց, որ աղաղակեն առ նա ի տուէ եւ ի գիշերի, եւ երկայնամիտ միայն լինիցի առ նոսա։

Verse: 8   Link to gnt   Այո ասեմ ձեզ. զի արասցէ վրէժխնդրութիւն նոցա վաղվաղակի։ Իսկ Որդի մարդոյ եկեալ, գտանիցէ արդեւք հաւատս յերկրի։

Section: 62  
Verse: 9   Link to gnt   Ասաց եւ առ ոմանս պանծացեալս յանձինս թէ արդարք իցեն՝ եւ խոտեցեն զբազումս, զառակս զայս։

Verse: 10   Link to gnt   Արք երկու ելին, ի տաճարն կալ յաղօթս, մին Փարիսեցի՝ եւ մեւսն մաքսաւոր։

Verse: 11   Link to gnt   Փարիսեցին կայր մեկուսի, եւ զայս առանձին աղօթս մատուցանէր. Աստուած իմ՝ գոհանամ զքէն. զի ոչ եմ իբրեւ զայլս ի մարդկանէ, զյափշտակօղս՝ եւ զանիրաւս՝ եւ զշունս, կամ իբրեւ զայս մաքսաւոր։

Verse: 12   Link to gnt   Այլ պահեմ երկիցս ի շաբաթու, եւ տամ տասանորդս յամենայն ստացուածոց իմոց։

Verse: 13   Link to gnt   Եւ մաքսաւորն կայր մեկուսի, եւ ոչ կամէր՝ եւ ոչ զաչս ընդ երկինս ամբառնալ. այլ կոծէր զկուրծս իւր՝ եւ ասէր. Աստուած՝ քաւեա զիս զմեղաւորս։

Verse: 14   Link to gnt   Ասեմ ձեզ. էջ սա արդարացեալ ի տուն իւր քան զնա։ Զի ամենայն որ բարձրացուցանէ զանձն իւր, խոնարհեսցի. եւ որ խոնարհեցուցանէ զանձն, բարձրասցի։

Passage: 6-6 
Verse: 15   Link to gnt   Մատուցանէին առ նա եւ մանկտի՝ զի մերձենայցէ ի նոսա. իբրեւ տեսին աշակերտքն՝ սաստէին նոցա։

Verse: 16   Link to gnt   Իսկ Յիսուս կոչեցեալ զնոսա առ ինքն՝ ասէ. թոյլ տուք մանկտւոյդ գալ առ իս, եւ մի արգելուք զդոսա. զի այդպիսեացդ է արքայութիւն Աստուծոյ։

Verse: 17   Link to gnt   Ամէն ասեմ ձեզ. որ ոչ ընդունիցի զարքայութիւն Աստուծոյ իբրեւ զմանուկ, ոչ մտցէ ի նա։

Section: 63  
Verse: 18   Link to gnt   Եւ եհարց զնա ոմն իշխան՝ եւ ասէ. վարդապետ բարի զինչ գործեցից, զի զկեանսն յաւիտենականս ժառանգեցից։

Verse: 19   Link to gnt   Ասէ ցնա Յիսուս. զի ասես զիս բարի. չիք ոք բարի, բայց մի Աստուած, հայր։

Verse: 20   Link to gnt   Զպատուիրանս գիտես. մի շնար, մի սպանաներ, մի գողանար, մի սուտ վկայեր, պատուեա զհայր քո եւ զմայր։

Verse: 21   Link to gnt   Եւ նա՝ ասէ. զայդ ամենայն պահեցի ի մանկութենէ իմմէ։

Verse: 22   Link to gnt   Իբրեւ լուաւ զայն Յիսուս, ասէ ցնա. մեւս եւս պակաս է քեզ. զամենայն ինչ զոր ունիս վաճառեա եւ տուր աղքատաց, եւ ունիցիս գանձ յերկինս. եւ եկ զկնի իմ։

Verse: 23   Link to gnt   Նա՝ իբրեւ լուաւ զայս, տրտմեցաւ. քանզի էր մեծատուն յոյժ։

Verse: 24   Link to gnt   Իբրեւ ետես զնա Յիսուս տրտմեալ, ասէ. որպէս դժուարաւ որ ինչս ունիցին՝ մտանիցեն յարքայութիւն Աստուծոյ։

Verse: 25   Link to gnt   Դիւրագոյն իցէ մալխոյ ընդ ծակ ասղան անցանել, քան մեծատան յարքայութիւն Աստուծոյ մտանել։

Verse: 26   Link to gnt   Եւ որ լուանն՝ ասէին. եւ ո կարիցէ ապրել։

Verse: 27   Link to gnt   Եւ նա ասէ. անհնարինք առ ի մարդկանէ, հնարաւորք են յԱստուծոյ։

Verse: 28   Link to gnt   Եւ ասէ Պետրոս. ահաւասիկ մեք թողաք զամենայն ինչ զմեր, եւ եկաք զկնի քո։

Verse: 29   Link to gnt   Եւ նա՝ ասէ ցնոսա. ամէն ասեմ ձեզ. եթէ ոչ ոք է՝ որ եթող զտունս, կամ զծնօղս, կամ զեղբարս, կամ զկին, կամ զորդիս՝ վասն արքայութեան Աստուծոյ։

Verse: 30   Link to gnt   Եթէ ոչ առնուցու բազմապատիկ ի ժամանակի յայսմիկ. եւ յաշխարհին որ գալոցն է՝ զկեանսն յաւիտենականս ժառանգեսցէ։

Verse: 31   Link to gnt   Եւ առեալ զերկոտասանսն առանձինն՝ ասէ ցնոսա. ահաւասիկ ելանեմք յԵրուսաղէմ. Եւ կատարեսցին ամենայն գրեալքն մարգարէիւք վասն որդւոյ մարդոյ։

Verse: 32   Link to gnt   Զի մատնեսցի հեթանոսաց, եւ կատակեսցի.

Verse: 33   Link to gnt   Եւ հարկանիցեն, եւ սպանանիցեն զնա. եւ յերիր աւուր յարիցէ։

Verse: 34   Link to gnt   Եւ նոքա՝ ոչ ինչ իմացան յայնցանէ, այլ էր բանն ծածկեալ ի նոցանէ, եւ ոչ գիտէին զասացեալն։

Section: 64  
Passage: 6-7 
Verse: 35   Link to gnt   Եւ եղեւ ի մօտելն նորա յԵրիքով, կոյր ոմն նստէր առ ճանապարհաւն մուրացիկ։

Verse: 36   Link to gnt   Իբրեւ լուաւ զանցանել ժողովրդեանն, հարցանէր՝ թէ զինչ իցէ այն։

Verse: 37   Link to gnt   Եւ պատմեցին նմա՝ թէ Յիսուս Նազովրեցի անցանէ։

Verse: 38   Link to gnt   Աղաղակեաց եւ ասէ. Յիսուս որդի Դաւթի՝ ողորմեաց ինձ։

Verse: 39   Link to gnt   Եւ որ առաջին երթային՝ սաստէին նմա զի լռեսցէ. եւ նա եւս առաւել աղաղակէր. որդի Դաւթի ողորմեաց ինձ։

Verse: 40   Link to gnt   Զտեղի առ Յիսուս, եւ հրամայեաց ածել զնա առ իւր։ Իբրեւ մերձ եղեւ առ նա, եհարց զնա եւ ասէ.

Verse: 41   Link to gnt   Զինչ կամիս դու՝ զի արարից քեզ։ եւ նա ասէ. տէր զի բացցին աչք իմ՝ եւ տեսից։

Verse: 42   Link to gnt   Եւ Յիսուս ասէ ցնա. հայեաց հաւատք քո կեցուցին զքեզ։

Verse: 43   Link to gnt   Եւ առժամայն ետես, եւ երթայր զհետ նորա՝ եւ փառաւոր առնէր զԱստուած։ եւ ամենայն ժողովրդեանն տեսեալ, տայր օրհնութիւն Աստուծոյ։



Next part


This text is part of the TITUS edition of Armenian NT (Zohrab Bible).

Copyright TITUS Project, Frankfurt a/M, 29.11.2024. No parts of this document may be republished in any form without prior permission by the copyright holder.