TITUS
Armenian NT (Zohrab Bible)
Part No. 59
Previous part

Chapter: 15  
(Ժ՜Ե)


Verse: 1   Link to gnt   Եւ էին մերձ առ նա ամենայն մաքսաւորք եւ մեղաւորք՝ լսել ի նմանէ։

Verse: 2   Link to gnt   Տրտնջէին Փարիսեցիքն եւ դպիրք՝ եւ ասէին. ընդէր սա՝ զմեղաւորս ընդունի՝ եւ ուտա̈ ընդ նոսա։

Section: 56  
Verse: 3   Link to gnt   Ասաց առ նոսա զառակս զայս։

Verse: 4   Link to gnt   Ով ոք իցէ ի ձէնջ մարդ՝ որոյ իցէ հարեւր ոչխար, եւ կորուսանիցէ մի ի նոցանէ. ոչ թողուցու զիննսուն եւ զինն յանապատի, եւ երթիցէ զհետ կորուսելոյն՝ մինչեւ գտանիցէ զնա։

Verse: 5   Link to gnt   Եւ իբրեւ գտանէ դնէ զնա ի վերայ ուսոց իւրոց խնդալով,

Verse: 6   Link to gnt   Եւ երթայ ի տուն. կոչէ զբարեկամս եւ զդրացիս՝ եւ ասէ ցնոսա. ուրախ եղերուք ընդ իս, զի գտի զոչխարս իմ զկորուսեալ։

Verse: 7   Link to gnt   Ասեմ ձեզ. զի այսպէս է ուրախութիւն յերկինս վասն միոյ մեղաւորի որ ապաշխարիցէ, քան վասն իննսուն եւ ինն արդարոյ՝ որոց չիցէ պիտոյ ապաշխարութիւն։

Verse: 8   Link to gnt   Կամ ով իցէ կին, որոյ իցեն դրամք տասն. եւ եթէ կորուսանիցէ դրամ մի, ոչ լուցանէ ճրագ, եւ ածիցէ աւել ի տան, եւ խնդրիցէ ստեպ՝ մինչեւ գտանիցէ։

Verse: 9   Link to gnt   Իբրեւ գտանէ, կոչէ զբարեկամս եւ զդրացիս՝ եւ ասէ. ուրախ լերուք ընդ իս, զի գտի զդրամն իմ զոր կորուսի։

Verse: 10   Link to gnt   Այնպէս՝ ասեմ ձեզ, ուրախութիւն եղիցի առաջի հրեշտակաց Աստուծոյ՝ ի վերայ միոյ մեղաւորի որ ապաշխարիցէ։

Section: 57  
Verse: 11   Link to gnt   Եւ ասէ. առն միոջ էին երկու որդիք.

Verse: 12   Link to gnt   Ասէ կրտսերն ի նոցանէ ցհայրն. հայր՝ տուր ինձ բաժին որ անկանի յընչիցդ։ եւ նա՝ բաժանեաց նոցա զկեանսն։

Verse: 13   Link to gnt   Եւ յետ ոչ բազում աւուրց՝ ժողովեալ զամենայն կրտսերոյն՝ գնաց յաշխարհ հեռի. եւ անդ վատնեաց զինչս իւր. զի կեայր անառաակութեամբ։

Verse: 14   Link to gnt   Եւ իբրեւ սպառեաց զամենայն, եղեւ սով սաստիկ յաշխարհին յայնմիկ, եւ սկսաւ ինքն չքաւորել։

Verse: 15   Link to gnt   Եւ գնացեալ յարեցաւ ի մի ոմն քաղաքացւոց աշխարհին այնորիկ. եւ յղեաց զնա յագարակ իւր՝ արածել խոզս։

Verse: 16   Link to gnt   Եւ ցանկայր լնուլ զորովայն իւր յեղջերէն զոր խոզքն ուտէին, եւ ոչ ոք տայր նմա։

Verse: 17   Link to gnt   Եւ եկեալ ի միտս իւր՝ ասէ. քանի վարձկանք իցեն ի տան հօր իմոյ հացալիցք, եւ ես աստ՝ սովամահ կորնչիմ։

Verse: 18   Link to gnt   Յարուցեալ գնացից առ հայր իմ, եւ ասացից ցնա. Հայր՝ մեղայ յերկինս՝ եւ առաջի քոյ,

Verse: 19   Link to gnt   Եւ ոչ եւս եմ արժանի կոչել որդի քո. արա զիս իբրեւ զմի՝ ի վարձկանաց քոց։

Verse: 20   Link to gnt   Եւ յարուցեալ եկն առ հայր իւր։ եւ մինչ դեռ հեռագոյն էր, ետես զնա հայրն՝ եւ գթացաւ. յարեաւ եւ ընթացաւ ընդ առաջ, անկաւ զպարանոցաւն նորա, եւ համբուրեաց զնա։

Verse: 21   Link to gnt   Եւ ասէ ցնա որդին. Հայր՝ մեղայ յերկինս՝ եւ առաջի քոյ, եւ ոչ եւս եմ արժանի կոչել որդի քո։

Verse: 22   Link to gnt   Ասէ հայրն ցծառայսն իւր. վաղվաղակի հանէք զպատմուճանն առաջին, եւ ագուցէք նմա, եւ տուք զմատանին ի ձեռն նորա, եւ կօշիկս յոտս նորա.

Verse: 23   Link to gnt   Եւ ածէք զեզն պարարակ, զենէք կերիցուք եւ ուրախ լիցուք.

Verse: 24   Link to gnt   Զի այս որդի իմ մեռեալ էր՝ եւ եկեաց, կորուսեալ էր՝ եւ գտաւ. եւ սկսան ուրախ լինել։

Verse: 25   Link to gnt   Եւ էր երէց որդի նորա յագարակի. եւ մինչ դեռ գայր՝ մերձ եղեւ ի տունն, լուաւ զձայն երգոց եւ զպարուց.

Verse: 26   Link to gnt   Եւ կոչեցեալ առ ինքն զմի ի ծառայիցն՝ հարցանէր թէ զինչ իցէ այն։

Verse: 27   Link to gnt   Եւ նա՝ ասէ ցնա. զի եղբայր քո եկեալ է եւ եզեն հայր քո զեզն պարարակ, զի ողջամբ ընկալաւ զնա։

Verse: 28   Link to gnt   Բարկացաւ՝ եւ ոչ կամէր մտանել։ Եւ հայրն ելեալ արտաքս՝ աղաչէր զնա։

Verse: 29   Link to gnt   Պատասխանի ետ՝ եւ ասէ ցհայրն. այս քանի ամք են՝ զի ծառայեմ քեզ, եւ երբէք զպատուիրանաւ քով ոչ անցի. ուլ մի երբէք ոչ ետուր ինձ՝ զի ուրախ եղէց ընդ բարեկամս իմ։

Verse: 30   Link to gnt   Յորժամ եկն որդիդ քո այդ, որ եկեր զկեանս քո ընդ պոռնիկս, զեներ դմա զեզն պարարակ։

Verse: 31   Link to gnt   Եւ ասէ ցնա. որդեակ, դու հանապազ ընդ իս ես։ եւ ամենայն որ ինչ իմ է՝ քո է.

Verse: 32   Link to gnt   Այլ ուրախ լինել եւ խնդալ պարտ էր, զի եղբայր քո այս մեռեալ էր, եւ եկեաց. կորուսեալ, եւ գտաւ։



Next part


This text is part of the TITUS edition of Armenian NT (Zohrab Bible).

Copyright TITUS Project, Frankfurt a/M, 29.11.2024. No parts of this document may be republished in any form without prior permission by the copyright holder.