TITUS
Armenian NT (Zohrab Bible)
Part No. 34
Previous part

Chapter: 6  
(Զ՜)


Passage: 4-5 
Verse: 1   Link to gnt   Եւ ել անտի, եկն ի գաւառ իւր. եւ երթային զհետ նորա աշակերտքն իւր։

Verse: 2   Link to gnt   Եւ եղեւ ի շաբաթուն՝ սկսաւ ուսուցանել ի ժողովրդեանն։ եւ բազումք իբրեւ լսէին՝ զարմանային ընդ վարդապետութիւն նորա, եւ ասէին. ուստի սմա այս, կամ զի ինչ է իմաստութիւնս որ տուեալ է սմա. զի զօրութիւնք այսպիսիք ի ձեռաց սորա լինիցին։

Verse: 3   Link to gnt   ոչ սա է մանուկ հիւսանն, եւ որդին մարեմայ, եղբայր յակովբայ եւ յովսեայ եւ յուդայի եւ սիմովնի. եւ չիցեն քորքն դորա աստ առ մեզ, եւ գայթագղէին ի նա։

Verse: 4   Link to gnt   Եւ ասէցնոսա Յիսուս. ոչ մարգարէ անարգ, բայց եթէ ի գաւառի իւրում, եւ յազգատոհմի, եւ ի տան իւրում։

Verse: 5   Link to gnt   Եւ ոչ կարէր անդ՝ եւ ոչ մի ինչ զօրութիւն առնել, բայց սակաւ հիւանդաց ձեռն եդեալ՝ բժշկէր զնոսա։

Verse: 6   Link to gnt   Եւ զարմանայր վասն անհաւատութեան նոցա։ Եւ շրջէր շուրջ զգաւառօքն, եւ ուսուցանէր։

Section: 14  
Passage: 4-6 
Verse: 7   Link to gnt   Եւ կոչեաց առ ինքն զերկոտասանսն, եւ սկսաւ առաքել զնոսա երկուս երկուս. եւ տայր նոցա իշխանութիւն ի վերայ այսոց պղծոց։

Verse: 8   Link to gnt   Եւ պատուիրեաց նոցա՝ զի մի ինչ բարձցեն ի ճանապարհ, բայց միայն գաւազան. մի պարկ, մի հաց. մի պղինձ՝ ի գօտիս։

Verse: 9   Link to gnt   այլ ագանել հողաթափս, եւ մի զգենուցուք ասէ՝ երկուս պարեգօտս։

Verse: 10   Link to gnt   Եւ ասէր ցնոսա. յոր տուն մտանիցէք, անդէն օթեւանս կալջիք՝ մինչեւ ելանիցէք անտի։

Verse: 11   Link to gnt   Եւ որ ոչ ընկալցին զձեզ, եւ ոչ լուիցեն ձեզ, յորժամ ելանիցէք անտի՝ թօթափեսջիք զփօշի ոտից ձերոց ի վկայութիւն նոցա։

Verse: 12   Link to gnt   Եւ ելեալ քարոզէին՝ զի ապաշխարեսցին.

Verse: 13   Link to gnt   Եւ դեւս բազումս հանէին՝ եւ օծանէին իւղով զբազում հիւանդս, եւ բժշկէին զնոսա։

Section: 15  
Passage: 4-7 
Verse: 14   Link to gnt   Եւ լուաւ արքայ հերովդէս. քանզի յայտնի եղեւ անուն նորա. եւ ասէր, թէ յովհաննէս մկրտիչ յարեաւ ի մեռելոց, եւ վասն այնորիկ զօրութիւնք լինին նովաւ։

Verse: 15   Link to gnt   Այլք ասէին՝ թէ եղիա է. իսկ այլքն թէ մարգարէ է, կամ թէ իբրեւ զմի ի մարգարէից։

Verse: 16   Link to gnt   Իբրեւ լուաւ հերովդէս, ասէ, զորոյ՝ եւ զգլուխն հատի զյովհաննու, սա է նա յարեաւ ի մեռելոց։

Verse: 17   Link to gnt   Զի ինքն հերովդէս առաքեաց կալաւ զյովհաննէս, եւ կապեաց զնա եւ եդ ի բանտի, վասն հերովդիայ կնոջ փիլիպպոսի եղբօր նորա. քանզի նա՝ կին արար զնա։

Verse: 18   Link to gnt   Քանզի ասէր յովհաննէս ցհերովդէս՝ թէ ոչ է օրէն քեզ ունել զկին եղբօր քո։

Verse: 19   Link to gnt   Եւ հերովդէս ոխացեալ էր ընդ նմա՝ եւ կամէր սպանանել զնա, եւ ոչ կարէր։

Verse: 20   Link to gnt   Զի հերովդէս՝ երկնչէր ի յովհաննէ, քանզի գիտէր զնա այր արդար եւ սուրբ. եւ սպասէր նմա. եւ լուեալ ի նմանէ բազում ինչ առնէր, եւ քաղցրութեամբ ասէր նմա։

Verse: 21   Link to gnt   Իբրեւ օր մի լինէր պարապոյ, յորժամ ընթրիս տայր հերովդէս՝ յաւուր ծննդոց իւրոց, նախարարաց իւրոց եւ հազարապետաց եւ մեծամեծաց գալիլեացւոց.

Verse: 22   Link to gnt   Եւ ի մտանել դստերն հերովդիայ՝ եւ ի կաքաւել, հաճոյ եղեւ հերովդի եւ բազմականացն։ Ասէ թագաւորն ցաղջիկն. խնդրեա յինէն զոր ինչ կամիս, եւ տաց քեզ։

Verse: 23   Link to gnt   Եւ երդուաւ նմա բազում անգամ, թէ զոր ինչ խնդրեսցես դու յինէն. տաց քեզ՝ մինչեւ ցկէս թագաւորութեան իմոյ։

Verse: 24   Link to gnt   Նա ելեալ ասէ ցմայր իւր. զինչ խնդրեցից։ եւ նա ասէ, զգլուխն յովհաննու մկրտչի։

Verse: 25   Link to gnt   Եւ մտեալ անդրէն փութանակի առ թագաւորն՝ ասէ. կամիմ զի այժմ տացես ինձ վաղվաղաձռկի ի վերայ սկտեղ զգլուխն յովհաննու մկրտչի։

Verse: 26   Link to gnt   Եւ տրտմեցաւ յոյժ թագաւորն, այլ վասն երդմանցն՝ եւ կոչնականացն՝ ոչ կամեցաւ անարգել զնա.

Verse: 27   Link to gnt   Եւ առաքեաց վաղվաղակի թագաւորն՝ դահիճ, եւ հրամայեաց բերել զգլուխն նորա։ Եւ չոգաւ գլխատեաց զնա ի բանտին.

Verse: 28   Link to gnt   Եւ եբերզգլուխն նորա սկտեղբ՝ եւ ետ ցաղջիկն։ եւ աղջիկն տարաւ՝ ետ մօր իւրում։

Verse: 29   Link to gnt   Իբրեւ լուան աշակերտքն նորա, եկին բարձին զմարմինն՝ եւ եդին ի գերեզմանի։

Passage: 5-1 
Verse: 30   Link to gnt   Ժողովեցան առաքեալքն առ յիսուս, եւ պատմեցին նմա զամենայն ինչ զոր արարին եւ զոր ուսուցին։

Verse: 31   Link to gnt   Եւ ասէ ցնոսա Յիսուս. եկայք դուք առանձինն յանապատ տեղի, եւ հանգիջիք սակաւ մի։ զի էին բազումք որ երթային եւ գային, եւ հաց անգամ՝ չժամանէին ուտել։

Verse: 32   Link to gnt   Եւ գնացին նաւու յանապատ տեղի առանձինն։

Verse: 33   Link to gnt   Եւ տեսին զնոսա զի երթային, եւ զգացին բազումք. եւ հետի յամենայն քաղաքաց խուռն ընթանային անդր, եւ մերձենային աէ նոսա։

Verse: 34   Link to gnt   Եւ ելեալ ետես՝ ամբոխ բազում, եւ գթացաւ ի նոսա զի օին իբրեւ ոչխարք՝ որոց ոչ իցէ հովիւ։ եւ սկսաւ ուսուցանել զնոսա յոյժ։

Section: 16  
Verse: 35   Link to gnt   Եւ իբրեւ բազում ժամ եղեւ, մատուցեալ աշակերտքն՝ ասէին, տեղիս՝ անապատ է, մինչ դեռ աւուր կայ,

Verse: 36   Link to gnt   արձակեա զժողովուրդսդ, զի երթեալ շուրջ յագարակս եւ ի դեղս՝ գնեսցեն իւրեանց զինչ ուտիցեն, զի աստ՝ ինչ ուտել ոչ ունին։

Verse: 37   Link to gnt   Նա պատասխանի ետ՝ եւ ասէ ցնոսա. դուք տուք դոցա՝ ուտել։ ասեն ցնա՝ երթիցուք գնեսցուք երկերիւր դահեկանի հաց, եւ տացուք դոցա ուտել։

Verse: 38   Link to gnt   Ասէ ցնոսա. քանի նկանակ ունիք, երթայք տեսէք։ իբրեւ գիտասցին, ասեն ցնա՝ հինգ. եւ երկուս ձկունս։

Verse: 39   Link to gnt   Եւ հրամայեաց նոցա բազմել երախանս երախանս ի վերայ դալար խոտոյ։

Verse: 40   Link to gnt   Եւ բազմեցան դասք դասք. ուր հարեւր եւ ուր յիսուն։

Verse: 41   Link to gnt   Եւ առեալ զհինգ նկանակն եւ զերկուս ձկունսն, հայեցաւ յերկինս, օրհնեաց, մանրեաց զնկանակսն, եւ ետ ցաշակերտսն զի արկցեն նոցա, եւ զերկուս ձկունսն՝ բաշխեաց ամենեցուն.

Verse: 42   Link to gnt   Կերան՝ եւ յագեցան.

Verse: 43   Link to gnt   Եւ բարձին զնշխարսն երկոտասան սակառի լի, եւ ի ձկանց անտի։

Verse: 44   Link to gnt   եւ էին որք կերանն՝ իբրեւ արք հինգ հազար։

Passage: 5-2 
Verse: 45   Link to gnt   Եւ նոյն ժամոյն ճեպեաց զաշակերտսն մտանել նաւ, եւ յառաջագոյն քան զնա երթեալ յայնկոյս ի բեթսայիդա, մինչ ինքն զժողովուրդսն արձակիցէ.

Verse: 46   Link to gnt   Եւ հրաժարեալ ի նոցանէ՝ ել ի լեառն կալ յաղօթս։

Section: 17  
Verse: 47   Link to gnt   Եւ իբրեւ երեկոյ եղեւ, էրնաւն ի մէջ ծովուն, եւ ինքն ի ցամաքի։

Verse: 48   Link to gnt   Եւ ետես զնոսա հողմակոծեալս ի վարելն, զի էր հողմն ընդդէմ նոցա։ եւ զչորրորդ պահու գիշերոյն գայ առ նոսա գնալով ի վերայ ծովուն. եւ կամէր զանց առնել առ նոքօք։

Verse: 49   Link to gnt   Նոքա իբրեւ տեսին զի գնայր ի վերայ ծովուն, համարեցան թէ առաչօք ինչ լինիցի, եւ զաղաղակ բարձին։

Verse: 50   Link to gnt   Քանզի ամենեքեան տեսին զնա՝ եւ խռովեցան։ Եւ նա՝ անդէն վաղվաղակի խօսեցաւ ընդ նոսա, եւ ասէ. քաջալերեցարուք։ ես եմ՝ մի երկնչիք։

Verse: 51   Link to gnt   Եւ ել 'ի նաւն առ նոսա, եւ դադարեաց հողմն։ Եւ առաւել եւս յիմարեալ էին՝ ի միտս իւրեանց, եւ զարմանային յոյժ.

Verse: 52   Link to gnt   Քանզի եւ ի վերայ հացին ոչ իմացան զի էր սիրտ նոցա թմրեալ։

Verse: 53   Link to gnt   Եւ իբրեւ անցին յայնկոյս, եկին յերկիրն գեննեսարեթ։

Verse: 54   Link to gnt   Եւ իբրեւ ելին ի նաւէ անտի. իսկ եւ իսկ ծանեան զնա արք տեղւոյն այսորիկ.

Verse: 55   Link to gnt   Եւ ընթացեալ այսր անդր ընդ ամենայն գաւառն, սկսան մահճօք բերել զհիւանդս, ուր լսէին թէ անդ իցէ։

Verse: 56   Link to gnt   Եւ ուր եւ մտանէր՝ ի գեղս կամ ի քաղաքս կամ յագարակս, ի հրապարակս դնէին զախտաժէտս, եւ աղաչօին զնա՝ զի գոնէ՝ ի քղանցս հանդերձից նորա մերձենայցեն. եւ որք միանգամ մերձեցանն՝ փրկեցան։



Next part


This text is part of the TITUS edition of Armenian NT (Zohrab Bible).

Copyright TITUS Project, Frankfurt a/M, 29.11.2024. No parts of this document may be republished in any form without prior permission by the copyright holder.